OPINIAUN: LIXO HALO INUNDAÇÃO ACONTECE IHA DÍLI, SINAL HANESAN NATUREZA HASORU ITA EMA

(Hakerek Nain Estudante David Martins, I Ano de Teoogia, ISFIT)

Introdução Timor-Leste Economic Development

Interessante wainhira iha biban Dies Natalis (IX Aniversário) ISFIT nian, realiza mos seminário internacional no competição sira em nível interno hanesan, debate científico no jogo sira, hodi comemora celebração ne’e. Sente interesante liu tan, wainhira iha debtae científico nian, seção academia lança moção tolu nuudar assunto atu debator sira toca, primeira, “Vacina é o método eficaz contra covid-19”, hanesan moção ba fase eliminatória nian; segunda, “Os Lixos Denigram a Imagem de Dili Como Capital da Nação RDTL”, nu’u moção ba fase semi-final; no terceira “O Uso de Internet e a Presença de Artificial Inteligence Diminuem a Qualidade da Educação”, hanesan moção ba fase final nian.

Hare katak iha Timor, liu-liu iha cidade Díli mosu bebeik inundação wainhira tempo udan. Tamba ne’e depois de debate, ami hatene katak buat hirak ne’e hotu causa husi ita ema nia uso irresponsável no la iha sensibilidade ou responabilidade hodi soe lixo arbiru iha fatin-fatin, tesi ai, sunu rai, oho animais, etc. Nune’e, objetivo husi escrito ne’e mak toca konaba assunto refere hodi hatuur problema ruma entre ita ema ho natureza hodi guia ita ba melhoramento ida nebé di’ak liu.

Hakerek ho método nebé aplica ona iha escrito sira liu ba. Elabora ho Tetun-Creda, laos Tetun INL ka DIT nian. Estrutura husi escrito ne’e maka: 1. Definição konaba Lixo; 2. Lixo iha Cidade Díli; 3. Lixo Halo Inundação Acontece iha Dili; 4. Inundação Ne’e Sinal Hanesan Natureza Hasoru Ita Ema; 5. Meios de Melhoramento (Solução), nebé sei fahe tan ba parte rua, maka 5.1. Conhece-te a ti mesmo, no 5.2. Meios ou Mecanismos.

1. Definição konaba Lixo

Koalia konaba lixo, tuir Mauriceia Aparecida de Castro dehan, desde uluk kedas liafuan lixo mai husi lian latina lix, nebé refere ba cinza (CASTRO, 1995, p. 1). Maibé tuir fali Dicionário Ferreira nian, lixo katak “aquilo que se varre de casa, do jardim, da rua, e se joga fora; entulho; tudo o que não presta e se joga fora” (FERREIRA, 2018, p. 1042). Nune’e, lixo katak buat nebé ita dasa sai husi área uma nian, husi jardim, husi estrada hodi soe tiha ba fatin ruma ka fatin nebé destinado ona. Hanesan iha Díli karik buat sira nebé ita soe ona iha lixeiros hodi pessoal saneamento sira raut ba tau iha Tibar. Buat sira ne’e hotu mak hanaran lixo ka fo’er.

Ho ida ne’e, iha estudo ida realiza husi Secretário do Meio Ambiente Brazil nian, afirma katak lixo ne’e qualquer material nebé considerado inútil ou laiha valor be precisa elimina ka soe tiha. Tamba ne’e tuir estudo ne’e sira classifica lixo ba iha tipo haat, maka, úmido, seco, verde e especial. Lixo úmido maka hanesan, hahan resto, guardanapo, papel toalha, papel higiénico nebé labele recicla; lixo seco mak hanesan, papel, papelão, plástico, metal, vidro inteiro, óleo de cozinha; lixo verde mak hanesan, resto de podas ou cortes, madeira, serragem, cavaco de madeira; lixo de descarte especial mak hanesan pilha, bateria, embalagem de agrotóxico, vidro quebrado, material hospitalar, lâmpadas, equipamentos eletrônicos e de informática nebé bele recicla (PMB, 2018, p. 2). Husi ne’e mak ita hatene katak lixo iha oin rua: primeiro, lixo orgânico, nebé bele sai fali rai metan iha tempo badak, ex. ai-tahan, surat tahan, etc; no segundo, lixo anorgânico nebé labele sai rai metan iha tempo badak nia laran, ex. áqua mamuk, kalen sira, plásticos, etc

2. Lixo iha cidade Díli

Nune’e, koalia konaba lixo iha Díli, iha tinan 2015, Dr. Rui Maria de Araújo hanesan primeiro ministro halo discurso ida iha ocasião serimónia lancamento projeto “Processamento de Lixo em Energia” iha Tibar, nia kaer ba estudo ida nebé realiza husi Banco Asiático de Desenvolvimento iha 2014, hodi afirma katak “só de Díli, chegam à lixeira de Tíbar cerca de 120 toneladas de lixo por dia” (ARAÚJO, 2015, p. 2). Nune’e, iha mos resolução governo Timor-Leste nian, iha tinan 2016 no. 32/2016 de 5 de Outubro, afirma katak, particularmente iha Díli lor-loron ita produz 190 toneladas de resíduos sólidos, cada ema ida produz 0,7 kg. Tamba ne’e prevê katak sei aumenta ba 420 toneladas iha tinan 2030 tuir mai (JR, 2016, p. 291).

