(Reportajen Jornalista Estajiada Mariquita Freitas-Adelina Fatima)
Dili ( Media ONE Timor ) – Foin Sa’e Timor-Leste (TL) barak maka sei moris iha dezempregu nia laran. Nune’e, Partidu Polítika (Parpol) Os Verde loke liras luan liutan ba mundu hodi halo kooperasaun ho nasaun seluk hodi fasilita servisu.
“Partidu Os Verdes luta ba juventude dezemprega ne’ebé maka infrenta iha Ita nia rai Timor-Leste. Liu-liu ba sira ne’ebé laiha campo de trabalho. Partidu Os Verdes hakarak halakon dezempregu ne’e. No fó dalan ba joventude dezempregu sira”.
Hateten Prezidente Parpol Os Verdes, Antonio Lelauno da Costa Cruz iha nia diskursu iha atividade konsolidasaun no tomada posse ba estrutura Parpol Os Verde ba Aldeia 01, 03 no 05 iha Suku Fatuhada, Sexta, (24/03/2023).
Nia esplika liutan, inspira husi movimentu partidu ne’ebé halibur an iha global green mundiál, maka funda Os Verdes nu’udar organizasaun palitika partidariu ho natureza permanente.
Konta Antonio, Os Verdes funda iha loron 13 Marsu 2020, iha bee lulik leten ida iha Fatumea, Suai, Covalima. No rejistu definitivu ona iha tribunál rekursu, hodi defende interesse nasionál. Kontribui hodi ezerse diretu politiku sidadaun. Definì programa politiku ba governu, promove no garante aspirasaun ninia membru sira.
“Visaun ba partidu Os Verdes mak hanesan; hari’i sentru formasaun profesonais empregu verdes no empreza verdes. Harii industria verdes ba hahan no fini ba manu, ikan, fahi no karau”, Antonio esplika.
Katak Antonio, programa empreza Os Verde hamutuk na’in 1.000 resin. Maka, iha posibilidade bo’ot ba membru Os Verdes sira atu tama ba mundu servisu ni’an. Inklui, programa bolsu estudu.
Aliende ne’e Antonio hatutan, Os Verde moos sei halo programa hasa’e kualidade moris foin sa’e sira ni’an iha TL ba membru hamutuk na’in 50.000 ne’ebé sei barak liutan iha futuru. No sei kria kampu traballu barak liutan.
Nune’e katak Antonio, Os Verdes halo ona ligasaun ho nasaun; Zelanda, Korea, Jepaun, Canada, Inglatera, Irlanda Republika, Irlanda de Norte, Scotland no Switzerland hodi koloka membru na’in 5.000 ba kada nasaun ba servisu iha ne’ebá.
Maibé Antonio hatuir, antes ne’e Os Verde halo ona ligasaun ho nasaun sira; hanesan Portugal, England, Northern Ireland no Republika Ireland iha Europeia ne’ebé Timoroan barak maka ba servisu ona nasaun hirak ne’e. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.