MEDIAONETIMOR- Seidauk iha alterasaun sobre rezime kabial maka Timor-Leste (TL) sei kontinua ho rezime dollar Amerika hanesan moeda ofisial. Maibé hakarak iha osan tahan rasik, kuandu iha ona moeda rasik.
“Lei organiku Banku Central Timor-Leste (BCTL) ni-nian la permite kuandu seidauk iha alterasaun sobre rezime kabial maka ita kontinua ho rezime dollar Amerika hanesan moeda ofisial. TL iha osan tahan bainhira iha moeda rasik.”
Haktuir Governador BCTL, Abrão de Vasconselhos ba jornalista sira hafoin remata sorumutu hó Prezidente Repúblika (PR), Francisco Guterres Lú-Olo iha Palasiu Presidensial, Tersa, (05/09/2017).
Governador BCTL ne’e esplika liutan, sorumutu ne’e hodi konvida PR Lú Olo atu prezide serimonia ofisial lansamentu sentavus 200 ne’ebé maka sei hala’o iha Loron 13 Setembru 2017. No PR Lú Olo disponibel atu partisipa.
Katak Abrão, sentavus 200 ninia ekivalente ho U$2.00 nu’udar moeda sentavus ho dinaminasaun bo’ot no ikus liu maka atu introdus iha familia morda sentavus TL ninian. No ninia ekivalente hanesan ho sentavus 100 no 50. Laiha diferente.
Konaba produsaun moeda ne’e katak Abrão, hosi kompañia espesializada Royal Australia Man maka manán tender ba produsaun sentavus 200 ho nia durasaun kontratu tinan 3 deit.
Aliende ne’e katak Abrão, iha sorumutu ho PR Lú Olo mos hakarak atu hatene situasaun Fundu Petroleu konaba oinsa implementa sistema garantia kreditu ne’ebé maka PR promulga tiha ona iha Fulan Jullu 2017.(Reportájem Deonisio da Cruz)
Ita nia komentariu konaba post ne'e.