(Reportajen Editor Marcelino Tomae)
Dili (www.mediaonetimlr.co) – Hatutan servisu ba periodu diskusaun plenária to’o mandatu tinan-lima, hahú tinan 2023 to’o tinan 2028, VI Lejislatura kompleta ona meza Parlamentu Nasionál (PN), lidera maioria husi Bankada Kongresu Nasionál Rekonstrusaun Timorense (CRNT) no Bankada Partidu Demokrátiku (PD).
“Obrigadu bá senhores deputadus, ne’ebé ohin eskritiñu ita-nia votasaun, no mós téknikus sira, no ha’u hetan ona rezultadu votasaun nian. Ita 43 votus a-favór, abstensaun 20, votus nulus 1. Na’in 64 ezersér sira-nia votasaun, ida la vota, maibé, buletim votu nian, foti iha ne’e. Ho razaun ida ne’e, katak, ita-nia votasaun remata, no meza eleita ona.”
Deklarasaun ne’e hato’o Prezidente Parlamentu Nasionál (PPN), Maria Fernanda Lay fó sai rezultadu votasaun iha plenária uma fukun Parlamentu Nasionál (PN), segunda (26/06/2023).
Media ONE Timor Live Streaming: IV REUNIAN PLENARIA SEGUNDA, (26/06.2023) PARLAMENTU NASIONAL
Baze ba artigu 19, eleisaun ba vise sira prezidente PN nian, sekretáriu, vise sekretáriu bá rejimentu parlamentu nasionál nian, hodi líder meza Parlamentu Nasionál ba Periodu tinan lima nia laran.
Iha sesaun daruak, plenária PN VI Lejislatura ne’e, meza hahú kedan ona anúnsia lista sira kandidatura nian bá kompozisaun meza PN mak hanesan, Vise PPN Primeiru deputada Maria Terezinha da Silva Viegas, Vise segundu , deputadu Alexandrino Afonso Nunes, Sekretária Meza Virgínia Ana Belo, Vise Primeiru Maria Tereza da Silva Gusmão, no Vise segundu , Bendita Moniz Magno.
Hafoin anunsia tiha kandidatura sira ne’e, husi meza orienta kedan ona bá prosesu votasaun, hodi hili kompozisaun meza PN nian. Nune’e, rezultadu votasaun bá kandidatura sira ne’e, ho votu a-favór 43, 20 abstensaun, nulu 1, 1 la vota, hosi bankada FRETILIN, Deputadu António Klau.
Ho rezultadu ne’e, PPN Frenanda Lay, konvida kedan deputada sira ne’ebé eleita ona, atu sa’e kedan ona bá tuur iha sira-ninia fatin, hodi kompleta meza PN nian, hodi bele fahe servisu, tanba servisu barak mak sira tenke halo.
Iha biban ne’e, PPN Maria Fernanda Lay, husu bá deputadu sira iha bankada parlamentár nian, ne’ebé tenke aviza tuir artigu 11, númeru 2, katak, aprezenta pur-eskrítu, hodi indika sira-ninia, deputadu sira ne’ebé sei kompoen bankada, bá prezidente ida, vise prezidente rua.
“Ne’ebé, husu para ita-boot sira atu hato’o, antes do fim do dia. Tanba ita iha possível atu konvoka konferénsia dos lideres bankadas, para hodi haree atividades lubuk ida ne’ebé ita sei hala’o tuir mai. Ne’e mak dala-ida tán konvokatória ida ne’e ha’u hato’o iha plenária, para ita hodi bá kompleta, no sé bele antes, loron ohin remata, ami bele simu bankada parlamentár sira nia lista bá deputadu sira ne’ebé mak atu kompoen bá meza sira bankada nian, tanba ne’e urjente,” PPN Fenanda Lay hateten. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.