Iha resolução nebé hanesan classifica mos tipo lixo nian nebé namkari iha Díli laran hodi afirma katak “A principal composição dos Resíduos em Díli é a seguinte: resíduos verdes, provenientes de folhas e cortes de árvores 33%; papel e cartão 22%; resíduos orgânicos provenientes de restos de comida 12%; sacos de plástico 12% e garrafas de plástico 6%”. Em relação ho ida ne’e Dr. Rui Maria de Araújo afirma iha discurso nebé hanesan, katak ita produz lixo iha Díli laran barak teb-tebes ho porcento nebé boot liu, no maioria husi ita mak laiha sentimento atu bele diminui atitude ne’e. Nune’e, nia dehan katak iha possibilidade atu ita produz lixo “mais de 11 milhões de toneladas diárias de lixo” (ARAÚJO, 2015, p. 2).

Los duni, iha 4 de Julho de 2022, página oficial STLNEWS.com. fo sai informação atual ida ho título “Lixu iha Kapital Dili Kontinua Naklekar”, iha informação ne’e serviço nain Venancio de Jesus Oliveira, hateten katak “lixu iha Dili kontinua naklekar iha fatin-fatin, ami labele raut hotu iha loron ida, tanba ita hare volume lixu makaas” (STLNEWS, 2022). Lê tiha informação ne’e, ha’u hanoin konaba questão lixo, wainhira iha seminário nacional ida ho tema “Eucarsitia e Ecologia” realiza iha 22 de Junho de 2022, fatin SPEPAL, Secretário do Estado do Meio Ambiente Sr. Deométrio do Amaral de Carvalho afirma katak, “agora dadaun iha cidade Díli sura de’it lixo plástico nebé recolha maka 200 toneladas por dia, seidauk conta ho lixo sira seluk nebé seidauk recolha” (CARVALHO, 2022).

Husi dados hirak ne’e, ita hatene katak lixo iha Díli laran barak duni. Nune’e, se ita la iha tan responsabilidade ka sensibilidade atu diminui ka prevene, maka porcento lixo nian sei sa’e ka aumenta ba bebeik, hodi causa ba inundação ka desastres naturais sei acontece bebeik iha ita nia capital Díli.

3. Lixo Halo Inundação Acontece iha Díli

Situação no condição iha Timor, ita acompanha, hare no rona bebeik konaba acontecimento inundação/ banjir iha fatin-fatin, liu-liu iha cidade Díli, exemplo hanesan iha dia 4 de Abril de 2021, nebé Dili laran nakonu ho fo’er no be fo’er nebé halo ema barak mak mate no terus. Tuir dados nebé Lusa fo sai katak iha Díli de’it ema nain 11 mak mate. Além de ida ne’e, inundação mos estraga buat lubuk ida iha Díli laran (LUSA, 2014). Nune’e, ita hotu hare, katak de facto acontecimento inundação laos ida ne’e de’it, maibé inundação ne’e sempre acontece iha Díli wainhira tempo udan, nebé halo ema sira hela iha mota ninin, uma at, ka iha área sira nebé ameaçada, sira tenke halai ba buka fatin seguro hanesan, Igreja, Escola, no ema balu hela de’it iha lona hodi halerik ba malu no halerik mos ba Estado no Igreja atu tau matan, etc.

Ho acto hirak ne’e hotu, wainhira ita lao liu husi tasi ninin sira, ita hare informção balu iha letreiro sira dehan, “causa inundação mai husi soe fo’er arbiru, tesi ai, sunu rai, oho animais, etc”. Afirmação simples sira ne’e halo ita hatene no consciente ona katak acontece bebeik inundação iha Dili ka iha nebé, tamba acto hirak leten ne’e. Maibé ita nafatin cuek, nune’e, inundação mai mos la hatene ita ne’e se.

Iha sorin seluk, em relação ho lixo, wainhira hasoru Pedro Lourenço nuudar serviço nain saneamento raut fo’er (lixo) nian, iha quarta feira 14/06/2022, fatin Fomento I, nia dehan “Wainhira temi lixo ne’e ami dehan de’it fo’er, mak hanesan ai-tahan, surat tahan, hena at, kalen at, fio at, áqua, tv, bicicleta ka rádio at sira, nst. nebé ema hada hamutuk iha lixeiro sira iha Díli laran ne’e. Ami raut no ami lori ba Tibar mos fakar ka hada hamutuk de’it. Ami nia serviço mak lor-loron raut fo’er sira ne’e, maibé fo’er barak mak ami la raut tamba iha drenagem laran, iha valetas laran, iha tasi ninin no iha fatin seluk nebé ami labele raut hotu. Ami raut de’it fo’er sira nebé ema hada ka tau ona iha fatin destinado sira” (LOURENÇO, 2022).

