(Hakerek na’in Armindo Moniz Amaral, Alumni Programa Doutoramentu Siensia Direitu Universidade Diponegoro, 2017)
Dili (www.mediaonetimor.co) – Demokrasia laos de’it mak eleisaun. Maibé envolvimentu públiku (cidadania-red) hodi deside desijaun públiku sira. Tanba, tuir sistema ne’ebé demokrasia oferese, povu mak kaer ukun. No ukun ne’e tenki lori moris di’ak ba ema hotu. La’os grupu elit balu de’it. Tanba ne’e, aplika prinsipiu; sallus populi suprema lex (povu nia moris di’ak mak lei ne’ebé as liu). Signifika, povu nia moris di’ak mak nu’udar sasukat ba desijaun públiku ne’ebé ukun nain sira produz. Maibe, tuir hakerek nain nia observasaun iha Timor-Leste seidauk to’o iha ne’e. Timor-Leste sei to’o de’it iha demokrasia formál. Uja de’it povu iha kampaña no eleisaun. Eleisaun hotu, demokrasia ‘urusan para elit’.
Iha Timor Leste, povu hola parte ativu iha eleisaun jerál. Iha kampaña, balu tolok trata malu, atu oho malu sal-sala. Maibé dala barak tebes, pratika sira hatudu, hafoin eleitu ba ukun, no ukun nain deside desijaun barak la ho partisipasaun públiku.
Ruang publik tanpa keterlibatan publik (Espasu públiku laoha envolvimentu públiku), nia konsekuensia moruk tebes. Iha nakukun laran, ukun nain eleitu bele produs desijaun barak ne’ebe problematiku ka irasional. Lei ka dekretu lei irasional hirak ne’e mak (temi balu deit): 1) lei mensal pensaun vitalisia ne’ebe distribui riku povu nian ba elit minoria sira to’o mate; 2) Lei Partidu Politiku ne’ebe fo suvensaun ba kadeira ida iha parlamentu Nasional $ 92.000,00 kada tinan. Ho lei ne’e, imi bele kalkuka, se kadeira ida hetan subvensaun $ 92.000,00 kada tinan, maka 65 kadeira membro Parlamentu Nasional X $92.000,00 X tinan 5=… (bele prense mesak); 3) Dekretu Lei Numeru 5/2018 no dekretu lei numeru 6/2018.
Dekretu lei rua ne’e naran la hanesan, maibe nia objetu no objetivu ida deit, fo subvensaun $ 4.00 kada votus ba eleisaun Parlamentar no Eleisaun Prezidensial. Jadi, ita bot ba vota, iha momentu hanesan tenki fo $ 4.00 ba partidu ka ema (kandidatu prezidente) ne’ebe ita bot vota ba. Irasional liu tan, iha artigu 4 hosi dekretu lei rua ne’e aplika retroaktivamente ba eleisaun Parlamentar no Prezidensial 2017.
Iha pratika estadu sira ne’ebe adopta civil law system hanesan Timor Leste, lei ida labele aplika retroativa, tanba kontradis ho prinsipiu non retroative. Ne’e laos asal bandu (non retroaktive) maibe kait malu metin ho prinsipiu legalidade ne’ebe iha sorin balu tenki asegura lex certa (kepastian hukum).
Los duni, iha historia pratika judicial mundial, ba interese justisa, lei bele aplika retroativu, hanesan julgamentu ba konsetor holocaust Adolf Eichmann ne’ebe ikus mai hamosu debate naruk entre Hart no Lonn Fuller kona ba relasaun positivismu direitu no moral. Maibe, dala ida tan, aplika retroativu ba interese justisa laos atu asegura interese elit.
Fila fali ba leten, se demokrasia nia abut mak liafuan demos ne’ebe signifika povu, kontrolu publiku ba poder, maibe tanba sa mak demokrasia iha Timor Leste loron kalan sibuk deit se mak tenki manan no ba ukun estadu ida ne’e (iha deit faze eleisaun). Hau hanoin, demokrasia laos deit manan ka lakon, maibe tanba sa tenki ba ukun no ukun ba se? Tanba ne’e, lolos, hafoin eleisaun povu tenki hamoris partisipasun publiku ne’ebe luan hodi bele asegura misaun demokrasia; ukun ne’e povu nian tenki lori bem komum ba ema hotu.
Hanesan hau temi iha leten. Lolos ne’e, demokrasia laos sekedar eleisaun, maibe keterlibatan warga negara dalam pengamilan keputusan. Hosi definisaun sira ne’ebe iha, hau konkorda ho Johnton; demokratisasi mendalam adalah sebuah proses yang kontinyu untuk membatasi kekuasaan, membangun akuntabilitas dan memperkuat basis sosial politik untuk mendukung reformasi dengan membawa semakin banyak suara dan aspirasi di dalam proses pegambilan keputusan (Johanes Danang Widoyoko: 2016).
