MEDIAONETIMOR-Tamba nia natureza servisu iha area promosaun no protesaun iha area direitus humanus nomos area boa governasaun maka Provedoria Direitus Humanos e Justica (PDHJ) iha obrigasaun halo monitorizasaun ba eleisaun prezidensial 2017.
Tuir Diretor PDHJ, Silveiro Pinto Batista iha konferensia imprensa katak rezultadu monitorizasaun durante kampaña no eleisaun prezidensial iha munisipiu 12 no rejiaun espesial Oe-Cusse (REAO) detekta kandidatu Prezidente Repúblika balun amiasa povu ho modelu oin-oin maka hanesan;
- Iha kada munisipiu mosu indikasaun violasaun direitu humanus ne’ebe komete husi kandidatu presidente balun hosi nain 8 ne’e durante actividade kampanha.
- Partidu politiku balun orbriga no amiasa komunidade iha rejiaun REAEO hodi partisipa iha kampaña no votu ba sira nia kandidatura.
- Partidu politiku balun ameasa professor kontratadu sira iha REAEO atu hapara sira nia kontratu sekarik la tuir kampañ aktividade kampañ.
- Kandidatu balun hala’o aktividade kampaña besik liu edifisiu públiku, hanesan eskola. Ne’e akontese iha Municipiu Lospalos, Viqueque no Bobonaro. Nune’e predujika prosesu aprendijiazen.
- Iha funsionariu públiku balun partisipa durante oras servisu 6. Iha funsionariu públiku uza patrimoniu estadu durante kampaña.
- Motorizada la uza matrikula durante hala’o kampaña.
- Hafoin remata kampaña iha fatin balun nakonu ho foer.
- Maioria komunidade seidauk asesu informasaun ba prosesu eleisaun iha sira nia area.
- Maioria povu eleitores ne’ebe ekipa monitor sira halo intervista ba hato’o katak seidauk hetan diak kona-ba oinsa atu vota.
Katak Silveiro, objetivu hosi monitorisaun ne’e atu garante transparansia no justisa iha festa demokrasia ne’e. Atu asegura katak direitu politiku sidadaun Timor-oan sira implementa duni tuir padraun internasional iha fatin internasional direitu civil no politiku.
Aliende ne’e mós katak Silveiro atu hare neutralidade funsionalizmu públiku hodi labele envolve iha kampaña politika. No ikus liu atu detekta iregularidade no mal administrasaun tamba uza sasan estadu parte agente publiku sira. (Aderito Ximenes)
Ita nia komentariu konaba post ne'e.