Nune’e, de modo universal amo Papa Francisco dehan ohin loron cada nação produz “anualmente centenas de milhões de toneladas de resíduos, muitos deles não biodegradáveis: re­síduos domésticos e comerciais, detritos de de­molições, resíduos clínicos, electrónicos e indus­triais, resíduos altamente tóxicos e radioactivos. A terra, nossa casa, parece transformar-se cada vez mais num imenso depósito de lixo” (LS, 2015, no. 21).

Husi dados ka afirmação hirak ne’e halo ita hatene ona katak causa inundação mai husi acto hirak leten ne’e, liu-liu konaba lixos. Tamba iha Díli laran lixo barak liu ho porcento nebé boot. Barak mak ita hada hamutuk no barak mos mak ita soe de’it iha fatin-fatin. Nune’e, facil atu acontece inundação wainhira tempo udan. Tamba fo’er sira halo nakonu drenagem, halo intupido tiha valetas, no ikus mai be la iha ona dalan atu halai ba. Tamba ne’e, be no mota sira halai corta tun sae, tama uma sai uma hodi lori lixo no rai dodok tama ba uma laran ao mesmo tempo halo mate no lori mos ema ba sena valetas laran no tasi laran ka mota laran.

4. Inundação Ne’e Sinal Hanesan Natureza Hasoru Ita Ema

Iha mitologia Grega clássica, haktuir katak criatura sira existe iha mundo ne’e nu’u efeito husi casamento entre Lalehan ho rai. Nune’e, ba sira katak Lalehan hanesan Aman, rai hanesan Inan, criatura sira hanesan Lalehan ho rai nia oan (VASCONCELHOS, 1998, p. 11-13). Husi ne’e mak iha tempo tuir mai filósofo sira hanesan Platão argumenta katak, buat sira nebé existe iha rai ne’e mai husi criador ida naran Demiurgo. Ba Platão, Demiurgo hanesan arquitetura ida nebé contempla ideia iha Lalehan nia plasma/kumu hodi tau iha rai (Chora). Nune’e, tuir Platão Demiurgo mak hanesan meio ida nebé halo casamento entre Lalehan ho rai hodi hamosu buat hotu nebé existe iha rai ne’e. Tempo tuir mai Aristóteles desenvolve ideia ne’e sai sistemático liu tan.

Iha filosofia, liu husi estudo lubuk ida em relação ho Ideia nebé Platão ho Aristóteles acrescenta ne’e, Santo Agostinho baptisa tiha ho naran Deus, hodi São Tomas de Aquino mos hatutan liu husi corrente Aristóteles nian. Bele dehan ida transcendente ida seluk imanente, ou seja, Platão ho Santo Agostinho lori rai ba Lalehan, Aristóteles ho São Tomas lori Lalehan mai rai.

Iha teologia, iha tempo antigo (Antigo Testamento) natureza sai ona hanesan fatin nebé Maromak ho ema hasoru malu, ex. profeta sira sae ba foho hodi koalia ho Maromak. Husi kalohan laran Maromak koalia ba ema. Maromak hatudu an nuudar ahi iha ai leten maske la han ai ne’e (profeta Moisés iha foho Horeb). Husi ne’e, ita hare katak, Maromak hatudu nia an husi Natureza, além de revelacão (revelação natural). Nune’e, desde uluk to’o mai ohin loron, Lalehan ho rai ho tan natureza, sira nunca husik malu. Bele dehan casamento entre Lalehan ho rai ne’e continua nafatin. Iha sorin seluk, animal sira (cordeiro, carneiro, bode, etc. ), sira mos sai hanesan elemento nebé halo ema hasoru malu ho Maromak wainhira ema lori sira ba hasa’e nuudar sacrifício. Nune’e, natureza ho animal sira ne’e hetan privilégio iha casamento entre Lalehan ho rai nian. Iha ne’e desde uluk kedas relação ita ema ho Maromak, natureza no animal sira ne’e, Maromak hatuur ona hanesan vínculo sagrado ida, só que ita ema mak la compreende no la consciente.

Casamento ida ne’e ita hetan compleamente iha o “Verbo Encarnado, Jesus Cristo” (Novo Testamento). Ita bele compreende iha afirmação ne’e “todas as criaturas do universo material encontram o seu verdadeiro sentido no Verbo encarnado” (LS, 2015, no. 235). Nune’e, Maria nia knotak hanesan fatin santo nebé fo kaben entre Lalehan ho rai, ou seja, fatin nebé Lalehan ho rai hasoru malu. Nune’e, salvação nebé Jesus lori mai ne’e laos ba de’it humanidade, maibé ba criatura tomak iha mundo. Nune’e, iha contexto filosofia ka teologia nian ligação entre Lalehan ho rai ne’e nunca kotu. Husi ne’e mai mak transcendência ho imanência lao hamutuk nu’u base hodi defende fé cristã (Cristo Revelado) iha época medieval nian to’o ohin loron. Nune’e, necessário tebes atu ita ema cuidado buat hotu nebé Maromak tau ona iha mundo ne’e.

