TL Sai Observador Iha Enkontru Entre Ministru Defeza ASEAN

(Reportajen Jornalista Teotonia/Mariquita)

 Dili (www.mediaonetimor.co) – Kontribuisaun Timor-Leste (TL) sai membru ASEAN (Association of Southeast Asian Nations ka ssociação das Nações do Sudeste Asiático) iha dinamika politika area seguransa nian atu la’o ho di’ak, presiza iha kuñesementu klean.

“Pela primeira ves maka ministru defeza Timor-Leste, hola parte iha enkontru entre ministru defeza grupu Asean nian. Maske sei hanesan observador de’it, maibé ita sei rona no apriende saida maka ASEAN nia dinamika politika iha area seguransa hodi nune’e Timor-Leste bele kontribui.”

Lia hirak ne’e kasu husi Ministru Defeza, Donanciano Costa Gomes alias Pedro Klamar Fuik ba Jornalista sira iha salaun VIP (Very Important Person) Aeroportu  Internasional Nicolau  Lobato, Segunda, (13/11/2023).

Ministru Defeza Pedro Klamar Fuik esplika liutan, enkontru autonivel entre ministru defeza ASEAN+, iha tinan 2023 nian hala’o ba dala 17 iha Jakarta, Indonezia. Hamutuk membru ASEAN husi nasaun10 maka sei partisipa. No TL pela primeira vez sai nu’udar observador de’it iha enkontru ne’e.

Nu’udar observador katak Pedro Klamar Fuik, TL sei rona maka barak.  Maibé, tanba foin primeira vez partisipa iha membru organizador, maka sekretariadu ASEAN nian husu para ministru defeza bele hato’o lia fuan ruma.

Nune’e tuir Pedro Klamar Fuik, TL sei aproveita oportunidade hato’o deskursu ne’e hodi husu membru ASEAN sira atu tau prioridade liu ba governu iha ninia politika externa. TL sei orienta para bele iha adezaun ba ASEAN lalais liu kalendariu ne’ebé maka estabelese ona. No nu’udar observador TL presiza hatene modelu kontribuisaun iha aspeitu seguransa rejional nian.

Enkuantu enkotru ASEAN+ ne’e sei realiza iha loron 15 to’o loron 16 fulan Novembru tinan 2023. (Asesu Youtube/Facebook https://www.facebook.com/Media1Timor Media ONE Timor)