(Reportajem Estajiada Media ONE Timor Marquita/Teotonia)
Dili (www.mediaonetimor.co) – Asegura inkluzaun feto no labarik feto sira kona-ba direitu humanu baziku ne’ebé esensiál ba krezimentu ekonómiku sustentavel no dezenvolvimentu nasionál, maka Sekretáriadu Estadu Igualdade (SEI) kontinua servisu hamutuk ho UN Woman hodi defende feto ba iha poder no inkluzaun.
Tuir Sekretaria SEI Elvina Souza Carvalho no Xefe Gabinete UN Women iha Timor-Leste, Nishtha Satyam ba Jornalista hafoin remata sorumutu parseria nasionál no internasionál iha Timor Plaza, Kinta, (10/08/2023) hateten, sira sei servisu hamutuk hodi hametin liutan partisipasaun feto iha poder no inkluzaun.
“Timor-Leste iha ona progresu atu atinji igualdade jeneru. Nune’e Governu Konstitusionál ba dala IX konsidera, igualdade jéneru ho impoderamentu ba feto no labarik feto sira sai nu’udar dezenvolvimentu sosiedade inkluzaun”, Sekretaria SEI Elvina Souza Carvalho hatete.
Nia esplika, hapara dokumentasaun hirak ne’ebé hasoru feto no labarik feto sira, hodi asegura inkluzaun feto no labarik feto sira kona-ba direitu humanu baziku. Ne’e esensiál ba kresimentu ekonómiku sustentavel no dezenvolvimentu nasionál.
Katak SEI Alvina, atu hametin liu tan servisu hamutuk ho parseria sira husi nasionál no internasionál ba area dezenvolvimentu nian iha Timor Leste (TL), maka Sekretáriadu Estadu Igualdade (SEI) kontinua defende nafatin feto ba iha poder no inkluzaun.
Katak SEI Elvina, tanba makina nasionál feto nian kontinua buka atu servisu hamutuk ho ministeriu iha setór hotu-hotu. Maka parseiru dezenvolvimentu no sosiedade sivil sira atu integra aprosimasaun prinsipál ida kona-ba jéneru iha polítiku, lei, programa no orsamentu governu nian.
“Nune’e maka tenki asegura feto sira nia direitu hodi bele hetan apoiu komplementu”, katak SEI Elvina hodi hatutan, durante tinan lima iha IX Governu Konstituisionál nian hotu-hotu tenke esforsu hodi alkansa igualdade jéneru no moos inklui implementasaun kona-ba rekomendasaun konklusaun komisaun CEDAW nian.
“Tanba ne’e diskusaun ohin nian ajuda ita hotu atu hare oinsá maka bele hametin parseriu sira no kordenasaun no moos servisu hamutuk hodi alkansa ita nia objetivu komum sira iha parte dezenvolvimentu nian”, husu SEI Elvina.
Lia fuan hanesan hato’o hosi Xefe Gabinete UN Women iha Timor-Leste, Nishtha Satyam. Nia hateten, iha loron 19 fulan Jullu tinan ne’e Parlamentu Nasionál aprova ona programa IX Governu Konstitusionál.
“Iha tinan lima oin mai iha inisiu ha’u hakarak hato’o fali komprimisiu ba governu nian atu hadia igualdade jéneru, protesaun no promosaun direitu humanu feto nian. Tanba ne’e ami fó importánsia boot ba koperasaun parseriu hotu-hotu”, katak Nishtha
Tanba ne’e hatutan Nishtha, TL kontinua iha komprimisiu atu asegura katak feto, labarik feto no ema ho defisiensia no moos grupu vulneravel sira seluk envolve ativamente iha dezenvolvimentu polítika, lei no programa sira atu nune’e bele asegura polítiku feto nian. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.