(Reportajen Marcelino Tomae/Editor Suzana Cardoso)
DILI (Media ONE Timor) – Hafoin remata inspesaun ba projetu 44 ne’ebé koñesidu ho naran projetu illegal tanba laiha kontratu, VIII Governu Konstituisional liu hosi Vise Ministru Obras Públikas (MOP), Nicolau Lino Freitas aprezenta ba Parlamentu Nasional (PN).
“Ekipa inspesaun ba projetu ne’ebé koñesidu projetu illegal tanba laiha kontratu ba projetu Estrada hamutuk 44 ne’e, mai aprezenta ninia relatóriu ba komisaun ‘E’ Parlamentu Nasional trata asuntu infraestrutura”, esplika Vice MOP Nicolau ba Jornalista iha Sala GMPTL PN hafoin remata enkontru ho komisaun ‘E’, Sesta, (10/06/2022).
Nia esplika liutan, prosesu inspesaun ba projetu Estrada illegal 44 ne’e naruk tebtebes. Kuaze tinan lima nia laran. Hahú hosi inspesaun iha terenu no moos halo levantamentu to’o iha ralatoriu. Governu nafatin koko ho vontade atu buka solusaun ba iha projetu sira ne’ebé ke laiha kontratu ne’e.
Haktuir Vice Ministru Nicolau, relatóriu ne’e governu aprezenta ba PN no hetan ona apresiasaun para halo fiskalizasaun ba kualker dezenvolvimentu ne’ebé hola parte ba kompetensia komisaun ‘E ‘ninian, liuliu ba iha infraestrutura.
Katak Vice Ministru Nicolau, inspesaun ba terenu haree ho matan. No hetan sukat hosi ekipa tékniku husi ADN no MOP, hafoin halo levantamentu tuir dadus ne’ebé mak iha. Hosi dadus ne’e maka foti no rekolla hafoin hatama ba relatóriu.
“Fiskalizaun projetu 44 ne’e remata ona. Maibé iha hitu mak sei rekomenda atu labele kontinua ho razaun tanba projetu ne’e tama ona iha planu investimentu. Liliu ba impretimus ninian. Projetu imprestimu nian ne’e maka hanesan ADB, Worl Bank no JAICA,” katak Vice Ministru Nicolau.
Inklui iha projetu 44 ne’e katak Vice Ministru Nicolau; estrada iha Dili no estrada urbana iha munisipiu 11 seluk, inklui kapital Dili nian. Kada munisipiu nia total la hanesan. Munisipiu balun ida no seluk entre haat ka lima, mak hamutuk 44.
Hafoin remata hosi PN, relatoriu inspesaun ne’e sei lori ba KAFI iha semana oin. Ajendamentu ba KAFI katak Xefe ekipa ne’e, na’in haat mak sei foti desizaun. Hafoin lori ba konselu ministru hodi hetan apresiasaun. Hosi MOP sei esforsu para bele fó kontratu tuir posedimentu ne’ebé mak iha ona relatóriu inspesaun ne’e.
“Sei esforsu ba KAFI atu konsidera para bele buka solusaun hamutuk. Tanba etapa dahuluk ha’u hanesan ekipa tékniku mak lidera ekipa ida ne’e hodi solusiona problema ne’ebé iha tinan lima nia laran pendente hela” espera Vice MOP Nicolau.( Asesu Youtube/Facebook Media One Timor)
Ita nia komentariu konaba post ne'e.