MEDIAONETIMOR-Tanba povu iha munisipiu balun la-asesu kna’al Radio Televizaun Timor-Leste, Empreza Públiku (RTTL,EP) maka sai perkupasaun ba Deputadu Joaquim dos Santos hosi bankada Fretilin.
Iha plenaria Parlamentu Nasional (PN), Tersa, (19/09/2017) Deputadu tres periodu ne’e dehan, populasaun loke Radio ho TV iha teritoriu laran lahetan Frekunsia RTTL,EP. Sira hetan de’it mak Grupu Media Nasional (GMN) nian.
Tuir Deputadu Joaquin dos Santos, desde pra-kampaña to’o mai agora Radiu ho Televisaun TL nia frekuensia populasaun kuandu loke sira la-hetan.
“Kuase iha teritoriu laran lahetan RTL no TVTL. Hetan deit mak GMN. Senhor Prezidente ho kolegas deputadu sira, situasaun ne’e grave. No autoridade fo lisensa ba radio privadu sira tenki mai esplika iha PN,” tenik Deputadu Joaquim.
Nia hateten, sira ne’ebé lakonsege sosa parabola labele hetan asesu informasaun ba RTTL,EP. Konstituisaun garante informasaun ba iha populasaun sira. Nune’e, rekomenda ba governu atu responsabilidade. Liu-liu ba autoridade ne’ebé fahe frekuensia ne’e.
“Hau hanoin tenke bolu mai iha PN. Husu responsabilidade RTTL,EP nia frekuensia. Labele domina fali interese públika ninian. Tuir lei ita tenke ejije. Tenke iha responsabilidade ba iha autoridade ne’ebé kontrola frekuensia,” sujere Deputadu Joaquim.
Iha sorin seluk Deputadu Deometro de Carvalho hosi Bankada Partidu Liberta Povu (PLP) husu ba Regiaun Oe-Cusse atu hala’o dezenvolvimentu ho diak. Labele akontese tan hanesan tinan rua liu ba.
Katak Deometro, iha tinan rua liuba foti povu nia rai arbiru deit. La-tuir lei nia hakarak. Nune’e husu ba governu atu labele repete eru ne’e. Implementa lei rai tuir nia dalan. Atu foti povu nia rai tenke koalia didiak. Mesmu rai ne’e estadu nian, maibé respeitu povu ne’ebé hela sai ho dignu.
Ajenda iha uma fukun PN nian loron, Tersa, (19/09/2017) ne’e halo aprovasaun ba ajenda numeru 3 ho numeru 4 kona-ba groupu Uniaun Eropeia Parlamentar (UEP) ho grupu Komunidade Nasaun Koalia Lian Portuges (CPLP).
“Husi grupo UEP primeiru vota afavor 62 votus. Abstensaun 2 votus. Vota kontra 1. Liga fali ba grupo CPLP mos vota hetan resultadu ne’ebé mak ho hanesan ho grupo UEP nian primeru vota afavor nain 62, abstensaun nain 2 no kontra nain 1,” le’e Prezidente PN, Aniceto Lopes.(Eastájiada Dulce Ximenes/Hilario Silva)
Ita nia komentariu konaba post ne'e.