(Reportajen Asistente Editor Marcelino Tomae)
Dili (Media ONE Timor) — Alerta hodi fó de’it ba uma-ka’in sira ne’ebé ki’ak liu ka vulnerável loos, Prezidente Repúblika (PR), José Ramos Horta sei tetu dekretu lei númeru 37/2022 kona-bá subsídiu uma-ka’in fim do ano 200 USD.
“Ha’u seidauk iha desizaun ba lei ida ne’e. Atu veta ka promulga. Tanba situasaun difisil ita buka ajuda dala ida tan ba ita nia populasaun. Tanba ita buka ajuda ba ita nia populasaun lalika ba tan sira ne’ebé iha empregu no vensimentu.”
Hateten PR José Ramos Horta ba Jornalista iha Kuartél Jenerál F-FDTL Fatuhada, Tersa (25/10/2022).
Tanba duvida ne’e maka PR Ramos Horta nia parte sei halo reflesaun didi’ak. Sei ko’alia fila fali ho reprezentate povu iha uma fukun Parlamentu Nasionál atu haree hikas dekretu lei ne’e molok foti desijaun hodi promulga ka veta.
Konta tuir PR Ramos Horta, dekretul ei subsídiu uma-ka’in iha ona meza leten. Maibé Xefe Estadu prefere liu utiliza lei anteriór ne’ebé implementa iha tempu pandemia Covid-19. Tanba lei anteriór ne’ebé governu halo ne’e mak di’ak loos.
Subsidiu ne’e PR esplika liu tan, fó de’it ba uma-ka’in sira ne’ebé ki’ak liu ka vulnerável loos. Lalika fó ba hotu-hotu. Ida ne’e mak loos. Tanba ne’e nia parte sei halo reflesaun didi’ak. Sei ko’alia fila fali ho reprezentate povu iha uma fukun PN atu haree hikas dekretu lei ne’e.
Iha situasaun difísil katak PR Ramos Horta, buka ajuda dala ida tán populasaun, tanba ne’e tenke buka ajuda duni populasaun lalika ba tán sira ne’ebé iha empregu no vensimentu di’ak hela. Tanba ne’e tuir Prezidente Repúblika seidauk iha desizaun finál ba Dekretu Lei ida-ne’e atu veta ka promulga, maibé nafatin husu atu subsídiu ne’e fó liu prioridade ba família sira vulnerável.
Ho intervensaun lejizlativa ida-ne’e hala’o ajustamentu ba testu redasaun Dekretu-Lei ne’e, hodi evita dúvida ruma kona-bá se mak benefisiáriu sira hosi apoiu sosiál ne’e, nune’e reafirma fila-fali desizaun hodi atribui subsídiu ba uma-ka’in sira hotu, ne’ebé halo ona rejistu to’o loron 28 fulan-fevereiru tinan 2022, independentemente hosi sira iha situasaun vulnerável ka la’e ka independentemente hosi sira iha membru balun ne’ebé fó atividade profisionál iha ámbitu administrasaun públika nian ka la’e.
Antes ne’e, Konsellu Ministru (KM) aprova projetu Dekretu-Lei, ne’ebé aprezenta hosi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos, ba alterasaun dahuluk ba Dekretu-Lei nú. 37/2022, loron 25 fulan-maiu, kona-bá subsídiu fim do ano ba uma-ka’in sira. .(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.