(Reportajen Angelo da Costa/Editora Suzana Cardoso)
DILI (Media One Timor) – Objetivu hosi delegasaun ASEAN nian ne’e maka atu haree liu konaba preparasaun no moos halo avaliasaun ba rekursu humanu Timor-Leste (TL) nian atu adere ba ASEAN.
Diretor Jeral protesaun sivil, Superintendente Asintente Ismael da Costa Babo hateten, Governu TL liuhosi Diresaun Geral Protesaun Sivil (DGPC-Sigla portuges) hetan vizita ofisial hosi delegasaun ASEAN.
Delegasaun ASEAN ne’e maka hanesan Ministeriu Negosiu Estranjeiru no Koperasaun Indenezia nian simu direta hosi Diretor Jeral protesaun sivil iha sala reuniaun SEPS Caicoli, Dili, Kuarta semana ne’e ho objetivu atu haree preparasaun TL ba ASEAN.
“Vizita delegasaun ASEAN nian mai protesaun sivil kompostu hosi; Diretora Asuntu ASEAN ne’ebé tau matan ba area sosio kultura, Yuliana Bahar. No na’in rua seluk mai hosi MNEK Indonezia nian”, esplika Ismail.
Nia afirma, protesaun sivil tama iha pilar ida ba preparasaun TL ba ASEAN nian maka sosia kultura ne’ebé iha liñas minesteriais ididak. Inklui; MSSI, SEFOPE no liñas minesteriais sira seluk.
Enkuantu ligadu ba vizita refere bainaka importante sira rona diretamente protesaun sivil ninia dezenvolvimentu organizasaun, programa prioridade nomos dezafiu sira ne’ebé maka hasoru liliu iha parte jestaun dezastre.
“Ida ne’e maka ohin sira mai husu no ita halo aprezentasaun nomos ita fahe ita nia difikuldades no ita nia rekomendasaun nune’e sira toma nota. Sira mos ohin kompremetidu katak sira sei relata ba liñas menesteriais sira iha Indonezia, ligadu ho asuntu hanesan formasaun ba funsionariu protesaun sivil atu ba tuir formasaun iha Indonezia”, nia relata.
Governante ne’e hatutan, vizita ne’e importante ba TL.Tanba prosesu naruk ida atu adere ba ASEAN. Nune’e ekipa ne’ebé maka ohin mai lori ASEAN nia naran hodi rona diretamente preokupasaun no liliu preparasaun TL nian atu sai membru ASEAN.
Hanesan públika ona iha mídia sira katak, nu’udar nasaun ne’ebé iha ASEAN nia leet iha obrigasaun hodi sai membru ASEAN, maske antes ne’e TL sai ona membru CPLP tanba ligasaun istoriku ho Portugal.(Asesu Youtube/Facebook Media ONE Timor)
Ita nia komentariu konaba post ne'e.