(Reportajen Editor Media ONE Timor Marcelino Tomae)
Dili (mediaonetimor.co) – Atu sai membru permanente ASEAN (Association of Southeast Asian Nations), Estadu Repúblika Demokrátiku Timor-Leste (RDTL), tenke iha komprimisiu hatama osan ho montante millaun 4.1 USD kada tinan, hodi hadia infrastrutura hotu-hotu iha rai laran.
“Ita mós tenke kumpri ba komprimisiu ida ho osan montante Millaun 4.1 USD, hodi kada tinan kontribui ba funsionamentu , ba ASEAN ninian.”
Informasaun ne’e hato’o husi Ministra Negósiu Estranjeiru nAdalzija Magno ba Jornalista iha resintu Parlamentu Nasionál (PN), Tersa,(13/06/2023)
Misnistra Adalzija haktuir, tanba tuir parseiru Azian sira nia kalkulasaun pur- volta tinan lima ba neen Timor-Leste tenke prepara ona infrastrutura sira ne’e, tanba adezaun sai membru permanente Azian bele lalais liu, maibé depende komprimisiu atu implementa lejislasaun sira ne’e.
Ministra Adalzija informa, komprimisiu tradusaun Ázia nian kuandu reniaun ona ho simera ne’e nunka delega ba sira nia Ministru, maibé tenke sira nia primeiru Ministru ka Prezidente rasik maka mai partisipa
“Ida ne’e kriteiriu Rokc Map tenke prepara ita nia azensia siguransa sira hodi fó seguransa ida ne’ebé maka di’ak ba líder boot sira ne’ebé maka mai”, dehan Adalzija hodi haktuir tan.
Iha Rokc map ne’e iha asuntu importante barak ne’ebé maka Governu TL Presiza prepara an, liu-liu adopta lejislasaun tratadu sira ne’ebé maka relasiona ho pilares tolu, maka hanesan asuntu seguransa, asuntu sosiál kulturál, no mós asuntu komunidade ekonómia Azian.
Entaun iha akordu ho lijislasaun ne’ebé maka iha Misnistra Adalzija informa TL tenke aprova emidiatamente kuandu ita sai ona membru Azian. Tenke prepara infrastrutura sufisiente, hanesan telekomunikasaun, infrastrutura ba oteis no ba asuntu sira seluk ne’ebé maka importante tebetebes kuandu RL kaer prezidensiál.
Adalzija informa tan, hotu-hotu hatene katak paizes iha 10, depois nia parseiru dialogu ne’e iha 11, entaun paizes 20 resin ne’ebé mai, prsiza hotel barak no kualidade, tanba parseiru Ázia nian hanesan Estadus Unidus Amérika, Inglatera, Canada, Austrália, Nova Zelándia, Japaun Korea, sira ne’e mesak ema boot.
“Entaun importante ami mai iha Parlamentu Nasionál kona-ba roteiru ne’ebé maka ita simu tiha ona. Roteiru ne’e foin daudauk ita simu iha simera Azian , Primeiru Ministru Taur Matan Ruak rasik ba, aprova husi paizes Membru Permanente Azian sira, hodi fó ba ita antes ita sai membru permanente Azian”, Adalzija dehan.
Maibé tuir observasaun Media ONE Timor iha terenu nota katak, Governu liu-husi Ministeriu Negósiu Estranjeiru ho Parlamentu Nasionál la konsege debate, tanba Deputadu sira la prinse korum. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.