(Reportajen Editor Marcelino Tomae)
Dili (Dili www.mediaonetimor.co) – Hafoin halo eleisaun ba kompozisaun meza Parlamentu Nasionál (PN), atu kontinua lidera diskusaun plenaria ba partidu tinan lima, Deputadu mane ida sikaat leet iha Deputada feto na’in neen.
Hafoin termina sesaun iha Segunda feria (26/26/2023), Prezidente Parlamentu Nasionál (PPN), Maria Ferbdanda Lay hatete ba Jornalista iha resintu uma fukun Parlamentu Nasionál (PN) hodi hatete katak VI Lejislatura uniku tanba sikat mane ida iha meza PN.
PPN Fernanda Lay hatete, Prezidente Parlamentu Nasionál nia papel tuir rezimenntu haruka, maibé nia knaar atu apoiu meza hodi fó servisu hamutuk ho nia Vise na’in rua inklui sekretária meza sira.
Lee Notísia Relevante: VI Lejislatura Kompleta Ona Meza PN, CNRT – PD Lidera
“Hanesan ohin ha’u hatete jogu iha plenaria , señór Deputadu Alexarinho hanesan ha’u Vise Segundu, ne’e signifika mais bonitu entre iha VI Lejislatura ida ne’e, ne’ebé ha’u espera katak kompozisaun meza mane ka feto atu marka istória foun iha Timor-Leste maski mane ida sikat leet iha ami Feto nain neen nia laran, maibé importante liu maka produtivu ami nian”, dehan PPN Fernanda Lay.
LIVE STREAMING MEDIA ONE TIMOR: IV REUNIAUN PLENARIA SEGUNDA, (26/06/2023) PN
Kompozisaun meza VI Lejislatura, Prezidente Parlamentu Nasionál, Deputada Maria Ferbdanda Lay, husi Partidu mais Votadus CRNT, vise Primeiru PPN Maria Terezinha Viegas, Deputadu Bankada CNRT, Vise Segundu Alexarinho Afonso, Deputadu Bankada PD, sekretária meza PN Deputada, Virgina Ana Belo, Bankada CNRT, Vise primeiru meza PN Deputada Maria Teresa da Silva Guterres, Banakda PD, Vise Segundu sekretária meza PN Deputada Bendita Moniz Mango, Banakda CNRT.
Iha biban ne’e mós PPN Fernanda Lay hatete, meza prepara ona, nune’e nia husu ba kada Bankada atu kompoin sira nia Prezidente Bankada. Tanba iha deliberasaun balu tenke halo Presiza enkontru líder Bankada.
“Pasta husi komisaun permanente iha hotu ona, konsertezs katak sei kada komisaun sei hili nia prezidente, vise, no sekretáriu, maibé kompozisaun númeru Deputadu ami prepara hotu tiha ona”, dehan PPN Maria Ferbdanda Lay.
Kona-ba Komisaun, A to’o F, PPN Fernanda Lay katak, sei iha situasaun difisil uitoan atu fahe, tanba ne’e posibildade atu diminui ou aumenta. Tanba tenke balansu ho Deputadu sira nia partisipasaun hodi reprezentante atividade.
” Klaru katak iha impedimentus balu, ne’ebé bakakda sira ki’ikoan tenke fahe papel didi’ak para labele prezudika, sei lae Bankada boot sir maka prezudikadu, maibé ida ne’e sei hato’o ba líder Bankada sira, maka foin lori ba votasaun iha plenaria”, dehan PPN Fernanda Lay. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.