Ho ida ne’e wainhira ita koalia konaba natureza, katak ita koalia konaba buat nebé natural, existe desde uluk kedas nebé laos ita ema mak cria, hanesan, buat sira nebé iha Lalehan no iha rai de modo natural, nu’u efeito Lalehan ho rai nia domin, ex. mota, tasi, clima, natureza, kalohan, udan, anin, rai-lakan, etc. Ho ida ne’e Papa Francisco iha nia Encíclica Laudato Si nia dehan natureza ka ambiente ne’e hanesan ita nia irmã/ bin ida nebé sempre compartilha ho ita, no casa comum ne’e hanesan mãe/ inan nebé acolhe ita iha nia liman laran ka nia hiti leten. Significa fatin no tempo nebé ita existe ba ne’e Lalehan ho rai hahoris ona criatura ka buat oi-oin iha rai leten ne’e, sai hanesan ita ema nia Bin no Inan nebé sempre fo domin tomak ba ita, ka sustenta ita. Nune’e, ita ema tama iha vínculo sagrado ida nebé unifica ita ida de’it ho Maromak, ho natureza, ai-horis, animais, etc. Vínculo sagrado ne’e ohin loron ita cristão sira hatuur iha Eucaristia.

Tamba ne’e, maka ita ema cristão tenke hatene katak Eucaristia ne’e sacramento santo liu nebé unifica ita ema ho Maromak no ho criatura tomak, tamba, “A criação encontra a sua maior elevação na Eucaristia (…) na Eucaristia, já está realizada a plenitude, sendo o centro vital do universo, centro transbordante de amor e de vida sem fim. Unido ao Filho encarnado, presente na Eucaristia, todo o cosmos dá graças a Deus. Com efeito a Eucaristia é, por si mesma, um acto de amor cósmico (…) A Eucaristia une o céu e a terra, abraça e penetra toda a criação. O mundo, saído das mãos de Deus, volta a Ele em feliz e plena adoração: no Pão Eucarístico, «a criação propende para a divinização, para as santas núpcias, para a unificação com o próprio Criador (…) a Eucaristia é também fonte de luz e motivação para as nossas preocupações pelo meio ambiente, e leva-nos a ser guardiões da criação inteira (…) Na verdade, a pessoa humana cresce, amadurece e santifica-se tanto mais, quanto mais se relaciona, sai de si mesma para viver em comunhão com Deus, com os outros e com todas as criaturas” (LS, 2015, no. 235-236).

Nune’e, ita ema nebé participa ka celebra bebeik Eucaristia lor-loron ne’e precisamente fo domin ba natureza, cuidado nia, tau matan ba criatura sira, etc. Basá wainhira ita estraga ka destroi sira, la respeita sira ka la hadomi sira, maka sira sei halerik hodi hirus nuudar sinal hasoru ita ema, tamba sira mos hola parte as hotu iha Maromak nia domin (LS, no. 1-2). Ita bele hare iha afirmação ne’e “Esta irmã clama contra o mal que lhe provo­camos por causa do uso irresponsável e do abuso dos bens que Deus nela colocou” (LS, no. 2).

Iha afirmação ne’e han malu ho saida mak mitologia grega acrescenta, ita bele hatuur Esta irmã mak planeta terra/ rai, hanesan Inan; Deus hanesan Aman/ Lalehan; bens mak criatura sira nebé existe iha rai ne’e hanesan domin Lalehan ho rai nian ba ita ema. Nune’e, bens ka buat hotu nebé existe iha rai ne’e efeito husi Lalehan ho rai nia serviço hamutuk/ domin. Iha ne’e amo Papa toca konaba ita ema nia uso irresponsável nebé la iha cuidado ba buat sira be Maromak tau ona iha rai ne’e, hanesan, soe fo’er arbiru, tesi ai, sunu rai, oho animal sira, consumo exagerado, etc. Ho ida ne’e maka amo Papa dehan ohin loron ita iha “uma crise que é «consequência dramática» da actividade descon­trolada do ser humano: «Por motivo de uma ex­ploração inconsiderada da natureza, [o ser huma­no] começa a correr o risco de a destruir e de vir a ser, também ele, vítima dessa degradação” (LS, no. 4). Katak ohin loron ita lakon controlo hodi estraga natureza no destroi buat hotu no ikus mai ita rasik mak sai vítima ba acto hirak ne’e.

Ho atitude hirak ne’e amo Papa dehan, ohin loron “o ambiente natural está cheio de chagas causadas pelo nosso comportamento irresponsá­vel; o próprio ambiente social tem as suas cha­gas” (LS, p. 7). Katak, ambiente natural ohin loron nakonu ho kanek, tristeza, moras, etc. Tamba ita ema la cuida nia, la hadomi ona nia hanesan ita nia irmã ka mãe. Ikus mai causa mos ba ambiente social. Neste sentido, amo Papa apresenta problema rua: problema ambiental no problema humana. Ida primeiro, maka o ambiente natural está cheio de chagas, tamba ita ema nia comportamento irresponsável; segundo, husi ita ema nia comportamento irresponsável ne’e maka causa ba ambiente social, hanesan, ema mate, halerik, hamlaha, hamrook, uma laiha, wainhira acontece desastres naturais ka inundação sira, etc.

