Husu Aprova Rezimi Juridiku Ba Traballador Domestiku

(Reportajen Livia-Sidalia/Editora Suzana Cardoso)

DILI (Media ONE Timor) – Atu promove igualdade jeneru ba traballu domestika iha Timor-Leste (TL) maka husu ba Governu para aprova rezimi juridiku ba traballador domestiku.

“Promove servisu domestiku, sai fontes empregu ne’ebé fasil ba maluk feto sira ne’ebé limitadu ba asesu edukasaun tuir kontekstu sosiais ekonomiku”.

Lia fuan ne’e kasu hosi Diretor FONGTIL Valentin da Costa Pinto ba Jornalista hafoin remata seminar komemorasaun loron mundiál domestika iha tinan 2022 semana ne’e.

Lee Notisia Relevante: Traballador Domestika 56% Imigrante Menus Edukasaun

Nia hateten, formasaun feto iha TL ne’ebé sai hanesan mahon ba traballador domestiku hamutuk 282 ona iha teritoriu nasional. La’os iha Dili de’it. Maibé to’o iha munisipiu.

“Dadaun ne’e iha Kapital Dili ami kontinua registu traballador domestik ne’ebé maioria hala’o servisu ba uma kain ka familia sira. No salariu anuál ne’ebé ami hetan minimu 115 USD. Kompara ho volume servisu”, deklara Valentin.

Lee Notísia Relevante: Ekonomia TL Hakdasak, Afeita Traballador Manan Menus

Katak Valentin, servisu domestiku konsidera hanesan subordinariu ba traballdor sira. Nune’e husu ba Governu atu aselera lalais baze legal rezimi juridiku nian.

Nia dehan, rezimi juridiku ne’e nu’udar baze legal hodi proteje  no bele hetan opozisaun di’ak. Aliende ne’e, bele hetan rekoñesementu hosi públiku konaba tempu livre ba uma ka’in sira.

Nia hatutan, kada Fulan traballador domestiku sira simu salariu 115 USD. Salariu ne’ebé minimu tebes. Tanba la priense kriteria konsiderasaun profisional. Nune’e halo lei ruma tenki prosesa hodi asegura sira nia direitu hodi hetan protesaun di’ak.(Asesu Youtube/Facebook Media ONE Timor)