(Reportajen Editor Asistente Marcelino Tomae-Angelo da Costa/Editora Suzana Cardoso)
DILI (Media ONE Timor) – Plenaria extraordinaria Parlamentu Nasionál (PN) hodi fó resposta ba karta pedidu Prezidente Repúblika (PR) José Manuel Ramos Horta hodi atende Prezidente Indonezia Joko Widodo nia konvite ba Indonezia ne’ebé planeia ba loron Kuarta, (07/07/2022) adia.
Plenaria extraordinaria Xefe Bankada Frente Revolusionariu Timor-Leste Independesia (FRETLIN) Deputadu David Dias Ximenes Mandati husu atu adia tanba deputadu balun husi bankada PLP sei iha Bali, Indonezia no seidauk iha subsituisaun Bankada KHUNTO nian.
“Ita adia plenaria ne’e lai. Depois deputadu sira mai kompletu mak ita kontinua fila fali”, Mandati hatete iha plenaria Parlamanetu Nasionál (PN), Kuarta (07/07/2022).
Lee Notísia Relevante: Polemika Vizita PR Horta Iha Artigu Ualu KRDTL
Hanesan públika ona iha www.mediaonetimor.co edisaun Tersa, (06/07/2020) ho titlu ‘PR Horta Nia Vizita, KRDTL La Fó Dalan’ hateten, relasiona ho Prezidente Repúblika (PR), José Manuel Ramos Horta nia pedidu ba Parlamentu Nasionál (PN) atu hetan autorizasaun hodi halo viajen Estadu ba Indonezia, Parlamentu Nasionál sei hala’o plenaria extraordinariu.
Iha edisaun www.mediaonetimor.co ne’e haktuir Sekretária meza PN Deputada Lidia Norberta dos Santos Martins ba Jornalista, hafoin remata reniaun lider bankada iha sala konferensia Prezidente PN, Kuarta, (06/07/2022) katak, plenaria extraordinaria ne’e sei hala’o iha Kinta, (07/07/2022).
Haktuir Deputada Lidia, plenaria extraordinaria iha Kinta, (07/07/2022) ne’e halo hodi hatan ba karta pedidu PR Horta nian ne’ebé hato’o ona ba meza PN iha semana kotuk, atu hala’o viajen ba Estadu Indonézia iha loron 18 to’o 24 Jullu 2022.
Lee Notísia Relevante: Aniceto La Garante PN Autoriza PR Horta Nia Vizita
“Ita lamentavel tebes. Tanba ajenda importante ba plenaria extraordinaria ba pedidu PR Horta nian adia fali. Ita lahatente razaun saida maka bankada husi FRETILIN adia fali. Maibé, ida ne’e maka polítika,” hateten Bankada Kongresu Nasionál Rekonstrusaun Timorense (CNRT), Deputadu Padrocinio dos Reis Fernandes ba Jornalista, Kinta, (07/07/2022).
Maski iha reniaun lider bankada deside ona orariu plenaria extraordinariu, maibé haktuir Deputadu Patrocinio, deputada husi bankada Fretilin husu adia fali plenária etxraoridinariu pedidu PR Horta nian para bele intendimentu malu di’ak liutan.
Rezimentu parlamentar ezije para ajenda extraordinariu sira importante tenke halo, maibé tuir Deputadu Patrocino nia hanoin, desizaun auorizasaun Prezidente Repúblika ba Indonezia ninia konten polítiku mak’as. Ne’e mak adia fali. La hatente bainhira mak kontinua.
“Rezimentu parlamentar ezije para ajenda extraordinariu importante tenke halo. Mais desizaun autorizasaun Prezidente Repúblika ba Indonezia ne’e ninia konten polítiku mak’as, mak adia fali,” informa Deputadu Padrocino.
Enkuantu bainhira Jornalista tenta atu konfirma bankada FRETELIN kona-ba razaun saida mak adia debate extraordinariu pedidu PR Horta nian. Maibé deputadu husi bankada FRETLIN lakohi fó komentariu ba asuntu refere.
Hanesan públika ona bazeia ba konvite hosi Prezidente Indonezia Joko Widodo ba PR Horta atu vizita Indonezia iha loron 18 to’o 23 Fulan Jullu 2022. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.