Mate Hanesan Misteriu, Ema Ida-idak Labele Hatene

(Reportajen Asistente Editor Marcelino Tomae)

DILI (Media ONE Timor) – Dala barak ema hotu-hotu hanoin katak mate ne’e   so ferik no katuas ho idade abansadu ona ka moras todan.  Maibé Mate ne’e hanesan misteriu  ida ne’ebé   hotu-hotu  la  bele  hatene. Tanba, dala ruma mosu derepente.

“Halibur hamutuk  hodi  selebra maluk matebian sira ne’ebé maka Maromak bolu ona. Maibé, dala barak  ita hanoin katak ha’u  sei forte. Ha’u sei nurak. Mate ne’e ba ferik katuas sira. mate ba de’it sira bee moras todan. Maibé, haree ba moris loron-loron nian, mate hanesan misteriu ida ne’ebé ita la komprende.”

Hateten Padre (Pe.) Agustinho Pareira bainhira prezidi misa selebrasaun loron matebian nian iha igreja Nosa señóra da Grasa  Tasi Tolu, Kuarta (02/11/2022). Nia hateten,  ema hotu-hotu lakohi atu mate

Maibé katak Pe. Agostinho, balun derepente de’it mate ona. Nune’e,  rahun di’ak ba sira ne’ebé maka prepara an atu mate.  Prepara ne’e hanesan bainhira  mate. Maibé moris nafatin iha Maromak nia grasa. No la’o tuir Maromak nia ukun fuan.

“Ita prepara an atu mate tanba hanesan iha primeira liturjia no segundu liturjia ho evanjelut hanorin mai ita katak ita fiar moris ne’ebé mai hamutuk ho Maromak, ida-ne’e maka ita prepara nafatin atu mate”, dehan   Padre Agusitinho Hodi hatutan

Prepara an atu mate ne’e hanesan dezafiu  ne’ebé maka ida-ida  hasoru tensaun oioin ne’ebé maka hasoru iha moris ba mundu ne’e, tanba dala ruma ladún fokus ba buat ne’e sesnsial Katak  moris ne’ebé maka  iha tenke la’o tuir Maromak nia hakarak.

“Tanba ne’e maka atensaun nafatin, katak ita nia  moris ne’e dala ida ita sei buka no hakas ann nafatin ba  hodi tau buat  ne’ebé maka espesial folin iha Ita nia moris hodi halo tuir Maromak nia hakarak, hodi moris tuir ukun fuan domin”, dehan Padre ne’e  hodi   haktuir.

Domin ne’ebé nafatin hasai orsamemtu sakramemtu sira,liu husi hadomi maluk respeitu maluk   no badinas halo  orasaun ba Maromak hodi hatudu moris ne’ebé todan.

“Ita reza ne’e la’ós ita la’o mesak maibé Maromak la’o hamutuk ho ita hodi fó grasa mai ita nafatin, maibé importante mai ita  maka tenke hakas an hodi hodi kopera ho Maromak. Ne’e maka  ita prontu la’o Tuir ukun fuan domin”,  katak Padre Agusitinho.

Momentu ida ne’e hanesan ne’e Padre Agusitinho   dehan,   tempu ida ne’ebé  maka folin tebetebes,  hotu-hotu hamutuk hodi hanoin kona-ba   ema ida-idak nia mate.  Ba  Iha Timor loron ida ohin  loron espesial tanba ema husik  bua hotu-hotu Iha mundu ne’e, nune’e  halibur hamutuk atu hanoin fali  maun aliin sira ne’ebé maka Maromak bolu ona. Hanoin sira ema seluk ita mós ema seluk sei hanoin ita. (Asesu Youtube/Facebook https://www.facebook.com/Media1Timor Media ONE Timor)