SAMB Kolleta Batar 6.212 Hekateres

(Reportajen Jornalista Baukau Tomas Reis/Editora Suzana Cardoso)

Baucau (Média ONE Timor)‐ Hamutuk batar tonelada 18.778 hosi área kultiva 6.212 hektares, koilleta hosi to’os na’in no Servisu Agrikultura Munísipiu Baucau (SAMB),

Diretór Servisu Agrikultura Munisípiu Baukau, Moises Lobato Pereira ba Media ONE Timor iha nia knaar fatin Munisipiu Baucau informa, tinan 2022 kultivasaun liu hosi prátika agrikultura hamutuk 889 hektares. Enkuantu sistema konvensional hamutuk 4.689 hektares.

“Ita atinji área kultiva ne’e, 6.212 hektares, ho nia totál produsaun 18.778 toneladas. Produtividade kada hektar nia média ita hetan 3.41 toneladas,” esplika Moises.

Nia hateten, tuir área poténsial iha Munísipiu Baucau ba tinan-2022, to’os hamutuk hektares 16.000. Hosi hekatres ne’e, balun lakonsege kuda tanba menus udan been. Inklui, parte tasi ibun moos la konsege kuda batar. Entaum abandona.

Moises halo komparasaun ho tinan 2021 katak, tinan 2022 konsege hasa’e produsaun batar ho média 3.41 hektares. Enkuantu iha tinan 2021 nia média kultivasaun iha 3.23 hektares.

Haktuir Moises, tinan 2021 problema ida mak hetan atake hosi lakataru. Seluk mak bainhira batar atu isin laho estraga tiha balun. No bainhira atu koilleta dezastre inundasaun 04 Abril 2021, halo batar barak maka monu ba rai.

Aproveita intervista ne’e, Moises enkoraja to’os nain sira iha Munísipiu Baucau atu nafatin prepara rai para udan tuun kontinua kuda produtu sira hodi redus importasaun.

Entertantu iha tinan 2021, Ministéru Agrikultura no Peskas (MAP) liuhosi Servisu Agrikultura Munisípiu Baucau, apoiu fini batar variedade rua. Mak hanesan sel no noimutin, hamutuk tonelada 25 ba to’os na’in sira iha Munisípiu Baucau.(Asesu Youtube/Facebook Media ONE Timor)