Fiskalizasaun Aimoruk, Komisaun F Sei Bolu SAMES

(Reportajen Marcelino Tomae/Editor Suzana Cardoso)

DILI (Media ONE Timor) – Tanba aimoruk espesializada ba moras sira ladún iha, Parlamentu Nasionál liu husi Komisaun F trata asuntu ba saúde sei bolu servisu Autonomu medikamentu no ekipamentu saúde (SAMES) hodi halo fiskalizasun ba aimoruk espesializada.

Prezidente Komisaum F trata asuntu ba saúde, Deputadu Noe da Silva Ximenes alias Buka Tuir hatete, fiskalizasaun Asunttu Aimoruk ne’e la’ós halo fisklalizasaun ba hospital sira de’it, maibé iha sei halo moos ba SAMES.

Tuir informasaun, públiku kestiona ikus-ikus ne’e liga liu ba aimoruk espesial mak ladún iha katak Deputadu Noe, ne’e normalmente akontese tanba konkordasaun sosa aimoruk uitoan de’it iha tinan ne’e.

Maibé Deputadu Noe esplika liutan, ai-moruk sira seluk ne’ebé mak diariamente, utiliza kada tempu ne’e iha. Aimoruk espesifiku liu ba moras ida ne’ebé mak ladún iha ne’e, ida ne’e mak Aimoruk laiha.

“Tanba ne’e iha sei bolu SAMES atu mai hodi halo fiskalizasaun. Tanba fisklaizasaun ne’e la’ós ita tenke ba terenu. Maibé bele moos liu hosi bolu hodi mai halo esplikasaun. Ne’e hanesan moos halo fiskalizasaun kona ba konkordansia sosa aimoruk ne’e nia prosesu lao oinsa”, Deputadu Noe hateten ba Media ONE Timor via telephone.

Nia hatutan, Komisaun Bolu sames tanba nia mak hatene atu sosa Aimoruk, tanba saida mak sira foti, ou utlizador sira mak barak liu, ou moras mak afeta barak liu ba moras espesializada sira ne’e maka barak liu, ou tinan ida ne’e Sames mak la sosa Amoruk.

“Mais ha’u nia hare tinan ida ne’e sira sosa mais menus, maibé ai moruk sira seluk ha’u hanoin semana kotuk tama ona, maibé ha’u seidauk hatene aimoruk saida, mais kontainar ida tama tiha ona entaun ida ne’e laiha problema”, nia salienta.

Nia dehan, kona-ba fiskalizasauj bele halo iha kualker tempu de’it,, karik deskomfia buat ruma ne’ebé mak afeita ba   populasaun sira, entaun komisaun F bele tun direitamente ba terenu hodi haree ho matan.(Asesu Youtube/Facebook Media ONE Timot)