(Hakerek Na’in Seminarista Maior Fatumeta Dili/ Florindo Amaral, CMM)
Dili (Media ONE Timor) – Maluk sarani doben sira, iha loron Quinta Feira Santa Igreja Katolika universál selebra no hanoin hikas loron importante ida ne’ebé Nai Jesus Kristu han kalan ikus hamutuk ho Nia eskolante sira iha tinan rihun hirak liuba.
Ita selebra haan kalan paskoa ni’an ida ne’e sei ikus ni’an hodi hanoin hikas saida mak Nai Jesus ho eskolante sira hala’o tiha ona iha tinan rihun hirak ne’ebé liu tiha ona. Basa Nai Jesus han kalan rituál kmanek ida ne’ebé haraik ne’on foun ida ba Nia hodi harii sakramentu Eukaristia ba dala uluk iha momentu ne’ebá.
Maun-alin sarani doben sira, Ita hotu presiza loke fuan ho laran atu hatene loloos. Katak, sakramentu Eukaristia ne’ebé Jesus hala’o iha Kuinta feira Santa kalan ne’e nu’udar kna’ar loos huun domin Jesus nian be hatudu Nia domin liu buat hotu-hotu ba Ita ema. Maske, dala wain Ita la tuir Nia hakarak.
Oras ne’e Ita hatene lolos katak tansa Nia fihir han kalan ikus nian atu ho kmanek wain fo hatene sai Ninia ukun fuan. Ida be halo Ita hadomi malu nu’udar maun-alin. No sai nu’udar ukun fuan foun ida ba Ita.
Quinta feira Santa sai hanesan momentu importante ida ba Ita atu hadia Ita nia na. Muda Ita nia hanoin ne’ebé lori Ita ba hahalok arogansia, egoista, individualizmt popularista ne’ebé lori Ita ba dalan ne’ebé nakukun.
No fiar ne’ebé obscuridade hanesan Judas Escariotes ne’ebé faan Jesus ba ema at hodi hetan lukru ba nia moris. Maibé to’o ikus nia la hetan perdaun hosi Maromak. Tamba la konverte nia an ba pekadu no aktu immorál sira hotu ne’ebé nia halo ona.
Tan ne’e iha momentu furak ida ne’e mai Ita ida-idak koko atu tranforma Ita nia an ho buat ne’ebé di’ak konverte Ita nia an ba sala hotu ne’ebé Ita halo ona atu nune’e Ita labele sai hanesan Judas Escariotes ne’ebé hatudu aktos hipocrita ba Jesus. Iha Jesus Nia oin nia ko’alia liafuan ne’ebé midar. Maibé iha kotuk hatudu hahalok la sincero hodi fa’an Jesus ba ema at.
Quinta feira Santa kalan mós Jesus hakarak hanorin atu moris iha simplicidade, humildade sinceridade e uniaun, liu hosi Nia fase apostulu 12 nia ain. Oinsa ho Ita iha moris lor-loron nian? Ita mós fase tiha ona ita nia maluk sira nia ain, hanesan Nai Jesus halo ba nia apostulu sira? Sinál fase ain signifika aktos ka hahalok haraik-na, atu serbi ema seluk ho fuan ho laran.
Sentidu seluk hosi sinál fase ain ne’e mós Ita bele dehan katak halo transformasaun ka mudansa ba Ita nia moris ida ne’ebé bai-bain ba moris ida ne’ebé laos bai-bain. Muda Ita nia vizaun ho haoin ne’ebé loos atu nune’e labele monu ka mout iha babeur mundi nian, ne’ebé lori Ita moris ba nakukun.
No fiar ida ne’ebé nakukun to’o ikus Ita la hetan dalan atu hakbesik-an ba Maromak hodi hola parte mós iha Maromak Misericodia, Quinta Feira Santa mós, hanesan eventu ikus Jesus han kalan hamutuk ho Ninia discípulos sira. Iha momentu ida ne’e duni, Jesus fahe Pão no fó Tua Vinho, representa Nia Futar Isin no Nia Futar Ran rasik, ba discípulos sira atu han no hemu, hodi sa i ida de’it ho Nia.
