(Reportájen Estajiada Media ONE Timor-Dilvia Moniz)
Dili (www.mediaonetimor.co) – Prezidente Republika, José Ramos Horta fó posse ba Dr. Pascasio de Rosa, nu’udar adjuntu foun ba Prokuradoria Jerál Repúblika (PJR sigla Portugues) ho mandatu ba tinan tolu.
“Há’u simu posse husi Prezidente Repúblika, hanesan sidadaun Timor-Leste. Hanesan majestradu, kargu importante ne’e ondra boot mai há’u hodi assumi durante tinan tolu nia laran.”
Lia fuan hirak ne’e hato’o husi Adjuntu PJR Pascasio de Rosa ba Jornalista sira, hafoin remata hetan posse husi PR Ramos Horta iha Palasiu Prezidensiál, Kuarta, (03/04/2024).
Nu’udar adjuntu PJR, nia esplika liutan, servisu iha Ministeiru Públiku hodi hala’o contencioso de estado no interesse coletivo difuso. Katak, materia kontensiál ba estadu ho interese kolektiva no moos defeza nian.
Adjuntu PJR Pascasio esplika, área espesifiku iha kontensiál ba estadu nu’udar área ne’ebé sai hanesan responsável ba adjuntu PJR. Área espesifiku iha kontensiál sei trata kona-ba interese estadu no mós defeza nian.
Aliende ne’e katak Pascasio, iha interese estadu no mós defeza nian ne’e sei tau matan liu ba iha patrimoniu no propridade estadu ninian. Iha misaun ne’e sei partisipa atividade barak.
“Ita hatene katak iha estadu ida ne’e partisipa iha atividade barak iha kontratuál iha nia propriedade ne’ebé presija defende, ida ne’e hanesan misaun ba iha ministeiru públiku atu asegura defeza ba patrimoniu no interese estadu nian”, Pascasio dehan. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.