(Reportajen Editor Marcelino Tomae)
Dili (www.mediaonetimor.co) – Hafoin V lejislatura termina mandatu, VI Lejislatura ba iha Parlamentu Nasionál (PN) bankada Governu hanesan partidu kongresu Nasionál Rekonstrusaun Timorense (CNRT sigla Portugés), Partidu Demokrátiku (PD) tuur iha parte liman karuk, bankada opozisaun Partidu Frente Revolusionariu Timor-Leste Independente (FRETILIN), Partidu libertasaun Populár (PLP), Kmanek Haburas Unidade Nasionál Timoroan (KHUNTO),tuur iha liman loos.
Tuir Adjuntu Parlamentu Nasionál (PN) João Rui Amaral ba Jornalista iha sala plenaria Parlamentu Nasionál (PN) Kuarta Derita ne’e (21/06/2023), hodi hatete katak bankada Governu CNRT sira nia fatin iha liman karuk, bankada opozisaun FRETILIN, PLP, KHUNTO tuur iha liman loos.
“Husi liman loos ne’e bankada opozisaun hanesan FRETILIN PLP, KHUNTO, iha parte karuk bankada Governu, CNRT. Ohin ita la halo treinamenntu (Gladi) tanba Deputadu foun sira hatene ona sira nia fatin hein de’it atu mai tuur”, imfroma Adjuntu João Rui hodi.
Preparasaun ba VI lejislatura ne’e komisaun orgaizadora halo antes tiha ona. Ohin maka preparasaun ba final ninian atu haree kondisaun ne’ebé maka bele fasilita Primeiru reniaun iha kinta (22/062023) nian.
“Ohin ne’e ami koloka daudaun sira nia naran tuir lista ne’ebé maka iha, hanesan ita hotu haree agora balu mai haree sira nia fatin”, informa João Rui.
Nune’e Adjuntu João Rui haktuir tan, ba depudu sira ne’ebé maka la re -eleitu mós hetan hotu komvite tanba sira pretense ba V lejislatura ninian meza konsidera nafatin hodi Maria prezensa iha reuniaun dahuluk VI Lejislatura ba periodu 2023-2028.
Adjuntu ne’e imforma, komvite ne’e mós ba, Prezidente Partidu kongresu Nasionál Rekonstrusaun Timorense (CNRT) Kay Rala Xanana Gusmão, no sekretáriu jerál Partidu Frente Revolusionariu Timor-Leste Independente (FRETILIN) Maria Bin Amude Alkatiri.
“Ami iha komvokatoriu ne’ebé maka prezidente hasai ne’e sira ne’ebé Justisa notifika ne’e tama hotu iha lista”, dehan João Rui.
Serimonia ne’e sei hahú tuku 10 oras Timor-Leste, ba atividade reniaun dahuluk VI Lejislatura.
Informasaun seluk ne’ebé www.mediaonetimor.co asesu Partidu koligasaun CNRT ho PD aprezenta tiha ona kandidatu Prezidente Parlamentu Nasional (PPN), Deputada Fernanda Lay ba meza VI Lejislatura.
Informasaun ne’ebé iha katak, koligasaun konkorda pakote uniku ho kandidatu Fernanda Lay mak ba PPN VI Lejislatura.
Enkuantu, tuir regras bankada koligasaun tenki aprezenta antes kandidatu ba meza, nune’e to’o 24 oras, depois halao reuniaun dahuluk ka pose ba VI Lejislatura, no hala’o kedas eleisaun ba PPN. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.