Labarik 50% Moris Pobreza, UNICEF Konkorda Hadi'a Nutrisaun

Labarik 50% Moris Pobreza, UNICEF Konkorda Hadi’a Nutrisaun

(Reportajem Livia Sarmento/Asistente editor Marcelino Tomae)

DILI (Media ONE Timor) – Dezenvolvimentu ba labarik moris iha liña pobreza nia okos 50%. Nune’e, Unition National International Children’s Emergency Fund (UNICEF Sigla Inglesh), konkorda desijaun Prezidente Repúblika (PR), José Manuel Ramos Horta ne’ebé hakarak kria kondisaun saúdavel no fó mál-nutrisaun di’ak ba labarik idade minoridade hirak ne’e.

“Difikuldade dezenvolvementu labarik nian ne’e 50%. Husi labarik sira ne’e moris iha liña pobreza ninia okos. Ita haree katak ninia pursentazen ne’e liu fali metade ema adultu sira”, katak reprezentante UNICEF, Bilal Aurang Zeb Durrani ba Jornalista hafoin remata enkontru ho PR Ramos Horta iha Palasiu Prezidensiál, Kinta, (30/06/2022).

Reprezentante UNICEF ne’e esplika liutan, iha Timor-Leste (TL) labarik ho tinan zero to’o 17 tuir dadus 47% sira nia altura badak. No Maioria 70% labarik sira laiha asesu ba pre-eskolar. No labarik sira ho persentajen boot, iha esperiénsia violénsia fiziku iha eskola no mós iha sira nia família.

Nune’e PR Ramos Horta nia hakarak kria kondisaun saúdavel no fó mál-nutrisaun di’ak ba labarik idade minoridade tuir Bilal nia haree tenke hetan apoiu masimu hosi aman inan sira dezde aon sei bebe, governu no parseiria sira.

Tanba katak Bilal, dezenvolvementu kakutak labarik sira nian 80% hahú kedas sira foin moris. Sa’e to’o 90% bainhira sira halo tinan rua. No kakutak dezenvolve ho di’ak ona tama ba tinan tolu.

“Labarik sira ho 47% mak sofre ba má-nutrisaun. Todan la to’o, kategoria krekas 90%. No 80% husi labarik sira ne’e mós ladún hetan sira nia dezenvolvementu ne’ebé di’ak, bainhira halo fulan neen to’o fulan 23”, reprezentante UNCE ne’e esplika.

Katak Bilal, bainhira labarik moris maka inan la fó susu nia oan sira hosi susu been orijinal, maka oan boot mai sei lori kedas mál-nutirisaun. Tanba, labarik hirak ne’e hahú moris mai laiha nutrisaun ne’ebé di’ak.

Haktuir Bilal, UNICEF iha programa:

Saúde material no infantil hodi tau matan ba; mál-nutrisaun, area edukasaun hodi ko’alia kona-ba dezenvolvementu labarik nian. No edukasaun hodi halo protesaun ba labarik atu garantia ho di’ak.
Programa Grupu Suporta Inan hodi fornese servisu tratamentu ba má-nurtrisaun. Ajuda demonstrasaun te’in no simulasaun ECD.
Identifikasaun no intervensaun ba labarik sira ho defisiensia iha pre-eskolar.
Parenti pozitivu no saúde mental bazeia ba komunidade no apoiu ba psikolojia (MHPSS).
Rejistu labarik moris, hafoin inan-aman sira ba rejistu sira nia oan no simu sertidaun nasimentu RDTL.

Katak Bilial, UNICEF sei servisu hamutuk ho Ministériu Saúde, Minitériu Obras públiku, Ministériu Edukasaun Joventude no Desportu, Ministériu Solidaridade Sosiál no Inkluzaun hodi asina akordu halo kooperasaun kona-ba saúde maternal ninian iha tempu besik.

“Ita presiza mós Governu Timor-Leste ninia investimentu. Liu-liu area saúde ba labarik idade zero to’o lima. Tau matan iha edukasaun pre-eskolár hodi dezenvolve labarik sira. Haree investimentu hodi hetan apoiu husi parseiru sira, hala’o dezenvolvimentu integradu ho di’ak”, reprezentante UNICEF Bilial informa. (Asesu Youtube/Facebook https://www.facebook.com/Media1Timor Media ONE Timor)