(Reportajem Estajiada Nuryanti Fatima, Teotonia Neto/Editor Marcelino Tomae).
Dili (Media One Timor) – Estudante na’in 1.408 ne’ebé foin maka simu títlu foun, hafoin hetan graduasaun husi Universidade Nasionál Timor-Lorosa’e (UNTL), kuandu seidauk hetan servisu husu atu korajem nafatin. Labele triste. Maibé kontinua hatudu imi nia intelektuais iha sosiedade.
Perkupasaun ne’e hato’o husi Prezidente Repúblika (PR) José Ramos Horta, Ministru Ensinu Superior Siénsia no Kultura (MESSK) Longuinhos dos Santos, Magnifiku Retor UNTL Profesór Doutor João Soares Martins no reprezentante graduadu Francisco da Costa Soares iha serimonia graduasaun ne’ebé realiza iha salasun Sentru Konvesaun Dili (CCD-sigla Portugues) merkadu lama, Tersa, (11/04/2023),
Tuir PR José Ramos Horta, suseisu ne’ebé hetan to’o graduasaun nu’udar luta no sakrifisiu tempu naruk nia laran, hamutuk ho inan-aman no família. No hato’o moos parabéns ba magnifiku reitor, dosente no staf UNTL ne’ebé fahe ona sira nia matenek ba joven sira bele finaliza sira nia estudu.
Hatete PR Horta hodi fó ezemplu ba lider nasionál Kay Rala Xanana Gusmão. Katak, iha tempu luta defisil tebtebes. Maibe mehi nafatin. Haka’as an ho matenek. Mehi ne’e sai duni realidade. Realiza duni
Ba graduadu sira PR Horta hameno atu labele lakon esperansa bainhira hasoru dezafiu servisu laiha. Tenki estuda nafatin. Mehi nafatin. Hakas’an nafatin ho matenek, mak loron ruma sei hetan susesu.
Graduasaun ne’ebé hala’o ba dala XXVII iha UNTL ho graduadu hamutuk 1,408 maka simu ona títulu foun. Husi fakuldade uallu mak. Pos- graduasaun no Mestradu ema na’in 20. Agrikultura na’in 118. Siénsia Ejenaria teknolojia nain 136. Medisina no Siensia Saúde hamutuk 359. Ekonomia no Jestaun na’in 96, Siénsia Exata ema nain 1, Edukasaun Artes e Humanidade nain 511, Siénsia Sosiais hamutuk 108, Fakuldade Direito ema nain 35 no Filosofia ema nain 24.
Maibé husi totál ne’e iha estudante nain hitu mak hetan valor di’ak. Husi Pos-Graduadu Mestradu na’in ida, Agrikultura ida, Enjenaria no Siénsia teknolojia na’in ida, Ekonomia no Jestaun ida, Medisina siénsia Satude ntain rua, no Siénsia ensia exata na’in ida.
Tanba ne’e Magnifiku Reitor hato’o parabens ba graduadu sira, no mós Inan aman no dosente sira hotu nia sakrafisiu no esforsu tomak mak ohin loron graduadu sira bele halo graduasaun no finaliza ona sira nia estudu iha Universidade Nacional Timor Loro Sa’e ( UNTL).
Nune’e mós Ministru Ensinu Superior, Siénsiaiencia e Cultura (MESCC sigla Portugés) Longinhos dos Santos haktuir, Graduasaun signifika instituisaun ne’e kria duni kondisaun ho nesesaria ba ninia estudante hodi apriende no responde rekezitus ida importante.
Ministru Longuinhos hatutan, UNTL importante liu tanba nia hanesan uniku Universidade públiku ne’ebe iha misaun atu lidera no sai exemplu ba sistema hotu-hotu iha Ensinu Superior.
Tanba ne’e Ministru Longuinhos komporomete kria UNTL hodi sai profisaun Siensia no kualidade ba instituisaun Sira seluk no Ensino Superior nian. No mós kria nafatin opurtunidade ba dosente sira husi UNTL, atu bele asesu ba formasaun hanesan Mestradu, Doutoramentu iha estranjeirus, atu nune’e iha futuru bele kria doutoramentu iha universidade refere.
Aliende ne’e mos representante graduadus, Francisco da C. Soares ba Jornalista, iha nia parte hato’o agradesementu ba partisipante sira hotu ne’ebe mak gasta sira nia tempu no bele mai partisipa seremonia graduasaun ida ne’e.
“Ha’u sente Graduasaun ne’e mak investimentu husi edukasaun ne’ebe sai profesilnal iha kada area no responsabilidade ba titulu ne’ebe mak ohin ita alkansa ona”, dehan Graduadu Francisco.
Graduasaun ne’e, katak Graduadu Francisco, ida-idak rekoñese no garantia kursu no sai baze ba titulu ne’ebé mak koloka.Tanba susesu no futuru mak save ba desenvolvimentu. Enkuantu serimornia ne’e fahe parte rua, fakuldade siénsia saúde iha dader no fakuldade edukasaun iha loraik. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.