Husi ne’e ita consciente katak, de facto, ita estraga natureza, ita soe fo’er arbiru, tesi ai, estraga ai-horis, oho animal, sunu rai, sira ne’e hotu hanesan ita halo hela ba ita nia an. Basá ita ema ne’e parte ida husi sira (natureza), ex. naran Adão ne’e foti husi lian hebraica Adamá traduz ba portuês mak terra, ba tetun mak rai. Nune’e, naturalmente ita ema ne’e rai (mai husi rai sei fila ba rai). Tamba ne’e, ita halo ato at hirak ne’e, iha rai ne’e nia leten, hanesan mos ita halo crime nebé grave contra rasik ita nia an no pecado contra Maromak, tamba “um crime contra a natureza é um crime contra nós mesmos e um pecado contra Deus” (LS, no. 8). Husi ne’e mak hamosu “o clamor da terra e o clamor dos pobres” (LS, no. 49), katak natureza halerik no tanis ba ita, ema ki’ak no ema kiik sira mos halerik no tanis bebeik ba ita.

Nune’e, liga ba Díli karik, ohin loron inundação no desastres naturais acontece bebeik, tamba ita ema la hadomi ona Díli hanesan ita nia casa comum, ita la hadomi ona nia hanesan ita nia cidade ka capital Timor nian, ita la hadomi ona nia hanesan ita nia irmã ka inan nebé partilha no acolha hela ita. Iha ne’e ita lakon consciência, racionalidade, sensibilidade no responsabilidade nuudar ema. Nune’e, inundação ho desastres naturais acontece nu’u sinal natureza hasoru ita ema, atu ita ema consciente fila fali, halo conversão ambiental hodi hadomi fali cidade Díli.

5. Meios de melhoramento (Solução)

Ho problema hirak leten ne’e, iha parte lixo nian PM Rui Maria de Araújo afirma ona katak “Se não realizarmos já acções concretas para lidar com esta situação, então teremos um desafio ainda maior no futuro” (ARAÚJO, 2015, p. 2). Ne’e katak hahu agora ita la foti ação concreta ruma hodi soluciona problema refere, maka ita sei hetan desafio boot liu tan iha tempo tuir mai. Aliás, se ita la hahu prevene agora maka cidade Díli sei acontece inundação bebeik no desastres naturais mos sei acontece nafatin. Nune’e, tempo tuir mai Díli sei sai de’it cidade ida nebé nakonu ho lixos, poluição, dois, rai-dodok, manas, be fo’er, etc. hodi causa mos moras oi-oin ba ita ema hanesan, dengue, malaria, TBC, diareia, katar, asma, mear, etc. Tamba ne’e, dalan ka maneira atu hasai an husi buat at hirak ne’e mak hanesan tuir mai ne’e.

• Conhece-te a ti mesmo

Afirmação ne’e interessante duni, basá wainhira ita hasoru dificuldade sira leten ne’e ita maioria mak buka meios oinsá atu bele ultrapassa acontecimento perigoso hirak ne’e, liu husi ajuda malu, tulun malu, acolha malu, etc. Maibé, buat ida nebé ita haluha atu hanoin no halo maka ita nunca husu ba malu no nunca husu ba ita an katak, tambasá maka inundação/ banjir ne’e acontece? Causa husi saida no mai husi nebé? Dalan saida mak ita uza atu evita no rezolve problema ne’e?. Hatan ba questão hirak ne’e, ita precisa duni reflete afirmação ne’e “Conhece-te a ti mesmo” (Sócrates), katak ita precisa hateke ka fila fali ba ita nia an, tamba problema ne’e nia hun ne’e iha ita ema. Nune’e mak filósofo Francisco Petrarca (iniciador da humanista) dehan, iha situação ka problema sira hanesan ne’e ita precisa “conhecer-se a si mesmo, ou seja, é preciso voltamo-nos para nós mesmos” (REALE-ANTISERI, Vol. III, 2014, p. 21). Katak ita precisa duni husu ba an rasik.

Los duni, necessário ita fila fali ba ita nia an, tamba ohin loron, ita ema moris iha mentalidade Babain, moris iha U boot, Urkeke, Urusan pribadi, etc. Nune’e, soe fo’er arbiru mos babain ona, tesi ai mos babain, sunu rai ka estraga ambiente mos babain hotu, maske ita destroi hela ita nia irmã natureza ka estraga hela ita nia mãe terra. Iha ne’e, ita hahu tama ona iha moras psicologia nian nebé Sigmund Freud hanaran neurose, katak moras ida nebé halo ita sente buat hotu babain de’it, halo ita gosta liu mak halo at, estraga, destroi no halo mate. Tamba ne’e, atu contra moras at ne’e maka Erich Fromm dehan “Conhece-te a ti mesmo. Esta é a fonte principal de toda psicologia” (FROMM, 1990, p. 30). Neste sentido, Fromm exige ita atu conhece ita nia an didi’ak hanesan ema nebé iha kakutak, iha fuan, iha responsabilidade, sensibilidade, consciência, respeito, cuidado, etc. hodi hatudu domin ba ita nia rain, ba ita nia cidade no ba ita nia ambiente.

