Dili (www.mediaonetimor.co) – Prezidente Repúblika (PR) Timor-Leste, José Ramos Horta simu karta kredénsia husi Embaixadór sira ne’ebé reprezenta nasaun 12 iha serimónia ofisiál ne’ebé hala’o iha Palásiu Prezidensiál Nicolau Lobato.
Serimónia serimónia ofisiál ne’ebé realiza iha loron, Kuarta, (19/02/2025) ne’e marka inísiu formál ba misaun diplomátika Embaixadór sira nian ba Timor-Leste no subliña relasaun internasionál nasaun nian ne’ebé buras daudaun.
Embaixadór sira tuirmai aprezenta sira-nia kredensiál:
- Sua Exelénsia Armin Limo, Embaixadór Estraordináriu no Plenipotensiáriu husi Bósnia-Herzegóvina, rezidente iha Jakarta, Indonézia;
- Sua Exelénsia Maynor Jacobo Cuyún Salguero, Embaixadór Estraordináriu no Plenipotensiáriu husi Repúblika Guatemala, rezidente iha Jakarta, Indonézia;
- Sua Exelénsia Jessica Maria Lópes Piña, Embaixadóra Estraordináriu no Plenipotensiáriu husi Repúblika Venezuela, rezidente iha Singapura;
- Sua Exelénsia Prof. Dr. Talip Küçükcan, Embaixadór Estraordináriu no Plenipotensiáriu husi Repúblika Turkia, rezidente iha Jakarta, Indonézia;
- Sua Exelénsia Sergei Gennadievich Tolchenov, Embaixadór Estraordináriu no Plenipotensiáriu husi Federasaun Rúsia, rezidente iha Jakarta, Indonézia;
- Sua Exelénsia Marc Gerritsen, Embaixadór Estraordináriu no Plenipotensiáriu husi Reinu Olanda nian, rezidente iha Jakarta, Indonézia;
- Sua Exelénsia Tomas Ferko, Embaixadór Estraordináriu no Plenipotensiáriu husi Repúblika Eslováka, rezidente iha Jakarta, Indonézia;
- Sua Exelénsia Roberto Colamine, Embaixadór Estraordináriu no Plenipotensiáriu husi Repúblika Itália, rezidente iha Jakarta, Indonézia;
- Sua Exelénsia Eliyahu Vered Hazan, Embaixadór Estraordináriu no Plenipotensiáriu husi Estadu Israel, rezidente iha Singapura;
- Sua Exelénsia Tanya Dimitrova Dimitrova, Embaixadóra Estraordináriu no Plenipotensiáriu husi Repúblika Bulgária, rezidente iha Jakarta, Indonézia;
- Sua Exelénsia Herman Pule Diamonds, Embaixadór Estraordináriu no Plenipotensiáriu husi Repúblika Namíbia, rezidente iha Kuala Lumpur, Malázia;
- Sua Exelénsia Dianela Joselina Pi Cedras, Embaixadóra Estraordináriu no Plenipotensiáriu husi Repúblika Orientál Uruguai, rezidente iha Canberra, Austrália.
PR Ramos Horta ne’ebé moos Laureadu Nobel ba Pás ne’e hato’o benvindu ba Embaixadór sira ne’ebé foin akreditadu mai TL. No espresa ninia kompromisiu atu hametin relasaun bilaterál ho sira-nia nasaun ida-idak.
“Serimónia ohin nian reprezenta pasu importante ida iha viajen diplomátika Timor-Leste nian,” hateten Prezidente Ramos-Horta hodi hatutan tan katak, “Ho espansaun ba parseria diplomátika iha kontinente tomak, ami kria oportunidade foun ba kooperasaun.”
Katak PR Ramos Horta, nu’udar demokrasia foin-sa’e ida, TL valoriza relasaun internasionál sira-ne’e ne’ebé ajuda hametin amiestadu TL nia pozisaun iha komunidade globál hodi avansa TL nia kompromisiu komún ba pás no prosperidade.
Dehan PR Ramos Horta, importánsia kooperasaun internasionál hodi responde ba dezafiu globál sira no avansa objetivu komún ba pás, seguransa, no dezenvolvimentu sustentável.
Iha tempu hanesan, Embaixadór sira hato’o saudasaun no dezeju di’ak husi sira-nia Xefe Estadu no afirma sira-nia dedikasaun atu haforte ligasaun diplomátika ho TL.
Serimónia kredensiál ida-ne’e reflete TL nia esforsu sira ne’ebé kontinua atu habelar nia ain-fatin diplomátiku no envolve ho komunidade internasionál iha rejiaun oin-oin. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.