Iha Timor Leste, ida hampir la akontese ne’e mak, hafoin eleisaun, la iha prosesu kontinuasaun atu limita poder, la konstrui akuntabilidade no hola parte ativu ba deside desijaun publiku. Toman at ida mak ne’e, ita fo fiar deit ba ema sira ne’ebe mak ukun. Ita hanoin ema sira ne’ebe legalmente povu hili, ema diak, automatikamente produz desijaun ne’ebe pro povu, pro justisa.
Lojika “ema diak” iha politika Timor Leste tenki muda total. Ita labele espera bele hetan lideransa diak hanesan adeptus Indonesia ne’ebe asosia Jokowi ho termu “orang baik”. Iha estadu demokratiku, la iha orang baik! Povu mak tenki produz lideransa diak ho kontrolu ne’ebe massimu (ketat) ba poder eleitu. Ho ida ne’e, laos ona ukun nain mak lidera povu, maibe povu mak lidera ukun nain ne’ebe eleitu hodi deside desizaun ba povu maioria nia interese.
Iha kontekstu Estadu Demokrasi, tanba sa povu tenki partisipa massimu hodi deside deisjaun politika ida? Nusa la fo fiar deit ba ukun nain sira ne’ebe mak povu hili ona? Ba ida ne’e, filosofia demokrasia hamrik iha asumsia ida katak poder laos objetu lulik (bukan objek suci), maibe objetu ne’ebe korruptu. Tanba ne’e, maski direitu (hukum) konsidera prinsipiu presumption of innocence iha prosesu judiciaria, kontrolu sosial ba ukun nain no poder tenki mai ho presumption of corruptibility. Korruptu sai hanesan kareter ba ukun nain no poder, tanba ne’e, la iha kontrolu bele mosu korruptu ida absolutu.
Konstituisaun fo dalan, filozofikamente la sala, maibe tanba sa mak partisipasaun publiku ne’ebe luan ba desijaun publiku sira iha Timor Leste nakdasak hela? Tuir hau, iha kauza tolu mak teri netik dalan ba partisipasaun publiku ne’ebe luan ba desijaun publiku sira iha Timor Leste; 1) Paternalizasaun;2) Sakralizasaun; 3) Lingua Portugues.
Tanba ne’e, ba interese demokrasia, tenki halo desakralizasaun ba poder. Iha estadu demokratiku, poder la mai hosi forsa supra natural, maibe mai hosi povu. Ema sira ne’e povu mak hili ba ukun laos natureza mak oferese ka Maromak mak delega mai. Terbukti, povu la hili, sira la ukun no rai la naben. Tanba ne’e, labele inventa sasan.
Daruak, depaternalizasaun. Tenki hamos konsiderasaun (anggapan) ida katak mahukun ne’e xefe da familia ne’ebe domin nain, tanba ne’e, sei servisu no halo buat hotu ba deit oan sira nia interese. Oan sira fiar deit, sa desijaun mak aman foti ba interese oan nia diak, pokoknya terserah bapak. Anologia ida ne’e yang jelas keliru ho nia konsekuensia moruk tebes. Mahukun ne’e mahukun, aman ne’e aman, labele kahur sasan. Tanba ne’e, tenki iha depaternalizasaun ba poder. Labele konsidera mahukun seakan-akan iha karater aman, maibe tenki konsidera hanesan ema ne’ebe iha potensia abuzu poder, ne’ebe la vijilia bele to’o faze ida grave liu koruptu absolutu (Ignas Kleden, 2004).
Datoluk, lingua Portuguesa hanesan obstakulu bot ba partisipasaun publiku ne’ebe luan ba desijaun politika sira iha Timor Leste. Tanba sa mak tenki uja lingua Portugues hodi deside desizaun publiku tomak? Nusa la hakerek deit ho tetun mak traduz fali ba Portugues. Apakah povu maioria hatene lingua Portugues? Ne’e laos kestaun historia ka relijiaun tanba ne’e o tenki baper (bawa perasaan), maibe ne’e problema partisipasaun povu ba desijaun publiku. Oinsa povu bele partisipa se lingua ne’ebe ukun nain uja hodi deside desijaun publiku, povu la komprende. Se ita nafatin mantein, deside desijaun ho lian ida ne’ebe povu la komprende, korupsaun legal sei buras iha Timor Leste, povu sei terus naruk. Ne’e, bulak! (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.