(Reportájen Asistente Editor Jacinto Caet/ Edita hosi Asistente Editor Marcelino Tomae)
DILI (Media ONE Timor) – Atu hetan konfiansa iha ema nia rai, hanesan Nasaun Austrália tenke hatudu maturidade nu’udar sidadaun Timoroan. Servisu tenke dixiplina hodi hetan susesu iha futuru.
“Ita bele dehan katak ema ne’ebé mak susesu iha mundu tenke dixiplina no servisu mak’as. Sekuandu laiha dexiplina no la servisu mak’as mak susesu se laiha”, hatete Diretor ezekutivu Fundu Dezenvolvimentu Kapital Humanu (FDCH) Cristovão Dos Reis”, ba Jornalista iha salaun Suai Room Timor Plaza, Kinta, (20/07/2022).
Hatete Cristovão, ema hotu-hotu atu susesu tenke esforsu mak’as. Tanba ne’e traballador Timoroan ne’ebé mak servisu iha Australia presiza hakraik aan no dixiplina hodi hetan susesu iha loron ikus.
“Alin mane no feto sira ne’ebé hamutuk na’in 79, bainhira arranka ba servisu iha Australia”, dehan Cristavão hodi hatutan servisu tenke dixiplina. Respeita tempu. Halo jestaun nu’udar meius para atinji moris diak liutan.
Katak Cristovão. atu muda aan rasik no familia nia moris diak liutan. Maske muda familia sira nia moris ne’e difisil tebes, tanba ne’e familia sira tau ona esperansa ba imi tenke servisu ho di’ak atu nune’e bele atinje mehi ne’e maka tau ona iha planu preoridade ida-idak ninian.
Iha sikun seluk Embaixadora Timor-Leste (TL ba Australia, Ines Almeida hatete, traballador Timoroan tenke respeitu lei Australia ninia. Tanba sira mai Timor-Leste mós respeita lei konstituisional RDTL ninian.
“Ita nia traballador sira tenke servisu mak’as no dixiplina, Maibé tenke respeita lei iha .ustralia nian, bainhira iha problema tenke fo konesimentu ba sira liuliu Emabaixador Timor-Leste (TL) ba Australia nian”, katak Ines Maria Almeida.
Tuir observasaun jornalista Media ONE Timor iha terrenu katak partisipasaun iha seremonia despedida ne’e husi Embaixadora Australia iha TL, Diretór DNEE, Diretór Jeral SEFOPE, Deiretór Ezekutivo FDCH, no família husi traballador sira. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.