Husi ne’e, lori ita ba hatene an katak ita ema ne’e ser social, nebé laos mesak. Nune’e, ita precisa cria relação di’ak, ho planeta terra, ho ambiente, ho natureza no ho ema seluk, etc. Tamba ne’e mak Papa Francisco dehan, “Muitas vezes, na vida, perdemos tempo a questionar-nos: “Quem sou eu?” E podes passar a vida inteira a questionar-te, procurando saber quem és. Mas a pergunta que te deves colocar é esta: “Para quem sou eu?” (FRANCISCO, 2019, no. 286). Iha ne’e, amo Papa hatuur buat importante ida, maka lor-loron ita precisa questiona ita nia an ho “para quem sou eu” nebé tende liu ba função ser social ka ser relacional nian, hodi aplica responsabilidade, sensibilidade, cuidado, etc. Laos “quem sou eu” ida nebé exige ema atu conhece ka hatene de’it “eu” pessoal, be buka di’ak ba nia an de’it hodi ikus mai lori ema ba arrogância, ignorância, indiferente, inconsciência, irresponsabilidade, etc.

Nune’e, afirmação conhece-te a ti mesmo ne’e importante liu iha ita ema nia moris, basá Papa João Paulo II dehan “a recomendação conhece-te a ti mesmo estava esculpida no dintel do templo de Delfos, para testemunhar uma verdade basilar que deve ser assumida como regra mínima de todo o homem que deseje distinguir-se, no meio da criação inteira, pela sua qualificação de «homem», ou seja, enquanto «conhecedor de si mesmo»” (JPII, 1998, no.1). Katak conhece ita nia an ne’e hanesan verdade basilar ida nebé ita ema assume hanesan regra mínima ida atu distingue entre buat at no buat di’ak, diferencia entre hahalok at no di’ak hodi bele aplica ita nia qualidade humana atu bele tau buat hotu iha ida-idak nia fatin.

Ho ida ne’e mak Papa João Paulo II relata tan, katak Conhece-te a ti mesmo ne’e “é um caminho que se realizou —nem podia ser de outro modo — no âmbito da autoconsciência pessoal: quanto mais o homem conhece a realidade e o mundo, tanto mais se conhece a si mesmo na sua unicidade, ao mesmo tempo que nele se torna cada vez mais premente a questão do sentido das coisas e da sua própria existência” (JPII, 1998, no. 1). Ho liafuan badak karik, katak wainhira ita ema consciente hodi conhece didi’ak ita nia an, maka buat hotu sei di’ak liu tan, hodi fo sentido ba sasan sira no ita nia an rasik, hodi iha responsabilidade, sensibilidade, respeito no cuidado ba rai ida ne’e atu labele soe foer arbiru, estraga ka destrui arbiru ai-horis no animais sira.

Husi ne’e mak halo ita bele realiza moris ne’e lolós, hanesan ser ida nebé hori uluk kedas Maromak tau confiança atu ita tau matan, cuida ka toma responsabilidade ba buat hotu nebé existe iha mundo ne’e (Gen 1, 26-31; 2, 1-17). Nune’e, ohin loron ita hasoru desastres naturais no inundação la hotu rai, tamba ita haluha ona ser refletido ida ne’e. Nune’e, Sócrates mos dehan nanis ona katak “Moris nebé la reflete ne’e la merece atu halao” (uma vida sem reflexão não merece de ser vivida). Se halao karik maka nia sei sai de’it nain ba destruição, violação, corrupção, etc.

• Meios ou Mecanismos

Em suma, buat sira leten ne’e lori ita ba meios ka mecanismo balun nu’u solução ba problema refere: primeiro, ita precisa duni conhece-te a ti mesmo; segundo, ita tenke consciente no considera katak cidade Díli hanesan ita nia irmã ka inan nebé compartilha no acolha hela ita; terceiro, ita labele soe fo’er arbiru, maibé coloca didi’ak iha ninia fatin; quarto, ita rasik hanorin no treina an atu iha responsabilidade no sensibilidade hodi hamos uma oin no recolha fo’er sira nebé ita nia maluk seluk soe arbiru ona; quinto, estado tenke coloca fatin lixo nian (lixeiros) barak iha Díli; Sexto, ita precisa usa maneira 4R, katak Repensar, Reduzir, Reciclar e Reutilizar. Aliás, ita consciente an atu recolha fila fali fo’er nebé iha ka soe ona hodi tau fali iha fatin, no bele processa sai fali energia ka utilidade seluk, basá “O processamento de lixo em energia, reduz os riscos para a saúde pública, através da recolha, processamento e incineração de resíduos, reduzindo a proliferação de doenças e parasitas” (ARAÚJO, 2015, p. 3).

