(Reportajen Livia Sarmento/Asistente Editor Marcelino Tomae)
DILI (Media ONE Timor) —Atu hametin relasaun bilateral no ekonomia, maski Parlamentu Nasionál (PN) adia plenaraia exraoridinariu ba pedidu viajen ne’e, maibé Prezidente Repúblika (PR) Demokrátika Timor-Leste José Manuel Ramós Horta garante sei atende konvite Prezidente Joko Widodo tuir tempu ne’ebé determina ona.
Lee Notísia Relevante: Plenaria Extraordinaria Vizita PR Horta Ba Indonezia Adia
“Ha’u ba Indonesia ne’e, hodi halo enkontru ho Prezidente Indonézia Joko Widodo. Nomós ho Ministru sira seluk, hodi ko’alia liu kona- ba komersiu. Liuliu partisipsaun fronteira no agrikultura no mós sei halo konferensia iha universidade tolu ka haat iha Indonézia.”
Hateten PR Ramós Horta ba Jornalista iha salaun Televizaun Edukasaun Timor (TVE) Sexta, (08/0722) hodi hatutan, viagen ba Indonesia ne’e mós sei halo entrevista lubuk ho média iha Indonézia. Depois sei liu ba Labuan Bazo atu enkontru iha ne’ebá ho governador Nusa Tenggara Timur (NTT) hodi ko’alia kona-ba turizmu entre Indonézia ho Timor-Leste.
Katak PR Ramos Horta, Indonézia kontenti ho nia vizita. Liliu oinsá aumeta kooperasaun ho Indonézia. Tanba tinan 9 nia laran, Indonezia nia relasaun barak iha kooperasaun oin-oin. No hakarak haree oinsá exemplu governu TL bele apoia governu Indonézia.
Lee Notísia Relevante: Polemika Vizita PR Horta Iha Artigu Ualu KRDTL
Liliu katak PR Ramos Horta, apoia tékniku hamutuk ho provinsia NTT ne’ebé besik liu ho Timor-Leste. Iha NTT sei haree liu ba meiu ambiente konaba; kuda ai oan no halo varajen atu nunee bele kapta udan been.
PR Horta afirma, TL moris iha illa besik fronteira Provinsia NTT. Haree hosi parte meiu ambiente, planetaseons seluk la respeita fronteira. Kuandu udan boot hahú iha Kupang ne’ebá, bele mai sobu to’o parte balun iha TL. Nune’e, atensaun ba prevensaun planetasoens ho kompletu.
Lee Notísia Relevante: Aniceto La Garante PN Autoriza PR Horta Nia Vizita
Hatan Jornalista konaba predisaun PN nia desijaun ba viajen ba Indonezia katak PR Ramos Horta, PN la autoriza. Sira sei vota kontra. Maibé,viajen ne’e sei realiza ba Indonézia hodi hametin relasaun bilateral entre Timor-Leste ho Indonézia ne’ebé importante los ne.
“PN la autoriza, hau hanoin desizaun ne’ebé sira atu halo maka vota kontra hodi fó presaun ba ha’u. Maibé, hau encaminha ba governu no Parlamentu Nasionál, sira mak sei vota kontra”, PR Ramos Horta.
Hanesan pública ona iha www.mediaonetimor katak desijaun ba pedidu PR Ramos Horta nia viajen ba Indonezia hodi atende konvite hosi Prezidente Jokowi iha loron 18 Jullu to’o loron 23 Jullu 2022, líder bankada sira planu ona atu realiza plenária extraordinariu iha loron Kinta, (07/07/2022), maibé derepente adia Deputadu balun sei halo hela viajen ba Bali, Indonezia. (Asesu Youtube/facebook https://www.facebook.com/Media1Timor Media ONE Timor)
Ita nia komentariu konaba post ne'e.