Programa Saemaul-Undong, Hasa’e Ekonomia Iha Adeia

(Reportajen Jacinto Caet)

DILI (Media ONE Timor) – Governu Timor-Leste liuhusi Ministeriu Administrasaun Estatal (MAE) servisu hamutuk ho governu Korea do Sul iha Timor-Leste implementa Programa Saemaul-undong nu’udar projeitu pilotu ida hodi hakbiit Povu kbiit laek para hasa’e ekonomia iha area rurais.

“Programa ne’e halai liu ba aldeia para hakbi’it povu kbiit laek iha ne’ebá, sei hasa’e sira nia ekonomia ho referensia di’ak nian ne’ebé la’o ona dezde tinan 2016 iha aldeia haat Munisipiu Lospalos suseisu ho di’ak.”

Asuntu ne’e kasu husi Vise-Ministru Administrasaun Estatal (MAE), Lino de Jesus Torezão ba Jornalista hafoin remata enkontru ho reprezentante Governu Korea do Sul iha salaun MAE, Kolmera Kinta, (23/06/2022).

Vise-Ministru MAE ne’e hatutan, governu tenke implementa programa Saemaul-Undong PMOHA ne’e. Programa movimentasaun Saemaul Undong nu’udar programa hafoun aldeia. Halo komparasaun ho PNDS, PNDS nia hatuur aan liu iha suku. Maibe PMOHA to’o aldeia sira.

Katak Vice Ministru Lino, groupu PMOHA nia atividade hakiak animal, halo pixina hakiak ikan nia diferensia boot ho PNDS nian. Katak, PNDS atu fó sira uza de’it hotu ona. Maibé PMOHA lae. Osan fó tomak ba sira mak zere hasa’e ekonomia sai di’ak liu tan.

Hatete Vice Ministru Lino, osan fó ona sei la fó fila ba programa nain. Osan ne’e ba duni komunidade sira. Iha diferensia boot ho PNDS nian. Tinan lima nia laran ne’e, tinan-tinan sira sempre hetan 20 mill dólar, kerdize iha aldeia ida tinan lima nia laran ne’e nia hetan 100 mill dólar.

Aldeia ne’ebé identifika ona foin mak la’o ne’e mak aban ka bainhira ne’e iha Aileu atu halo inagurasaun ba projetu ne’e, agora selesionadu governu nian ne’e, governu mós estadu iha aldeia neen ne’ebé mak iha Munisípiu neen nia laran mak atu bele halao dadaun, Agora sira seluk husi Saemaul-undong nian ne’e la’o di’ak hela atu ba inagurasaun, hateten nia.

Entertantu prezidente Saemaul-undong Timor-leste, Idelta Rodriguez hatenen, programa ne’e buat foun iha Timor-Leste, maibé espiritu Saemaul-undong hahú iha Munisípiu Lospalos ne’ebé sai hanesan referensia ba governu Timor-Leste ne’ebé iha komitmentu tuir dekretu lei nu.23/2021 nian.

Programa Saemaul-Undong hanesan programa foun ne’ebé mak foin mai husi IIIV governu konstitusionál, kontinuasaun husi Ministeriu administratrasaaun Estatal (MAE), maibé dekretu lei mai husi IIIV governu.

“Ami nia rekursu limitadu tebes, maibé ami iha konfiansa tanba governu iha ona dekretu lei atu bele fo forsa ba aldeia sira ne’ebé selesionadu atu korajen no kreatividade, atu hala’o sira nia misaun nu’udar duta-duta emabixador sumalondong aldeia nian”, tenik nia.

Tinan ida ne’e, governu liuhusi Ministeriu administratrasaaun Estatal aloka osan 125 mill, kada aldeia hetan 20 mill dólar, la sees husi programa Saemul-undong iha Timor-Leste.

Nia dehan, governu Korea do súl daudaun ne’e selesiona aldeia haat, sujere bainhira iha formasaun iha Korea do súl.

Nia afirma, husi matéria ne’ebé mak Korea do súl distribui mai governu Timor-Leste seidauk sufisiente hodi kobre kbiit Laek sira, tanba sira distribui ba aldeia haat de’it.

“Maibé ami husu ba pemohan ne’ebé sai autór ba programa ida ne’e iha aldeia haat ne’ebé identifikadu”, katak nia.

Nia rekomenda, atu impleta programa ne’e tenke halo balansu, husi governu Korea do súl ho pemohan, atu halo programa ne’e la’o ho di’ak.

Tanba aldeia haat importante, sai referensia ka espansaun pemohan ba aldeia sira seluk.

Uluk hahú iha Munisípiu Lospalos ne’e, SMU lori sasán entrega direta ba sira, maibé agora mahon iha MAE mak iha responsabilidade bele kontrola masimu ba utilizasaun material ne’ebé komunidade sira simu.(Asesu You Tube/Facebook Media ONR Timor)