Iha parte geral iha ambiente nian, hanesan afirma iha art. 61º no. 1 e 2 nebé dehan “Todos têm direito a um ambiente de vida humano, sádio e ecologicamente equilibrado e o dever de o proteger e melhorar em prol das gerações vindouras. O Estado deve promover acções de defesa do meio ambiente e salvaguardar o desenvolvimento sustentável da economia”. Afirmação ne’e relata buat rua: primeiro, katak ema hotu-hotu precisa ambiente ida nebé moos no saudável; segundo, tan ema hotu precisa moris iha ambiente nebé moos no saudável ne’e maka Estado iha dever atu salvaguardar. Salvaguardar ida ne’e la significa iha de’it curto praso ka presente de’it, maibé ba longo praso atu iha nafatin utilidade no benefícios ba gerações vindouras sira iha futuro.

Los duni, husi ne’e mak iha objetivo estado nian iha art. 6º iha alinéa f dehan “o estado tem objetivo de Proteger o meio ambiente e preservar os recursos naturais”. Iha ne’e exige duni estado nia tau matan ba meio ambiente. Hatan ba exigência ne’e iha resolução do governo no 32/2016 e Decreto lei no 2/2017, nebé consta iha Diploma Ministerial no 32/2016, ho imperativo ida mak haruka ema limpeza geral cada sexta iha ema ida-idak nia arredores da casa, hodi hadia ka cuida sasan sira nebé pertence ba meio ambiente. Maibé na realidade ita ema mak la iha duni responsabilidade, sensibilidade no consciência atu halo tuir. Assim que atu hamos de’it uma oin ka valetas mos sei precisa Governo selu $ 3 dolares.

Tamba ne’e, atu ita iha nafatin cidade ida nebé moos no saudável, estado tenke hatuur fatin lixo nian (lixeiros nebé duráveis) barak iha cidade Díli. Husi ne’e, ita precisa fo liman hamutuk ho Estado hodi cuidado cidade Díli nuudar capital Timo-Leste nian nebé pertence ba iha mundo. Nune’e, precisa ita nia cuidado pessoal no coletivo ne’e lao hamutuk, hodi cuidado Dili hanesan ita cuidado mundo, basá Papa Francisco dehan iha Encíclica Fratelli Tutti, katak “Cuidar do mundo que nos rodeia e sustenta significa cuidar de nós mesmos” (FT, 2020, no. 17). Katak ita cuidado buat hirak nebé iha ita nia sorin-sorin ne’e hanesan ita cuidado no hadomi duni ita nia an. Tamba ne’e, maka iha Revista ida ho título “Ecologia Integral” Ribeiro ho Carvalho afirma frase ne’e “cuidar da terra, cuidar da vida” (RIBEIRO- CARVALHO, 2016, p. 1).

Ikus liu, atu mantém Dili hanesan cidade ida nebé furak no naroman, nebé menus inundação no desastre naturais, hahu husi ha’u, hahu husi o no hahu husi ita hotu, mai ita reflete, repensar hodi consciente an atu hola responsabilidade, sensibilidade, afetividade, ba cidade Díli hanesan ita nia Irmã ka inan nebé fo han ita, hakuak no tane hela ita lor-loron iha nia domin. Ho ida ne’e, mai ita serviço hamutuk hodi halo limpeza geral e pessoal, recolha lixos hodi tau iha fatin, labele soe fo’er sira arbiru, kuda ai-oan, evita consumo nebé demasiado, etc. Iha ne’e, ita precisa sai ema ida nebé amante do meio ambiente, hodi hatene hadomi natureza, hadomi ai-horis, hadomi animais, hadomi tasi, hadomi cidade Díli no hadomi Timor-Leste. Iha ne’e necessário atu ita sira nebé hetan ona educação formal no intelectual ne’e fo fali hanoin ba sira nebé seidauk iha sensibilidade ne’e.

Conclusão

Timor hanesan país ida nebé consumo sasan sira be exporta mai husi rai seluk mak barak, liu-liu iha Díli. Tamba ne’e, sasan hirak ne’e mai ho plástico, masa ka kalen, tanto sasan boot como kiikoan. Nune’e, ita consumo ka sosa demais sasan sira ne’e iha China ka iha loja, ita sosa mos plástico, masa ka kalen sira. No lori mai depois de uza hotu buat nebé iha laran, sasan sira ne’e ita soe de’it hanesan lixos. Husi ne’e mak resulta katak lixos iha cidade Díli barak teb-tebes, tanto orgânicos como não orgânicos. No lixos sira ne’e ita soe arbiru de’it, ita la coloca didi’ak tuir nia fatin. Nune’e, cidade Díli sai tiha hanesan cidade dos lixos, basá iha valetas laran, iha tasi ninin, iha estrada ninin, iha mota laran, ita hare katak fo’er barak duni.

