(Reportajen Guilhermino Ramos/editor Asistente Marcelino Tomae)
DILI (Media ONE Timor) – Atu fundamenta demokrásia hodi tulun komunidade iha Timor-Leste (TL), media hotu—hotu; tantu media empreza públiku no media privadu tenke kria paz no estabilidade iha tinan politika elisaun parlamentar 2023. Liu hosi, evita informasaun hoax.
Infromasaun ne’e hato’o husi Prezidente interinu Konsellu Imprensa (KI-Sigla Portugés) Expedito Dias Ximenes ho reprezentante Vise Prezidente United Nations Development (UNDP-sigla Ingles) Adeline Carrier, iha serimonia lansamentu matadalan reportajen eleitorál ba Jornalista no Média iha Salaun Novu Turizmu, Tersa, (22/11/2022).
Tuir Prezidente Interinu CI Expedito Dias Ximenes, lansamentu livru matadalan reportajen ba komunidade Jornalistiku Timoroan nian ne’e nu’udar asuntu fundamentál demokrasia hodi garante produtu jornalistiku ho imparsial no kredivel iha tinan polítiku hasoru eleisaun paralamentar 2023.
“Objetivu lansamentu matadalan reportajen eleitorál ba jornalista no média ne’e hanesan referensia di’ak hodi hala’o knaar jornalistiku ho professionál. Nu’udar fonte ba Jornalista ida dame no kria paz iha sosiadade Timor-Leste, hodi garante informasaun balansu, kredivel, imparsial no objetividade iha tinan polítiku 2023”, dehan Expedito Dias.
Katak Expedito, matadalan ne’e sei tulun média no Jornalista para kombate sensura husi fonte kona-ba politika no ekonómika. Alende ne’e mós, garante produsaun informasaun ne’ebé; balansu, imparsialidade no objetividade iha kobertura no publikasaun notísia.
Faktu empiriku hatudu iha públiku katak Expedito, publikasaun balu hatudu momoos parsialidade ba kandidatu husi partidu balu. Aktu ne’e mosu ona iha periodu kampaña polítika eleisaun tinan liubá.
Iha fatin hanesan reprezentante vise prezidente, United Nations Development (UNDP sigla ingles) Adeline Carrier esplika tan, matadadalan ne’e importante jornalista sira hodi utiliza ba eleisaun parlamentar tinan 2023. Atu nune’e evita notisia Hoax, sensusra, fó sai informasaun di’ak ba komunidade iha país ida ne’e.
“Hanesan ita boot sira hatene katak UNDP fó ona apoiu ba Timor-Leste iha eleisaun tinan kotuk liu ba. Ita kompremitidu atu apoiu eleisaun sira tuir mai. Ita boot sira asisti mós lansamentu matadalan ne’ebé mak iha ami hanoin katak importante ba jornalista sira utiliza matadalan ne’e atu nune’e bele evita notisia Hox sira hodi nune’e bele kontribui ba informasaun ida ne’ebé mak diak ba públiku liuliu ba komunidade iha teritóriu laran tomak, hatete Adeline Carrier hodi informa tan.
To’o faze ida ne’e UNDP seidauk iha programa detallu kona-ba formasaun saida mak sira sei hala’o . Maibé iha ona hanoin tuir planu sei ko’alia potensia doador ne’ebé mak rezide iha TL, KI.
Tanba UNDP nia parseiru sira hotu liuliu Governu , Adeline dehan sei buka dalan oinsá bele apoiu fundus no programa sira ne’ebé mak iha ona, espessifiku liu maka kapasitasaun ba jornalista hotu iha territoriu laran tomak. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.