(Reportajen Asistente Editor Jacinto Caet)
DILI (Media ONE Timor) – Relasiona ho Traballador Timoroan ne’ebe servisu iha Nasaun Australia, daudaun ne’e hases aan husi kontratu durante sira servisu, tanba ne’e Governu Australia aplika Temporary Protection Vija Ba Traballador Timor Oan Na’in 500 iha Australia hodi kumpre lei Nasaun nian.
“Horisehik ha’u simu informasaun kona-ba ema na’in-500 mak atu aplika ba Temporary Protection Vija, husi ida ne’e, 170 mak sira rejeita tiha ona. Portantu sira tenke tuir mós prosesu iha Australia. Husi ida ne’e mak kaer ona sira, sei sira mai iha Timor, no sira laiha ona oportunidade atu ba fali Australia.”
Kestaun hirak ne’e hato’o husi Emabaixadora Australia iha Timor-Leste (TL), Ines Maria Almeida ba Jornalista iha Timor Plaza Suai Room, Kinta, (20/07/2022).
Emabaixadora ne’e hateten, tanba TL mos iha lei hodi regula entaun Australia mos iha Lei ba traballador sira. Antes sira ba asina kontratu ho kompania sira iha Australia entaun Governu Australia tenke tau matan ba sira, Timor Oan sira tenke kumpre asina kontratu ona.
“La’os ita to’o iha Australia, ema mai halo manobra ba ita nia kakutak, nune’e ita hases tiha husi kontratu ne’ebé mak ita hetan, hodi ba fali ho ema seluk, depois ita aplika ba iha bai-bain sira bolu Temporary Protection Vija”, Ines afirma.
Emabaixadora Australia iha TL esplika, husi Temporary Protection Vija ne’e ba de’it sira ne’ebé mak refujiadu. Maibé sei traballadór Timoroan sira balu hanoin atu halai sai husi sistema, hodi hela permanente iha ne’eba, ne’e Governu Australia la fó dalan, fó de’it ba ema ne’ebé mak refujiadu.
“Nune’e Australia fó dalan de’it ba ema sira ne’ebé mak refujiadu. Sei ita nia traballadór Timoroan ne’ebé hanoin atu halai sai husi sistema, ne’e tenke iha razaun forte, bainhira o nia Rai hetan persikisaun polítika, tanba o nia rasa, o nia relizaun pertense grupu ida mak karik Governu la aseita. Entaun Polisia ho Governu mak halo persikisaun polítika ba o. Mais o tenke iha evidensia makaas. Agora ha’u husu ba ita nia Timoroan ne’ebé mak hetan buat sira hanesan ne’e? Ita iha Timor-Leste la iha problema ruma”, nia relata.
Nia haktuir, nu’udar Timoroan labele uza oportunidade ida ne’ebé mak Governu Australia fó ona, depois buka maneira hodi hases aan husi programa ne’e, embaixadóra Timor-Leste (TL) iha Australia, mós ko’alia ho Timoroan barak iha ne’eba kona-ba sira ne’ebé mak hases aan.
“Husi ida ne’e, sira halo ona sala, agora sira tama ona sistema iha Australiano, entaun ne’e sira iha ona date based hodi tuir entrevista, bainhira sira hatama ona no hetan ona iha sitema Australia nian kona-ba Temporary Protection Vija, husi ne’e mós fó bright vija ba sira, husi ida ne’e mak fó diretu hodi serbisu”, katak nia.
Enkuantu sira hein hela rezultadu ba aplikasaun ne’e, la siknifika sira sei hetan servisu maibé Australia sei rejeita, tanba sira laiha baze atu sai refujiadu para hela iha Australia, dehan Ines. . (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.