(Reportajen Estajiada Media ONE Timor-Iria da Cunha)
Dili (www.mediaonetimor.co) – Tempu bailoron iha rejiaun Timor-Leste (TL) akontese dezastre naturais ne’ebé fó impaktu ba komunidade nain 100-resin senti afeitadu. Tanba, sira nia uma hamutuk 19 maka hetan estragus.
“Maske tama ona ba tempu bailoron, maibé iha Timor-Leste (TL) parte Kosta Sul nian maka hanesan iha Munisipiu; Kovalima, Vikeke, Lautein, Manufahi, Ainaru no Manatutu, sempre akontese kalohan taka hodi hamosu udan iha tempu bai loron ne’e.”
Esplikasaun ne’e esplika husi Porta Voz Autoridade Protesaun Sivil (APC-sigla Portugues), João de Sousa ba Jornalista sira iha konferensia Imprensa semanál nian ba semana ikus iha fulan Juñu 2024, iha salaun APC Dili.
Nia esplika liutan, komando operasionál APC munisipál nian kontinua servisu hamutuk ho previzaun tempu husi Diresaun Nasionál Meteorolojia no Geofizika (DNMG-sigla Portugues) no analiza monitorizasaun husi Diresaun CNOPC.
Servisu hamutuk entre diresaun tolu ne’e katak João, hodi fornese informasaun nune’e bele halo levantamentu detaillu kona-ba sasán ne’ebé hetan estragu no lakon tanba impaktu husi dezastre naturais.
Katak João, iha semana ikus fulan Juñu nia laran akontese kalohan taka hodi hamosu udan iha parte Sul Timor-Leste nian ne’e konsege akontese dezastre ho tipu hamutuk 23. No numeru uma ne’ebé hetan estraga hamutuk 19 ho ninia numeru ema afetadu hamutuk na’in 100.
“Kondisaun anin hu’u ho velosidade normál iha rejiaun foho. Anin hu’u ho velosidade moderadu forte iha rejiaun kosteiras. Liu-liu iha Munisipiu Manatutu, Lautem, Viqueque, Dili, Kovalima, Likisa, Atauro no RAEOA (Regiao Administrativa Especial Oe-Cusse Ambenu)”, João dehan.
João hatutan, kondisaun laloran Kosta Norte nia aas varia husi 0.5 to’o 1.0 metru tama kategoria normál. Kosta Sul nia a’as varia husi 1.2 to’o 1.9 metru kategoria moderadu iha risku ai tohar no ai riin eletrisidade monu hodi estraga uma ne’ebé ladun estruturadu.
Haklean João, dezastre anin bo’ot sobu uma, sasan no hamosu vitima ba konflitu sosiál akontese iha Atauru rua, Baucau haat, Ermera ida no RAEOA ida. Dezastre rai halai akontese iha Munisipiu; Viqueque ida, Kovalima tolu,Viqueque ida. Akontese moos ahi han uma iha Ainaro ida, Baukau ida, Kovalima ida, Ermera ida no RAEOA ida. Nune’e totál ahi han hamutuk 23.
Maibé deskrisaun ba akontesimentu iha rurál ne’ebé ekipa husi Turnu I rejistu iha loron 20 Juñu 2024, akontese anin boot iha Aldeia Beraun, Suku Makadadi, Postu Atauru, Munisipiu Atauru.
Munisipiu Ainaru, Postu Maubisse, Suku Edi, Aldeia Talale akontese ahi han komunidade nia uma ida iha parte dapur nian no ekipa turnu II rejistu iha loron 23 Juñu 2024.
Munisipiu Baukau, Postu Baukau, Vila Suku Samalari, Aldeia Surulai akontese anin sobu komunidade nia uma ida. Iha Suku Samalari, Aldeia Surulai, akontese anin sobu komunidade nia uma ida. Suku Samalari, Aldeia Festau akontese anin sobu komunidade nia uma ida.
Iha Postu Kelikai, Suku Makalaku, Aldeia Posi-Lau akontese anin sobu komunidade nia uma ida. Suku Lete-Mumo, Aldeia Lau-Mana akontese ahi han komunidade nia uma ida. Dadus hirak ne’e, ekipa husi turnu I rejistu maka rejistu iha loron 19 Juñu 2024.
Munisipiu Kovalima, Postu Tilomar, Suku Beisene, Aldeia Foholulik akontese rai halai hodi estraga komunidade nia uma tolu. Postu Suai Villa, Suku Debos, Aldeia Tabakuklot moos akontese ahi han komunidade nia uma ida. Dadus husi suku hirak ne’e ekipa turnu I maka rejistu iha loron 19 Juñu 2024.
Iha Munisipiu Ermera, Postu Letefoho, Suku Dukurai, Aldeia Laklo akontese ahi han komunidade nia uma ida. No Postu Ermera, Suku Lekimeia, Aldeia Lekimea, akontese anin sobu komunidade nia uma ida. Dadus husi suku ida ne’e ekipa turnu I rejistu iha loron 19 Juñu 2024.
Iha Sub rejiaun Pantai Makasar, Suku Costa, Aldeia Oesono, akontese ahi han komunidade nia uma ida. Suku Taiboko, Aldeia Makelab akontese anin sobu komunidade nia uma ida.
Munisipiu Viqueque, Postu Viqueque Vila, Suku Luka, Aldeia Iramer akontese anin sobu komunidade nia uma ida. No Suku BahalaraWain, Aldeia Kaninuk akontese Anin sobu komunidade nia uma ida.
Suku Uma-uai-Kraik, Aldeia Uhakae, akontese anin sobu komunidade nia uma ida. Suku Uatu Lari, Aldeia Afaloikai, akontese rai sobu estraga komunidade nia uma ida. Suku Uma Lain-leten, Aldeia Liatura, akontese anin sobu komunidade nia uma ida. Husi suku hirak ne’ebé akontese iha Munisipiu Vilkeke ne’e ekipa turnu III rejistu.
Iha Suku Maluru, Aldeia Laho-oan, akontese anin sobu komunidade nia uma dapur ida. Dadus husi Suku Caraubalo, Aldeia Mane haat, akontese anin sobu komunidade nia uma dapur ida. Dadus hirak ne’e aprezenta husi ekipa turnu III no rejistu iha loron loron 21 Juñu 2024 .
Haktuir João, durante intervensaun ba levantementu dadus iha munisipiu balun sei iha limitasaun hodi difikulta prosesu sira maka hanesan transporte. Nune’e, iha futuru presiza aumentan transporte. Tanba, transporte sei fasilita hodi mobiliza ekipa konjunta ba halo levantamentu dadus. No uza hodi tula sasan ba familia afetadus sira iha suku no aldeia.
Maibé fatin hirak ne’ebé hetan ona apoiu emerjensia hafoin halo asesmentu no moos verifikasaun João dehan, Ainaru, Atauru, Baucau, Kovalima, Ermera, Viqueque no RAEOA.
“Iha oportunidade ne’e husu ba komunidade, karik akontese anin bo’ot ruma atu bele hases an husi fatin risku. Hanesan; mota ninin, foho lolon, ai-hun boot no liña eletrisidade. Rai dokumentu importante sira iha fatin ne’ebé seguru”, sujere João hodi hatutan.
Kazu emerjensia ruma, husu komunidade atu halo tuir orientasaun autoridade lokál. No moos pessoál protesaun sivil hirak ne’ebé besik. Karik presiza halo evakuasaun, mantein kalma nafatin. Buka fatin ne’ebé seguru. Evita paniku.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.