(Reportajen Marcelino Tomae)
Dili (Media ONE Tiimor) — Produsaun ba produtu lokál iha Timor-Leste (TL) sei menus, maka Governu konitnua extende programa cesta bázika to’o loron 30 Fulan Juñu tinan 2023.
“Tuir planu Ita sei finaliza iha loron 30 Fulan Juñu tinan 2023. Ita he’in katak auotridade implementadór sira bele aselera situasaun ida ne’e atu la bele extende tan.”
Informasaun ne’e hato’o husi Ministru Koordenadór Asuntu Ekonomia (MCAE), Joaquim Amral ba Jornalista bainhira partisipa iha serimonia asinatura prjetu YES iha salaun IADE Mandarin Dili, Tersa, (04/04/2023).
Maski antes ne’e Governu promete atu finaliza programa sesta bazika iha fulan Marsu tinan 2023. Mabé extende-tan to’o Fulan Juñu, ho razaun tanba produtu balu iha rai laran maka menus.
“Hanesan Ita boot sira hatene, Ita nia rai ne’e iha osan. Maibé sasan menus fali. Ita nia paíz ida ne’e agrikulura pursentu 70. Maibé produsaun menus. Prosesu distribuisaun programa Cesta bázika ne’e atinji ona pursentu 80 ”, Joaquim informa.
Tanba programa Cesta bazika la’o di;ak tebes katak Ministru Joaquim, distribuisaun sira ne’e ajusta hodi fó oportunidade ba kompañia atu hetan produsaun barak liután.
Tuir ministru Joaquim, para sosa de’it foos distribuisaun ne’e bele halo fulan haat de’it hotu ona. Maibé Governu dada, tanba produtu balu hanesan fore no produtu seluk maka menus. Kuandu produsaun rai laran iha, entau osan ne’e bele gasta de’it iha TL.
“Ema sira ne’ebé maka seidauk simu halo reklamasaun tuir dalan ne’ebé iha. Tanba reklamasaun ne’e iha nia periodu tuir lei. Reklamasaun sira ne’e normalmete Governu liu-husi Ministériu Estatal, halo verifikasaun validu tiha maka haruka ba implentador sira halo nia pagamentu”, dehan Joaquim.
Ministru Joaquim infroma, agora reklamasaun sira ne’e normalmete Governu liu-husi ministériu Estatal, halo verifikasaun validu tiha maka haruka ba implentador sira halo nia pagamentu. Tanba ne’e maka nia prosesu ne’e autoridade komunitariu sira tenke koopera atu haruka dadus ba Ministériu Estatal, dadus ne’e validu maka entidade sira kontinua distribui ba komunidade sira.
Enkuantu tuir dadus ba benifisiariu iha teritóriu laran tomak ne’ebé asesu ba ai-han Sesta Bazika iha faze daruak ne’e hamutuk dollar milliaun 1,4.
Orsamentu ne’ebé utiliza iha programa Cesta bazika faze daruak ne’e montante dollar milliaun 40 USD. Maibé osan ho valor rihun 32,200 USD aloka ba kabazes no seluk ne’e ba operasionál kost.
Porsesu kona-ba distribuisaun Cesta bazika ne’e faze daruak responsabiliza hudi Ministériu haat hakat hanesan Ministru Kordenadór Asuntu Ekonomia (MKAE), nu’udar koordnador Ministru Administrasaun Estatal, maka submete ka fasilita de’it lista dadus ba populasaun. Ministru Turizmu Komersiu Industria (MTKI) no sekretariu Estadu Kooperativu mak implementador. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.