(Reportajem Formandu Ceftec Luzinha de Jesus)
Dili (Media ONE Timor) – Reflesaun misa ba domingu da-lima tempu quarezma iha tinan 2023 nian aprezenta mai ita sarani atu hanoin fila fali hanesan Lazaro nia moris nu’udar sinál boot ida hodi manifesta Jesus nia divindade moris no mate.
“Husu sarani sira atu hatene kona-ba Jesus no ema Maromak loloos. Dahuluk evagelho reafirma Jesus nia moris katak ho Lazaro no nia feton sira, Maria ho Marta, Jesus sai belun di’ak Lazaro nian.”
Hateten Reitor ISFIT Pe. Justino Tanec hodi hahú ninia homilia bainhira prezidi missa da-lima tempu Quarezma iha Seminário Maior Interdiocesano, Fatumeta, Dili, Domingu (26/03/2023) iha misa tuku 07:00 dadeer OTL.
Lee Notísia Relevante: Pe. Natalino: “Prepara An Simu Salvasaun”
Pe. Justino esplika liutan, Jesus hakarak manifesta Maromak nia Gloria ba Lazaro. Ba Maromak mate kompara hanesan ema hotu iha kualker momentu. Maromak fanun no ema hadeer. Tan ne’e Jesus ilustra Maromak nia kb’iit ne’ebé boot liu mate.
Hateten Pe. Justino, Jesus dehan nia la mate. Maibé toba hela. Lia fuan ida ne’e dehan ba feto faluk ida husi Naí nia oan mane. Tebes ema nia mate hanesan toba. Jesus bele haree iha kualker momentu. No ema hetan moris hi’as.
Parte seluk katak Pe. Justino, Jesus ompassivo, maske Jesus da morte e da vida. Nia sente com paixão ho Marta no Maria ne’ebé tanis. Jesus espira profundamente no hanoin tebes. Jesus nia fuan divino no humano tebtebes. Iha Jesus nia liafuan Maromak loos no ema loos hasoru malu perfeitamente la fahe no la konfusaun.
Dehan Pe. Justino, Jesus mak imajen Maromak nia oan. Domin na’in misericordioso no ternura. Iha situasaun mate nia laran, hanesan Jesus deklara solenemente ba Marta Pe. Justino haktuir, “Hau (Jesus-Red) mak moris hi’as. No moris ema ne’ebé fi’ar ha’u maske mate ona sei moris hias. No ema ne’ebé moris no fiar iha ha’u nia sei la mate tan.”
Lee Notísia Relevante: Pe. Joel Casimiro Pinto: “Quem Creio Em Jesus Mesmo Que Morra, Vivem”
Nune’e Pe. Justino fó sasin, Maromak sei loke rate sira no haraik moris hias ba matebian sira hotu. Missaun ida ne’e realiza enternamente iha Jesus Kristu. Hanesan São Paulo dehan, katak Pe. Justino, “ Konfirma iha nia surat ba sarani sira iha Roma (S. Paulo-Red) ema ne’bée fiar iha Jesus Kristu sei hetan moris hias.”
Pe. Justino dehan, Sarani sira aprende uluk nanain ita tenke halo amizade ho Maromak.Ita presisa habelun ho Jesus Kristu. Sai belun ho Maromak laos deit kura ita nia moras maibé haraik moris hias ba Ita.
Katak Pe. Justino, dalaruma Ita moras ka familia rasik mak moras, dala barak Ita habelun ho Maromak liu husi ita nia orasaun, husu Maromak nia grasa, no balun hetan isin di’ak duni, maibé balun tenke simu realidade mate.
Nune’e ema nebé fiar iha Maromak sei hetan moris hi’as, tan ne’e habelun ho Maromak laos deit kura ita nia moras maibe liuliu atu hetan moris hias tanba Jesus Kristu manifesta perfeitamente iha kruz, Kristu mate no Kristu moris hias,
Pe. Justino dehan tan, Ita presisa halo belun ho ema sira seluk bainhira ita moras, hasoru difikuldade hasoru susar iha ita nia moris ita presisa tulun, bainhira ita nia familia mate ita nia belun sira hatudu sira nia solidariedade hatudu sira nia kompaixaun hatudu sira nia domin.
“Tan ne ita nia belun sira mak aimoruk ne’ebé di’ak liu iha momentu oportuno. Ita nia belun sira mosu, la’os mosu let de’it maibé mosu iha momentu ne’ebé Ita presisa. Tanba ne’e Maromak kombida Ita hotu, laos moris diak de’it ho ita nia familia, maibé ho ema seluk nia moris husi fatin no nasaun sira seluk ho posibilidade ne’ebé Ita halo belun liu husi ita nia liafuan liu husi ita nia hahalok no ita nia orasaun”, katak Pe. Justino. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.