Job at MoF: Information Assistant (6)-Integrated Border Posts (IBP) Batugade and Salele

AVISU ABERTURA KONKURSU
Unidade Recursus Humanos, Ministério Finansas hakarak fó hatene ba públiku katak  oras ne’e dadaun Ministériu Finansas loke vaga nén (6) ba pozisaun Assistente Informasaun/ Information Assistant hanesan iha referensia tuir mai ne’e:
Títulu Pozisaun : Assistente Informasaun/ Information Assistant (Posu Integradu Batugade & Salele, Diresaun Jeral Alfandêgas)
No.Ref : 413/ URH-MF/VII/2017
Vaga atu prienxe : Total 6
Postu Integradu Batugade – 4
Postu Integragu Salele- 2
Tipu de konkursu : Konkursu Públiku
Kategoria : Kontratadu
Indise Salarial : US$ 150 – US$ 200/Fulan
Prazu validade konkursu públiku periodu ida ne’e validade to’o :  14 Julhu, 2017
A.    Deskrisaun Kontéudo funsional: (hare diskrisaun funsoens iha termu referensia iha página https://www.mof.gov.tl/wp-content/uploads/2017/07/Avizu-Vaga_Assistente-Informasaun_Postu-Integradu-Batugade-no-Salele.pdf
B.     Rekezitu ba Admissaun :
1.      Rekezitu Jeral

1. Sidadaun Timorense;
2. Kualifikasaun akademika mínimu remata eskola sekundáriu /ka diploma iha area relevante;
3. Iha tinan mínimu 18 no máximun 45;
4. Iha integridade a’as, onestidade no disiplina ne’ebé makaás;
5. Iha komitmentu ne’ebé makaás ba servisu;
6. Koñesimentu no abilidade  uza sistema komputador mínimu programa ms.word & ms.excel;
7. Pro-aktivu hodi aprende knar foun;
8. Iha vontade atu aprende liu tan.

2.      Kriteria Selesaun (Assistente Informasaun/ Information Assistant)
A.    Essensial:

1. Remata Eskola Sekundaria no/ka diploma iha area Komunikasaun no Informasaun,
2. Iha esperiensia servisu tinan 2 iha area atendimentu kliente iha setor públiku;
3. Iha abilidade komunikasaun ne’ebé fluente atu koalia no hakerek iha lian tetun no/ka Portugés, bahasa Indonesia no Inglés,
4. Hatudu koñesimentu di’ak kona ba padraun atendimentu klientes;;
5. Hatudu kapasidade servisu ho ekipa, servisu kliente no rezolve problema;
6. Hatene uza komputador ho aplikasaun Microsoft Office hanesan; Ms. Word, Excel no Data Base

B.     Preferível:

1. Remata lisensiatura iha area Komunikasaun no Informasaun;
2. Iha esperiensia servisu hanesan atendimentu kliente iha Postu Integradu nian.

C.     Prosedimentu Aplikasaun:
a. Aplikante tenki hatama dokumentus aplikasaun hotu inklui: (a) Karta aplikasaun, (b) CV detalhu labele liu to’o pajina 7 no (c) Responde ba kriteria selesaun  (ezemplu bele hare iha ne’e: APPLICATION_PROCEDURES_MoF-Revised-2016.doc / Favor click iha MoF Application Procedure)
b.      Karta aplikasaun/ rekerimentu tenki dirizi ba: Unidade Rekursus Humanos, Sr. Abilio Barros Soares  – Koordenador Unidade Rekursus Humanos, 9^° andar URH, Torre Ministériu Finansas, Ai-Tarak Laran, Díli
c.       Aplikante tenki submete dokumentus aplikasaun mai e-mail, [email protected] to’o masímu tuku 17:00 OTL iha Loron 14 Julhu, 2017.
d. Formatu  atu Responde ba kriteria selesaun bele hare iha aneksu;
e. Kandidatu ne’ebé la tuir prosedimentu aplikasaun ka entrega aplikasaun inkompletu sei konsidera   hanesan Diskualifikasaun;
f.       Prosesu selesaun ba vaga Assistente Informasaun mak hanesan :

• Selesaun Kurikular (CV shortlisting);
• Teste hakerek ;ss
• Entrevista professional;

Ministériu Finansas se’i kontaktu de’it ba kandidatu ne’ebé liu ou passa ba selesaun prosesu rekrutamentu.

Recruitment Team | Human Resources Unit 9th Floor, HR Unit,
Tower Ministry of Finance,
Ai- Tarak Laran, Dili, Timor-Leste
[email protected]