Brunei Darusalam (www.mediaonetimor.co) – Utilizasaun seguru no responsavel plataforma Mídia Sosiál ba ASEAN maka Sekretáriu Estadu Komunikasaun Sosiál (SEKOMS), Expedito Loro Dias Ximenes kumprimenta Sultan Brunei Sultan Haji Hassanal Bolkiah Mu’izzaddin Waddaulah iha ninia rezidénsia.
Iha loron 08 Maiu 2025 delegasaun Secoms Expedito kumprimenta Sultan Brunei Sultan Haji Hassanal Bolkiah Mu’izzaddin Waddaulah iha ninia rezidénsia, Hafoin termina Reuniaun Ministru Informasaun ASEAN (AMRI–Sigla Inglés) iha Bandar Sri Begawan, Brunei Darusalam.
Hafoin AMRI remata, (ministru informasaun sira iha ASEAN) ba hasoru Sultan Hasana Bolkia iha nia rezidénsia. SECOMS hato’o kumprimentus respeito (Salam Hormat) husi PR ho PM agradese ba Nasaun Brunei Darusalam nia apoia TL adere ba ASEAN.
Sultan Haji Hassanal Bolkiah Mu’izzaddin Waddaulah hanesan Sultan ba dala 29 hosi Brunei no hala’o ona knaar dezde tinan 1967. Sultan Hassanal Bolkiah mós hala’o knaar nu’udar Primeiru-Ministru Brunei nian dezde independénsia nasaun nian iha tinan 1984.
AMRI ba dala 17 apoia Deklarasaun KL kona-ba utilizasaun seguru ba média sosiál. Konferénsia Ministru ASEAN ba dala XVII kona-ba Reuniaun Ministru Informasaun ASEAN (AMRI–Sigla Inglés) no Reuniaun Relasionadu sira remata ho apoiu maka’as ba “Deklarasaun Kuala Lumpur kona-ba Utilizasaun Seguru no Responsavel Plataforma Mídia Sosiál ba ASEAN”.
Iha deklarasaun konjunta ba média ne’ebé fó sai iha konferénsia nia rohan, ASEAN repete ninia kompromisu koletivu atu haburas ambiente dijitál ida ne’ebé seguru, inkluzivu no responsavel iha rejiaun tomak.
“Reuniaun ne’e reafirma importánsia hodi promove Komunidade ASEAN ida ne’ebé reziliente no sentradu iha ema hodi rezolve dezafiu sira ne’ebé mosu hosi uzu sala hosi meius komunikasaun sosiál sira, inklui propagasaun hosi informasaun falsu sira, diskursu ódiu nian no esplorasaun online”, Sita Komunikadu ne’ebé asesu hosi ajénsia notísia Bernama.
Tuir komunikadu konjunta, AMRI apoia mós “Deklarasaun Bandar Seri Begawan hodi Reafirma Kompromisu hosi Ministru sira ASEAN nian ne’ebé Responsável ba Informasaun ba Avansu Estratéjiku sira iha Mídia no Informasaun.”
Partisipasaun T-
Brunei Darussalam sai uma-na’in ba Konferénsia ba dala 17 hosi Ministru sira ASEAN nian ne’ebé Responsavel ba Informasaun (17º AMRI), Reuniaun ba dala 22 hosi Ofisiál Superiór sira ASEAN nian ne’ebé Responsavel ba Informasaun (22.º SOMRI), no enkontru sira ne’ebé iha relasaun (8.º AMRI+3, 8.º SOMRI+3, no SOMRI+5) husi fulan-Maiu to’o loron 57 fulan-Maiu 2025.
Iha loron 5 Maiu, Florindo da Costa, Diretór Jerál Sekretaria Estadu Komunikasaun Sosiál (SECOMS), reprezenta seniór ofisiál Timor-Leste nian iha Sesaun Plenária SOMRI, ne’ebé hala’o ho tema “MAJU – Mídia Avansa Entendimentu Konjuntu: Transforma Mídia nia Papél iha Avansu Kooperasaun no Entendimentu Mútua.” Sesaun ne’e prezide Johariah Wahab, Sekretáriu Permanente no Líder SOM hosi Brunei Darussalam.
Sekretáriu Estadu ba Komunikasaun Sosiál, Expedito Dias Ximenes, partisipa AMRI ba dala 17 no enkontru sira ne’ebé relasionadu iha loron 6-7 Maiu 2025 iha Empire Hotel, Bandar Seri Begawan.
Delegasaun Timor-Leste inklui mós Gregorio Jong da Maia, Desk Officer ba Juventude, Desportu, Mídia, no Informasaun iha Diresaun Jerál Asuntu ASEAN, no Domingas Araujo, Xefe Departamentu iha SECOMS. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.