(Reportajen Marcelino Tomae/Editora Suzana Cardoso)
DILI (Media ONE Timor) — Hafoin eleitu ba Prezidente Repúblika Timor-Leste, José Manuel Ramos Horta hetan konvite hosi Prezidente Indonezia, Joko Widodo hodi ba halo vizita iha Indonezia.
Maibé haktuir Prezidente Parlamentu Nasionál (PPN), Aniceto Longuinhos Guterres Lopes, nia la garante vizita PR Horta ne’e hetan autorizasaun hosi Deputadu sira iha uma fukun Parlamentu Nasionál (PN).
“Ha’u labele garante karta pedidu husi Prezidente Repúblika Ramos Horta. Tanba prezidente parlamentu nasionál atu asegura konstituisionál. Maibé kada deputadu ida-idak iha Parlamentu Nasionál mak sei foti desizaun”, PPN Aniceta haktuir.
Nia esplika liutan, PR Horta hetan konvite husi Prezidente Repúblika Indonesia atu ba vizita Indonezía. Maibé prosesu viajen ne’e (PN) mak sei foti desizaun liu husi plenaria hodi hetan autiorizasaun.
Katak PPN Aniceto, karta pedidu hosi PR Horta atu viajen ba indonezia tama ona iha meza PN. Maibé, sei prosesu liu husi sesaun plenaria. Nune’e, PPN Aniceto labele garante karta pedidu ne’e. Tanba deputadu idaidak maka sei foti desizaun.
Tuir karta pedidu PR Horta nian mai ne’ebé PPN Aniceto simu, viajen ba Indonezia ne’e tuir planu sei realiza iha loron 18 to’o loron 24 Fulan Jullu 2022, tanba hetan konvite hosi Prezidente Indonezia Joko Widodo.
“Prosesu normal husi parlamentu nasionál nian mak koñesementu ne’e tenke liu husi plenaria. La’os liu hosi prezidente parlamentu nasionál. Maibé, ha’u iha obrigasaun tomak atu submete pedidu ne’e ba plenaria”, PPN Aniceto dehan hodi responde Jornalista.
Se liu husi plenaria la aprova PPN Aniceto hatutan, bele ho rajaun tanba tempu to’o ona ba resesu. Maka, komisaun permanente mak sei fó autorizasaun ba PR Horta. Tanba komisaun permanente funsiona hodi fó autorizasaun pedidu PR nian ne’e.
PPN Aniceito hateten, orariu ba iha loron Segunda, (05/07/2022) no Tersa, (06/07/2022) iha ona. Maibé, PR Horta nia pepidu ne’e kategoria urjente maka PN sei konvoka plenaria extra ordinariu ba pedidu PR Horta ninian ne’e hodi hetan autorizasaun.
Tanba haktuir PPN Aniceoto, loron 14 Fulan Jullu 2022, periodu funsiona normál ne’e tenke hotu. Hodi loron 15 Fulan Jullu 2022 komesa tama ona iha resesu ba PN.
Responde razaun vizita PR Horta ba Indonezia katak PPN Aniceto, karta pedidu Prezidente Indonezia Joko Widodo nian mai PR Horta husu ba vizita Indonezia tanba foin eleitu ba Prezidente Repúblika Demokratika Timor-Leste.
“Hanesan prezidente foun tenke atende konvite ne’e . Nune’e mós hanesan Xefe estadu tenke vizita nasaun viziñu sira. Maibé, ita hein parlamentu nasionál atu autoriza ka lae”, PPN Aniceto dehan ho lia fuan duvida.
Hanesan públika ona katak iha tempu PR Francisco Guterres Lu Olo nia ukun, maioria deputadu sira la aprova ninia viajen ba kualker nasaun to’o ninia mandatu remata iha loron 20 Maiu 2022.(Asesu Youtub/Facebook https://web.facebook.com/Media1Timor Media ONE Timor)
Ita nia komentariu konaba post ne'e.