MEDIAONETIMOR– Primeiru Ministru (PM) VI Governu Konstituisional, Rui Maria de Araújo ba hasoru Presidente Parlamentu Nasional (PN), Aderito Hugo da Costa hodi koalia kona ba kolaborasaun institusional no mandate durante tinan rua ho balun.
Hafoin remata hasoru malu ba jornalista, PM Rui akompaña hó Prezidente PN Hugo iha uma fukun PN, Segunda, (14/08/2017) hateten, durante tinan rua hó balun orgaun soberanu idak-idak iha nia kompetensia.
Maibé hateten Rui, iha interdenpedensia entre orgaun soberanu sira iha mandatu VI Governu Konstitusional nian. Atu tama ba rohan mandatu ninia lori governu nia naran, PM Rui hato’o agradese ba Presidente PN no deputadus nain 65 sira ba servisu hamutuk durante ne’e. Aliende ne’e, intrega mós planu estratejiku PN nian tinan 2017 to’o tinan 2022.
“Traballu diak durante ne’e balun diak, balun iha diferensia. Opinioens politika sira ne’ebé, governu defini balun parlamentu lakonkorda. Balun seluk presisa deskusaun para atu bele halo intendimentu ne’ebe hanesan,” katak PM Rui hodi hatutan.
Diferente ne’e nu’udar parte husi prosesu demokratiku ne’ebé ita tenke halo iha ita nia rai. PN mós dala barak aponta ba difisiensia no buat balun ne’ebe mak governu halo lalo’os. Ne’e natural tanba kompetensia PN nian.
Husi sikun seluk, Prezidente PN Hugo hatutan, kolaborasaun servisu hamutuk ho orgaun rua ne’e hala’o relativu ho politika estadu nian. Refleta iha lei orsamentu. No lei sira seluk ne’ebé parte governu apresenta mai. Nomós iha parte parlamentu nian.(Esájiada Dulce Ximenes)
Ita nia komentariu konaba post ne'e.