(Reportajem Jornalista Teotonia Neto)
Dili (www.mediaonetimor.co) – Orgaun konsultativu Xefe Estadu nian ba asuntu defeza seguransa no soberania polítiku, tantu iha nível nasionál no internasionál hetan posse hosi Prezidente Repúblika (PR), José Ramos Horta.
Tuir Porta vos Konsellu Estadu (KE) no Konsellu Superior Defeza no Seguransa (KSDS), João Aparicio ba Jornalista, hafoin remata toma pose membru KE no KSDS foun iha Palasiu PR Ai-tarak laran, Segunda, (11/09/2023) hateten, orgaun rua ne’e maka nu’udar orgaun konsultativu PR José Ramos Horta nian.
“Konsellu Estadu hanesan orgaun konsultativu iha asuntu polítiku nian. Membru sira nia knaar esensiál maka iha responsabilidade atu sai konselleiru asuntu politika nian ba Prezidente Repúblika Ramos Horta durante ninia mandatu,” katak João.
Orgaun konsultativu ba asuntu KSDS katak João, maka sira ne’ebé iha responsabilidade tomak ba knaar iha asuntu defeza no seguransa. Sira sei sai konselleiru ba PR Ramos Horta durante tinan lima iha mandatu PR ne’e nian.
Lee Notísia Seluk: PM Xanana Nomeia Claudia Ba Vice Ministra Financa Troka Helder Lopes
Hatete João, hamutuk membru KE na’in 14 maka simu pose husi PR Ramos Horta. Maibé membru KSDS hamutuk na’in 13 de’it. Sira nia mandatu nu’udar konsultativu KE no KSDS sei dura durante tinan lima.
Membru KE maka hanesan:
Membru ne’ebé otomatikamente sai membru KE:
- Prezidente Parlamentu Nasionál Maria Fernanda Lay
- Primeiru-Ministru, Kay Rala Xanana Gusmao
- Eis Primeiru Ministru, Major Jenerál Taur Matan Ruak
- Eis Prezidente Repúblika, Dr. Francisco Guterres Lu Olo
No na’in lima seluk nomeia husi PR José Ramos Horta maka hanesan:
- Maria Domingas Fernandes Alves alias Mikato
- Tenente Jeneral Tito da Costa Cristovão alias Lere Anan Timor
- Madre Guilhermina
- Marçal
- Milena Pires
Membru na’in lima seluk nomeadu husi Parlamentu Nasional maka hanesan tuir mai ne’e:
- Virgilio Smith alias Cranek
- Jacinto Viegas Vicente alias Roke
- Numinando S. Martins alias Buras
- Ricardo da Costa Ribeiro
- Josefa Alves Pereira Soares
Entertantu membru foun ba KSDS maka hanesan tuir mai ne’e:
- Primeiru-Ministru, Kay Rala Xanana Gusmao
- Ministru Negosius Estranjeirus no Kooperasaun, Bendito dos Santos Freitas
- Ministru Defeza, Contra-Almirante Donaciano do Rosario Gomes alias Pedro Klamar Fuik
- Ministru Interior, Francisco da Costa Guterres
- Ministru Justisa Amandio de Sa Benevides
Reprezentante hosi Parlamentu Nasionál maka hanesan tuir mai ne’e:
- Deputada Maria Terezinha da Silva Viegas
- Deputadu David Mandati Dias Ximenes
- Deputadu Duarte Nunes
- Chefe Estado Maior General das F-FDTL, Tenente-General Falur Rate Laek
- Komandante Jerál Polisia Nasionál Timor-Leste (PNTL), Komisariu Jerál Henrique da Costa
- Diretor Jeral Servisu Nasionál Intelijensia, Longuinhos Monteiro
- Julio Tomas Pinto
- Nuno Manuel Corvelo de Andrade Sarmento (Nomeadu husi Prezidente Repúblika, José Ramos Horta).
Hafoin fó pose ba membru KE no KSDS foun, PR Ramos Horta kontinua kedas ho elidera enkontru reuniaun ba dahuluk hamutuk ho membru konsellu rua ne’e hodi ko’alia kona-ba fungsaun membru sira nian bazeia ba lei no rejimentu.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.