(Reportajem Estajiadu Media ONE Timor Mario Pereira)
Dili (www.mediaonetimor.co) – Fatin reza ba sira ne’ebé relijiaun Hindu ka hinduísmo, iha foho ki’ik Merkadu Taibesi nia sorin, parte Sul Kapitál Dili nian, aliende sai fatin reza, sei sai moos fatin Turizmu relijioju nian ho naran Bali-Dili.
Tuir Prezidente Repúblika (PR) José Ramos Horta no Koordenador Komunidade Hindu Timor-Leste (KHTK), Iputu Ari Sanjaya hatete, panorama ne’ebé furak fó apoiu ba Pura Giri Natha Taibesi hodi sai fatin alternativa Turizmu nian iha Timor-Leste (TL).
“Pura Taibesi ida ne’e nia furak, hanesan terseira lugar iha mundu. Bainhira iha tempu mendung (abu-abu tuun-Red), ita haree obra retratu ne’e di’ak teb-tebes”, hatete PR Ramos Horta ho orgullu bainhira partisipa selebrasaun loron mundiál hinduísmo sira nian, Kuarta, (02/08/2023).
Maske tuir dadus tinan 2015 komunidade TL iha de’it hinduísmo hamutuk 272, maibé PR Ramos Horta husu ba IX Governu Konstituisionál atu finaliza lalais renovasaun Pura Giri Natha Taibessi ne’ebé hahú renovasaun tiha ona iha tinan 2021.
Hanesan públika ona katak, Pura Niri Natha harii ba imigrante Indonezia, liu-liu komunidade Bali. Pura ne’e inagura hosi eis Guvernador Timor-Timur, Ir. Mario Viegas Carascalão, iha loron 27 Juñu 1987. Hafoin TL ukun an, iha tinan 2015 identifika komunidade besik 272 maka hinduísmo.
Nune’e Governu desidi hodi fó apoiu osan besik U$1,2 juta (U$1,207,958.18) hodi halo renovasaun ba Pura Niri Natha. Iha loron 26 Janeiru 2023 Diretor Exekutivu SASCAS (Serviço de Apoio á Sociedade Civil e Auditoria Sosiál), Edwin Noronha hatete, projeitu renovasaun ne’e atinji ona 90%. Maibé liu ona fulan neen, PR Ramos Horta sei nafatin hatete, atinji ona 90%.
Aliende ezizi aselera finalizasaun renovasaun Pura Niri Natha Taibessi ne’e, hatutan PR Ramos Horta sei husu ba IX Governu Konstituisionál para hadia mos estrada hatutan mai to’o Pura ne’e. Nune’e, sei atria vizitante hosi rai liur nomos vijitante rai laran.
“Hau sei iha inkontru semenál ho Primeiru Ministru Xanana, hodi hateten hau nia vizita mai iha fatin Pura Taibessi. Nune’e, iha pedidu ruma ba iha Guvernu. Tamba Premeiru Ministru Xanana, ema ida sensivel ba asuntu hirak hanesan ne’e,” PR Horta hatete.
Iha fatin hanesan Koordenador KHTL, Iputu Ari Sanjaya hato’o agradesementu ba PR Ramos Horta ne’ebé partisipa ona loron boot relijiaun Hindu nian, ne’ebé komunidade hotu-hotu iha mundu selebra, inklui komunidade hinduísmo iha TL.
“Komunidade Hindu Timor-Leste agradese tebes ba esforsu ne’ebé mak halo husi Embaxador Republika Indonezia iha Dili Bapak Malik hodi konvida Presidente Republika Dr. Ramos Horta mai partisipa hodi selebra hamutuk iha loron importante ne’e”, katak Iputu hodi hatutan.
Nia hatete, komunidade hinduísmo iha mundu kada tinan selebra loron boot dala rua. Loron boot dahuluk monu iha loron 04 Janeiru hodi selebra loron Galungan kada tinan. No loron boot daruak selebra iha loron 02 Agostu kada tinan, nu’udar hinduísmo sira nia loron.
Esplika Iputu, selebrasaun loron 02 Agostu sai hanesan loron importante ida hodi selebra Vitoria Dharma (Kebenaran-Lian Indonezia) no kontra hodi hasoru Adharma (kejahatan-Lian Indonezia). Selebrasaun loron hinduísmo ne’e, nu’udar agradesementu ida hodi oferese ba Sang Hyang Widhi no Dewa Bhatara ho buat hotu ne’ebé mak iha.
Koordenador KHTL ne’e mos esplika atu sai membru ba Assosiasaun Komunitas Turizmu Relijioju (AKTR) ne’ebé maka kria hosi komunidade Hinduísmo sira iha TL, hodi konvida komunidade relijiaun seluk. Hanesan; Katolika, Protestante, Muslimanu no sira seluktan.
Iputu promote, atividade relijioju AKTR ne’e sei fó apiu ba Guvernu liu hosi maneira toleransia entre relijiaun sira iha TL. No Iputu senti orgullu ho komunidade hinduísmu ne’ebé it’oan, maibé Governu TL nafatin tau matan. Liu husi, halo renovasaun ba Pura Giri Natha Taibessi.
“Maske Pura ne’e iha prosesu rehabilitasaun hodi hadia, hela de’it buat balun maka persija hadiatan. Peoses rehabilitasain atinji ona maizu menus to’o ona 90%. Espera rehabilitasaun Pura Giri Natha ne’e sei finaliza iha tinan 2023 ne’e”, katak Koordenador KHTL, Iputu hodi ba ezizi ba kompaña.
Tuir Iputu, iha futuru Pura Giri Natha Taibessi iha potensialidade boot hodi sai fatin turtiku relijiozu ne’ebé potensiál. No fatin turizmu Pura Giri Natha sei hanaran Bali-Dili hodi atria turista sira mai vizita. Dehan Iputu, vizitante barak mai TL sei fó impativu pozitivu ba ekonomia komunidade sira ne’ebé hela besik iha iha Pura ne’e. Negosiante sira nia sasan turista sira si sosa. Liu-liu sasan tradisionál TL nian.
“Fatin ne’e mos sei sai hanesan fatin ba atividade kultura. Liu husi animasaun kultural Kumunidade Hindu nian. Turista balun sei mai reza. Maibé, balun seluk hakarak mai vizita de’it. Komunidade hela besik iha Pura ne’e sei bolu hotu mai fó animauasaun. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.