(Reportagem Jaime Salsinha/Editor Suzana Cardoso)
DILI (Media ONE Timor) – Hafoin halo tratamentu iha Hospital Chunggnam National University tanba sofre moras Tuberkulosis ( TBC), traballador Timor oan na’in ida iha Korea, Joao Assuncao Lukas tenke hakotu nia jornada moris hodi nia mate isin maka fila mai Timor-Leste (TL).
Tuir observasaun Media ONE Timor familia matebian João nian, tanis istericamente hodi simu realidade moris Joao Assuncao Lukas idade 27, nia isin maten ne’ebé to’o iha aeroportu Nicolau Lobato Dili, Segunda, (13/06/2022).
Matebian Joao Assuncao Lukas hakotu vida iha Korea do Sol, hafoin dezde loron 1 Fulan Setembru baixa to’o 10 Dezembru 2021 iha Hospital chunggnam National University hodi halo tratamentu ba nia moras TBC nian.
Hafoin fulan haat Matebian João muda fali ba hospital young Geriatric iha loron 15 Dezembru 2021, la iha mudansa. Nune’e iha loron 29 Fulan Maiu tinan 2022 dadersan madrugada 5: 28 oras korea nia matebian hakotu iis.
Haktuir Diretor Nasional Emprego Exterior, Filomino Soares, lori sekretaria Estadu Formasaun Profisional Emprego (SEFOPE) nia naran hato’o sentidu Kondolensia ba Familia no inan aman ne’ebé mak esforsu mak’as hodi dudu MatebianJoão atinji nia mehi ba servisu iha Korea.
“Lori Sekretaria SEFOPE nia naran, hakarak hato’o agradese boot ba embaixador Timor nian iha Korea nia diplomata sira hotu, liu-liu adido traballador ne’ebe mak organiza ita nia alin (Matebian João) ohin loron to’o mai iha ne’e,” hateten Filomino ba Jornalista sira iha Aeroportu Internasional Nicolao dos Reis Lobato, Segunda, (13/06/2022).
Katak Filomino, Sefope mos sente triste. Tanba lakon ema ida ne’ebé mak durante ne’e husik hela Familia hodi ba buka servisu iha ema nia rai hodi fila mai atu Dezenlvolve rai ida ne’e.
“Sente laran triste tebes. Ita lakon ita nia alin, ita nia oan. Ita nia subriñu, durante ne’e soe hela nia familia, nia maun nia alin sira atu ba servisu iha rai Korea hodi fila mai dezenvolve rai doben ida ne’e. Ikus mai planu Maromak, ohin loron ita mai hamutuk iha ne’e hodi simu nia mate isin ba haloot,” tenik Filomino.
Iha parte seluk Familia husi Matebian Lolina Celeste de Deus hateten, hato’o agradese ba parte husi Governu ne’ebe mak servisu makas hodi lori Joao Assuncao Lukas nia maten isin to’o mai TL.
“Hau hanoin familia boot Jaoa Luka Assuncao tenke simu realidade ida ne’e. Hau hanoin sefope meus ida hodi ajuda ita, alkansa ita nia hakarak ba servisu iha rai liur. Obrigadu ba tulun hotu-hotu nian. Matebian sei lori liu ba Munisipiu Ermera,” Lolina dehan.
Nia ne’e mos agradese ba parte hotu ne’ebe mak partisipa hodi hodi hein no simu matebian, no mos ba parte Siguransa liu-liu PNTL ne’ebe mak fo hela seguransa durante minutu balun
Matebian Joao Assuncao Lukas Moris iha Munisipiu Ermera Letefoho iha loron 31 Maiu 1994. Matebian Joao Assuncao Lukas hahú kursus iha lian Korea iha tinan 2018 to’o tinan 2019. Matebian pasa husi Ezame iha computer based test ( CBT) hodi registo ba sistema employment permit system (EPS ) iha loron 1 fulan fevebreru tinan 2022, matebian hetan kontratu husi komapnha iha tinan 2021hodi ba servisu iha area fabrika kontratu ba tinan 3 maibe realidade matebian Joao Assuncao lukas servisu fulan ida deit, matebian hanesan trabalhador ne’ebe diak tebes onesto no kompri regras hodi servisu nafatin iha korea do sul, iha loron domigo 29 fulan maio tinan 2022, simu telefone husi adido trabalho, korea do sul katak matebian Jaoa Assuncao lukas hetan moras Tbc ne’ebe baixa iha hospital, katak nia matebian Joao Assuncao lukas la hamutuk ona ho ita iha mundo ida ne’e , no fila ona ba hamutuk ho aman maromak nia kadunan Santu.(Asesu You Tube/Facebook Media ONE Timor)
Ita nia komentariu konaba post ne'e.