(Reportajen Editor Marcelino Tomae)
Dili (www.mediaonetimor.co) – Durante tempu polítika eleitorál hodi konvense komfiansa povu nia, sempre hamosu insulta malu. Maibé, estratéjiku Xefe Estadu Timor-Leste (TL), José Ramos Horta konsege hadame líder istoriku Kay Rala Xanana Gusmão ho Taur Matan Ruak.
Sorumutu entre lider historiku ho naran istimidau maun-alin ne’ebé Timor-oan sira bain-bain bolu ne’e, realiza iha palásiu Prezidensiál Nicolau Lobato, Ai-tarak laran, Sesta, (30/06/2023) hofoin Prezidente Repúblika (PR), José Ramos Horta ho nia esforsu konsege halo Xanana no Taur kaer liman ba malu.
Xanana ho Taur ne’ebé mai palasiu ho tempu difirente ida-idak hakat sa’e liu ba salaun PR Ramos Horta nia fatin. Hafoin remata, sormutuk ba Jornalista PR Ramos Horta hatete, soromutu ne’e realiza dala ikus hamutuk ho atuál Primeiru Ministru (PM) Taur Matan Ruak hodi deskuti moos kona-ba tomada pose ba IX Governu Konstituisionál, ne’ebé sei hala’o iha loron Sábadu, (01/07/2023).
No lori povu TL, nu’udar Prezidente Repúblika Ramos Horta hato’o agradese ba PM Taur ne’ebé hala’o ona nia mandatu durante VIII Governu Konstitusionál to’o remata. Aumezmu tempu hato’o moos agradese ba PM Indijitadu Kay Rala Xanana Gusmão iha ne’ebé disponibilidade bele hasoru malu.
“Agradese ba Primeiru Ministru Taur Matan Ruak, durante assume kargu hanesan primeiru ministru. Ohin ho Maun Bot Xanana hasoru malu hodi ko’alia nu’udar Primeiru Ministru foun no Primeiru Ministru sesante”, hatete PR Horta ho hamnasa.
Iha sorumutuk ne’e PR Ramos Horta hamrik iha klaran hodi foti Taur nia liman fó ba PM Taur hodi sira rua kaer liman. Ramos Horta tulan nia liman ba liman nain rua ne’ebé kaer metin hakotu ho Xanana tula tan ba leten.
Antes ne’e Xanana ho nia alin Taur hakuak malu hodi hakuak metin ba malu iha jornalista nia oin. Hakuak malu ne’e hetan reasaun pozitivu hosi komunidade liu hosi média sosiais sira. No husu na’in rua atu hamutuk lori TL ba di’ak liutan.
Hatan Jornalista kona-ba tanba saida maka Xanana no Taur tanba kuaze tinan lima nunka hasoru malu, maibé Primeiru Misnistru Taur Matan Ruak hatete ho língua Indonézia katak” Jauh di mata dekat di hati”.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.