Timor-Leste Selebra Loron Liberdade Imprensa

MEDIAONETIMOR-Komunidade jornalizmu iha Timor-Leste (TL) hosi media oin-oin hamutuk ho Estudante Departementu Komunikasaun Sosial iha Universidade Nasional Timor Lorosa’e (UNTL) no Universidade Oriental Timor Lorosa’e (Unital) selebra loron mundiál liberdade imprensa ne’ebé monu iha loron 3 Maiu 2017.

Hó tema; hanoin ne’ebé kritika iha tempu ne’ebé kritiku, organijasaun Asosiasaun Jornalista Timor Lorosa’e (AJTL) no Timor-Leste Press Union (TLPU) organija hodi selebra loron mundiál liberdade imprensa ne’e iha jardim 5 Maiu ba tinan 2017 nian.

Antis atu tama ba serimonia divertimentu hamutuk, eis Prezidente AJTL, Tito Filipe no Secretário de Estado para a Politica de Formação Profissional e Emprego (Sepfope), Ilidio Ximenes da Costa hato’o sira nia diskursu konaba lalaok profisaun jornalista to’o tama ba tinan 2017.

Remata serimonia divertimentu ba jornalista Sekretariu Estadu Sepfope, Ilidio Ximenes da Costa hateten, jornalista nu’udar matan no tilun ba komunidade hodi transfere rezultadu servisu governu nian. Nune’e korespondensia ne’ebé halo entre komunikator para kompleta malu.

“Dezenvolvimentu ita bele halo maibe nia rejultadu servisu ema la hatene maka ema dehan ita lahalo buat ida. Buat hotu-hotu bele halo hó furak oin-oin, maibé media la fó sai ba publiku, ema sei lahatene,” katak Ilidio.

Tuir Ilidio, liberdade da imprensa katak libre atu fo expresa. Fo sai buat ne’ebé sala fo sai sala. Buat ne’ebé los fo sai los. Nune’e nu’udar governantes buka hadia a’an ba ema hotu nia moris diak.

Sai mata dalan hodi divulga infomasaun hatutan Ilidio, jornalista tenki professional. Formasuan importante. Profisaun hanesan jornalista tenki iha kapasitasaun buka para atu hatene.

Ilidio dehan, informasaun ne’ebé públika durante ne’e barak liu iha Dili no lideransa deit. Maibé informasaun hosi baze seidauk to’o mai iha nasiona. No presija liutan maka media investigativu para bele fo sai ida ne’ebé diak no át.

Liafuan trabalhador katak Ilidio, laos refere deit ba povu ki’ik. Kuandu jornalista mak iha hanoin katak trabalhador lia fuan ida ba ema ki’ik (buru kasar-Indonezia) deit ne’e diskrimina malu. Profisaun mak lahanesan. Balu sai jornalista. Balu sai badaen no balun seluk sa Sekretariu Estadu.

Hatan konaba kontratu profisaun jornalizmu nian Ilidio dehan, kontratu ne’ebé simu maka tenki tetu didiak. Katak, sufisiente ka lae salariu husi kontratu ne’e. Maibé dau-daun ne’e komesa debate ona lei salariu minimu para hasa’e ka manteim nafatin.

“Parabens ba jornalista hotu ne’ebé selebra loron liberdade imprensa mundial. Parabens ba media hotu-hotu. Laiha Media, laiha jornalista. Iha media no jornalista deit maka bele fó sai ba públiku konaba progresu dezemvolvimentu ne’ebé lao. Inklui Sepfope. Parabens,” tenik Ilidio.

Selebra Vitoria

Lia fuan parabéns mós hato’o hosi Peskijador Organijasaun Não Governu (ONG) Lao Hamutuk, Juvinal Dias. Ba jornalista Juvinal hateten, loron liberdade imprensa hodi komemora sakrifisiu jornalista ba vitoria livre atu ekspresa.

Nu’udar sosiadade sivil Juvinal hamutuk ho jornalista iha Jardim 5 Maio para fo mensajem ba estadu no governu atu asegura direitu media ba asesu informasaun ho livre. Tamba, asesu informaaun ho livre maka bele promove demokrasia transparensia no estabilidade.

“Se’e nasaun ida ne’ebé nia ukun nain sira utilija nia poder hodi limita liberdade imprensa ne’e hanesan mós meus ida ne’ebé ukun nain sira uja para atu bele hafraku demokrasijasaun ba povu TL nian,” dehan Juvinal.

Aproveita selebrasaun loron liberdade imprensa mundial ne’e hatutan Juvinal, jornalista iha TL organija sira nia a’an hodi reprejenta espresa ema barak nia idea hodi bele kompriende ba partisipasaun iha transparansia demokrasia rai laran.

Hateten Juvinal, demokrasia transparansia laos deit berbal hosi praktika. Maibé ema bele asesu ba informasaun bainhira jornalista ida bele hakerek. Bainhira nia hetan ka asesu ita hotu tenke fasilita jornalista atu promove demokrasia transparansia iha TL.

Lei TL ne’ebé promove justisa social, justisa politika no justice ekonomiku ba povu Juvinal dehan, “Lolos Parlamentu Nasional tenke iha vontade atu rona aspirasaun povu nian. Povu husu simples. Hadia sira nia moris, molok hadia ukun nain sira nia moris. Maibé PN sira goja uluk sira nia previleiju ho benefisiu ne’ebé bo’ot. Kuitadu, povu kiak ba bei-beik.”

Tuir Sefi Redasaun TV Grupo Media Nasional (GMN), Fransedes Sumi, maioria jornalista iha TL hare sira nia a’an ki’ik liu ministru sira. Tenki tahu a’an hanesan tanba responsabilidade hanesan deit.

Ohin loron ita aluga ema ida, atu selu   sai jornalista , ita espera katak nia sai jornalista radio, jornalista jornal, jornalista televisaun .

Nia hateten, prosesudulizmu jornalista, loron ba loron aumenta ba bei-beik. durante ukun a’an, media responde ona nesesidade TL ba informasaun. Maske polisia sira liman sei kman hodi baku jornalista.

“Jornalista tenki luta nafatin. Jornalista iha lei ne’ebé barak. Lei komunikasaun inflasmente ita jornalista rasik maka hatene. Públiku liu-liu ba sira ne’ebé iha poder foti desijaun maioria seidauk hatene. Presiza esplikasaun para labele tan iha halimar liman ba jornalista sira tan iha nasaun demokratiku ida ne’e,” tenik Fransedes.(estájiariu Mario/estájiada Joanina/estájiada Asila)