(Reportajen Jornalista Media ONE Timor-Mariquita Freitas)
Dili (www.mediaonetimor.co) – Mudansa klimatika fó impaktu boot ba komunidade nia moris iha area rurál. Nune’e, Oxfam TL servisu hamutuk ho AJTL (Asosiasaun Jornalista Timor-Lorosa’e) realiza media tour ba Suku Lauana Kraik, Munisipiu Ermera hodi halo reportajen ba perkupasaun ne’e.
“AJTL serbisu hamutuk ho média 15 hodi halo média tour ba dala tolu ne’ebé hala’o iha Munisispiu Ermera, Suku Lauana. Objetivu hosi media tour ne’e atu identifika kona-ba mudansa klimatika ne’ebé fó impaktu ba ita nia inan no aman sira.”
Lia fuan hirak ne’e kasu hosi Sekretáriu Jerál AJTL, Acasio Pinto iha konferensia imprensa ne’ebé akompaña hosi Oxfam Timor-Leste (TL), Adilson da Costa Junior ba Jornalista sira iha konferensia imprensa ne’ebé realiza iha edifisiu Oxfam TL, Tersa, (19/11/2024).
Média tour ba dala tolu ne’ebé hala’o durante loron 20 to’o 21 fulan Novembru 2024 ne’e partisipa hosi; Media ONE Timor, Timor Post, RTTL, TVET, Independente, Dili Post, Diligent, SapNews, Mudansa, Radiu Liberdade, Tatoli, Neon Metin, Guardamor TV, Lafaek News no Media Labeh.
Media tour ne’e realiza, katak Acacio, AJTL koopera hamutuk ho Oxfam TL no hetan apoiu fundus hosi Hongkon. Durante loron rua Jornalista sira sei foka liu ba iha mudansa klimatika nia impaktu ba plantasaun no folin kafé iha área rurál, Suku Lauana, Munisipiu Ermera.
Acacio hatete, durante ne’e informasaun hotu-hotu dala barak mai hosi Kapitál Dili de’it. Maibé, problema hirak ne’ebé komunidade iha área rurál infrenta, liu-liu ema ho difesensia no vuneravel sira ladun hetan importansia. Maka, liu hosi media tour ne’e bele hatene maluk sira ne’ebé hela iha area rurais nia perkupasaun ba atividade loron-loron nian.
“Tanba ne’e maka programa media tour ba dala tolu, iha tinan 2024 ne’e desidi hala’o iha Munisipiu Ermera parte Postu Administrativu Letefoho. Objetivu media tour ne’e atu hatene kona-ba impaktu mudansa klimatika ba produsaun agrikultura, liu-liu ba produsaun kafé.”, Acacio hatete hodi hatutan.
Parte seluk ne’ebé importante iha mudansa klimatika ne’e maka asesu ba be’e moos no mos infrastrutura baziku sira seluk. Nune’e, media tour bad ala tolu ne’e sei foka liuba; saida maka komunidade infrenta no mos maluk difesiensia sira infrenta hosi mudansa klimatika ne’e rasik.
Iha parte seluk Oxfam, Adilson da Costa Junior espera, Journalista sira ne’ebé hamahon an iha AJTL bele halo investigasaun klean liu tan ba komuidade sira ne’ebé hela iha area rural nia moris loron-loron nian hosi impaktu mudansa klimatika.
“Espera katak hafoin evidensia ka informasaun ne’ebé públika husi journalista sira kona-ba mudansa klimatika ne’e, ita nia governante sira ne’ebé daun-daun ne’e deskuti hela proposta osamentu ba tinan 2025 nian ne’e bele konsidera mos mudansa klimatika ne’ebé komunidade agrikultura sira hasoru. No mos perkupasaun seluk, hodi hadia komunidade nia moris diak liutan”, katak Adilson. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.