Nia prepara Ninia discípulos, atu iha força espirituál ida no prontidão religiosa ida, hodi tama ba Mistério Sexta Feira Santa nian, hodi mós lao tuir Nia besik liu tan. Maibé todan oi-oin Jesus hasoru, hahú husi Ninia discípulos rasik, ne’ebé mak nega, fan no finji la hatene Nia. No halai husik Nia mesak hela de’it iha toz Oliveira laran.
Iha loron ida ne’e, ema cristão católicas sira, hetan bolu ou -ser convidado atu medita, contempla no reflecte eventu bot iha história salvação. Eventu familiar entre ema hanesan belun ho Maromak nia oan rasik.
Ema cristão iha mundu tomak selebra Quinta Feira Santa, hanesan loron importante ida nakonu ho sentidu ne’ebé mak klean iha Igreja Katólika. Tamba iha selebrasau Quinta Feira Santa ne’e, mak Jesus rasik mós funda Sacramento da Eucaristia, hanesan Ninia Isin no Ran Rasik ne’ebé mak verdadeiru no iha eventu lulik ida hanesan, Jesus mós funda Sacramentu Ordem. Sacramento rua ne’e; Eucaristia no Ordem, sei la bele hases malu. No dotrina fundamentál husi sakramentu rua ne’e nian; mak domin loloos.
Nune’e duni, iha Quinta Feira Santa, ita hotu mós buka atu apreende hodi halo tuir Jesus, iha moris loro-loron ni’na. Ita mós buka serbí malu ho domin, halo tuir Ita nia Nai maksoin ne’ebé mak, mai iha mundu la’os atu ema mak serbí Nia. Maibé Nia mak serbí Ita ema. Mensajem bot, Quinta Feira Santa nian, mak atu iha ita nia moris catolicismo nian, Ita hotu buka atu hadomi malu no serbí malu hela deit.
Iha Quinta Feira Santa, ho eventu fase ain, hanorin mai Ita hotu, atu Ita hotu buka atu sai “servidor” ba malu. Laos atu sai fali kontralador ou imperador ba malu, ne’e lae. Iha selebrasau Kuinta Feira Santa, fó hanoin fali mai Ita mós, lalaok at Pedro no Judas Iscariotes nian, ne’ebé mak nega Jesus.
Iha Kuinta feira Santa mós sai hanesan revolusaun dalan atu tuir Jesus. Dalan ne’ebé mestre boot Jesus aponta mai Ita mak pontu de viragem ka khere ba radicalidade domin nian nu’udar dom moris hodi saran an tomak ba Maromak no maun-alin sira.
Los duni, ne’e lafasil atu Ita moris. Maibé mós lahalo sai difisil ka rumit atu Ita hala’o nu’udar disipulu Jesus ni’an. Laiha buat di’ak no kmook sira mosu ka monu tuun de’it ba rai sem esforsu ema ni’an. Tan ne’e importante mai Ita atu kompriende, katak valor moris ni’an loloos la mai hosi dalan instantaneo sira. Maibé mai hosi dalan susar, kroat, terus. Hanesan lian idate laclubar ni’an dehan nune: “a difficult road leads us to the beautiful destination. Kruz be Jesus husu atu Ita ida-idak lori ne’e la’os hatudu sinál de frajilidade ka pesimismu ema nian. Maibé kruz sinaliza forsa dos homens autenticos. Tan hosi dalan ida ne’e duni mak Jesus garante moris ida ne’ebé plena eh nakonu ho definitivu husi dom moris nia Nain.
Hirak ne’e Ita bele halo hodi serbi Ita nia maun-alin sira ne’ebé ki’ik ki’ak defisiente ho haraik-an iha Ita nia kaaminada moris ida ne’e. Iha ne’e implika Ita nesesariamente posibilidade atu haluha Ita-an rasik nia di’ak sai hosi Ita nia mundu. Hatene ema seluk nia nesesidade hakbi’it Ita-an hodi hatene solidarize ho ema seluk. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.