Joven Tenki Hadok a’an hosi HIV/SIDA-Koruptor

MEDIAONETIMOR-Atu Hamenus korupsaun no HIV/SIDA, Global Organization of Parliamentarians Against Corruption (GOPAC) Timor-Leste servisu hamutuk ho komisaun Nasional kombate HIV/SIDA halo dessiminasaun no sensibilazasaun ba eskola Secundariu 4 de Setembru, 12 de Novembru, 5 de Maio, Golegio São Miguel (CSM) no Eskola Paroquial São Pedro.

Tuir  Presidente executive GOPAC Timor-Leste, Deputadu  Francisco Miranda Branco informa ba estudante no Profesor sira katak, virus korupsaun no HIV/SIDA, bele hamonu harahun jerasaun. Bele hamate no destroi sosiedade nia vida iha nasaun ida.

Deputadu Francisco hateten, Repbulika Demokratika de Timor Leste (RDTL) ne’ebe harí ho 100.000-resin nia ran labele uza opurtunidade ba HIV no Korrupsaun buras hodi hamonu nasaun ida ne’e.

“Ita nian konstitusaun RDTL desreve  ona kona boa goverasaun no boa administrasaun. Tan ne’e presiza banati tuir buat iha ona lei inan. Se laiha ona boa governasaun iha administrasaun no transparansia ne’ebé diak, entaun sei hamosu opurtunidade ba  corruptor,” esplika Deputadu Francisco.

Nia hateten, ba futuru presiza prepara jerasaun foun no hametin integridade fama nia ónra para labele monu ba korupsaun. Nune’e, Parlamanetu Nasional hanoin atu propoin ba Ministeriu Edukasaun para introdus sistema kurikulun korupsaun no edukasaun Sivika  ba estudante sira. Hahu kedas husi eskola básiku.

Deputadu Francisco fo kunyesementu kamara kontas ne’ebe halo parasse ba auditoria estadu nian ne’ebe indika korrupsaun balu mosu iha Universidade Nasional Timor Leste (UNTL) no hetan ona julgamentu iha tribunal rekursus.

Iha parte seluk tuir Komisaun Nasional Kontra HIV Rev. Daniel Marçal hateten, iha mundu problema bo’ot ne’e mundu seidauk revolve to ohin loron mak Virus Korrupsaun No virus HIV/SIDA.

Nia apresia, ba vontande politika husi governu ne’ebé iha serialidade no interse no hakarak duni hari komisaun ba luta kontra HIV/SIDA. Ba sira ne’ebe hetan virus hamutuk 642.

“Virus HIV/SIDA hada’et husi relasaun seksual, husi inan nebe’e  HIV–positivou ba nia oan  (bainhira tur–ahi, liu husi plasenta no fo susu.  Daun ka siringa kontaminadu, transfuzaun ran nebe’e kontaminado; no de–vez–em–kuando liu husi kontaktu ho kanek nebe’e ran ou bele liu tatto,” esplika Rev. Daniel.(Kontributor MOT/Quintilano Tilman)