Ho sira ne’e hotu mak ita destroi natureza, estraga ambiente, liu husi soe fo’er arbiru, tesi ai, sunu rai, oho animais, ai-horis, etc. Nune’e, ita halo kanek natureza, ita halo kanek ambiente, ita halo at ka ita halo kanek cidade Díli hanesan ita nia capital. Tamba ne’e, natureza reage hasoru ita liu husi inundação, desastres naturais, mudança climática, etc. Sira ne’e hotu sinal di’ak, atu ita ema consciente fila fali hodi halo conversão ambiental atu hadomi fali cidade Díli, hodi diminui ka evita uso irresponsável hirak nebé ita hare ona iha leten.

Nune’e, hahu agora, mai ita cria cultura do cuidado, hodi bele recolha lixos, tau lixos iha nia fatin, hadomi ambiente no natureza, hamoos uma oin no valetas, limpeza fo’er sira iha tasi ninin no fatin turismo sira. Mai ita fo hanoin no passa imformação ba malu konaba hadomi natureza no hadomi cidade Díli. Iha ne’e, interessante mos katak, mai ita fo liman hamutuk hodi kuda ai-oan, hadomi ai-horis, animais, etc. Atu buat hirak ne’e lao ba oin, ita estudante sira mak iha iniciativa uluk ba atitude hirak ne’e. Ita buka atu rona “o clamor da terra e o clamor dos pobres” hodi bele soluciona ka cura nia, basá “cuidado a terra, cuidado a vida”. Ho responsabilidade, domin, respeito, sensibilidade hirak ne’e duni mak halo com que “Rai sei tane, Lalehan sadia”. Se la’e mak Lalehan ho rai sei fila hasoru fali ita. Ikus liu ha’u hakarak taka ho Papa Francisco nia liafuan ne’e “somos chamados a tornar-nos os instrumentos de Deus Pai para que o nosso planeta seja o que Ele sonhou ao criá-lo e corresponda ao seu projecto de paz, beleza e plenitude” (LS, no. 53).

Referências

FERREIRA (1986), Aurélio Buarque, Novo dicionário da língua portuguesa. Rio de Janeiro: Nova Fronteira.

PAPA JOÃO PAULO II (1998), Carta Encíclica Fides et Ratio, Roma, 14 de Setembro.

PAPA FRANCISCO (2015), Carta Encíclica Laudato Si/LS, Roma, 24 de Maio.

_____ (2020), Carta Encíclica Fratelli Tutti/FT, Assis, 03 de Outubro.

_____ (2019), Exortação Apostólica Pós-Sinodal Christus Vivit, Loreto, Santuário da Santa Casa, 25 de Março.

SECRETARIA DO MEIO AMBIENTE – PMB COMISSÃO DE COLETA SELETIVA DA FCA (201, Cartilha Coleta Seletiva na FCA, A coleta seletiva no Campus Lageado é realizada às quartas-feiras pela manhã.

FROMM, Erich (1990), Arte de Amar, Trad. Milton Amado, Editora Itatipla Limita, Belo Horizonte.

REALE, Giovanni – ANTISERI, Dario (2004), História da Filosofia do Humanismo a Descartes, 2^a Edição, Vol. III, Trad. Ivo Storniolo, São Paulo, Paulos.

VASCONCELLOS (1998), Paulo Sérgio, Mitos Gregos, São Paulo.

RESOLUÇÃO DO GOVERNO NO. 32/2016 DE 5 DE OUTUBRO (2016), Estratégia de Investimento para a Gestão dos Resíduos Sólidos Urbanos de Dili, In Jornal da República, Série I, N.° 392016, Quarta-Feira, 5 de Outubro.

ARAÚJO (2015), Rui Maria, “Processamento de Lixo em Energia” (Discurso), Tíbar, 22 de Maio.

CARVALHO (2022), Deométrio do Amaral (S. E. do Meio Ambiente), Eucaristia e Ecologia (Seminário Nacional), Seminário Maior, SPEPAL, Fatumeta, 22 de Junho.

BÍBLIA SAGRADA (2015), 1ª Edição, Difusora Bíblica, Lisboa.

LOURENÇO, Pedro (Serviço nain raut lixo), Lixos iha Díli Laran (Entrevista), Fomento I, Quarta feira 14/06/2022

CASTRO (1995), Mauriceia Aparecida, Lixo: um mal necessário?, In Revista Fogo no. 198, setembro.

LUSA (2021), Timor-Leste. Balanço das cheias em Díli aumenta para 11 vítimas mortais, disponível em: https://www.publico.pt/2021/04/04/mundo/noticia/timorleste-menos-nove-mortos-inundacoes-dili 1957102, acesso em 20 de Junho de 2022

RIBEIRO, Ana Maria Vidigal- CARVALHO, José Luiz Ribeiro (2006), Ecologia Integral, 8ª edição, Ano A- no. 27, jan/fev/mar, Brazil.

STLNEWS (2022), Lixu Iha Kapital Dili Kontinua Naklekar, Disponível em: https://stlnews.co/sidade/lixu-iha-kapital-dili-kontinua-naklekar/, Acesso em: 7 de Julho de 2022.(Asesu Youtube/Facebook https://www.facebook.com/Media1Timor Media ONE Timor)