(Reportajen Suzana Cardoso/Marcelino Tomae)
Dili (www.mediaonetimor.co) – Hafoin simu pose iha loron Sabadu, (01/07/2023), Primeiru Ministru (PM) Kay Rala Xanana Gusmão ba loron dahuluk iha IX Governu Konstituisionál, fila fali ba kadeira PM iha Palasiu Governu hafoin hosik tiha iha tinan 2015 to’o tinan 01 Jullu 2023.
Tuir informasaun ne’ebé Media ONE Timor asesu katak, kadeira Primeiru Ministru ne’ebé iha tinan 2023 tuur hosi PM Kay Rala Xanana Gusmão ho nia ístoria naruk.
- Fulan Maiu tinan 2022 to’o 26 Juñu 2006, kargu PM asumi hosi Marí Alkatiri.
- Loron 08 Agostu 2007 to’o tinan 2012, kargu PM asumi hosi Kay Rala Xanana Gusmaõ.
- Loron 07 Jullu 2012, kargu PM asumi fila fali hosi Kay Rala Xanana Gusmão.
- Loron 16 Fevereiru 2015 to’o 15 Setembru 2017, kargu PM asumi hosi Rui Maria de Araújo hafoin, Kay Rala Xanana Gusmão rejigna aan hosi PM.
- Hahú tinan 2018 to’o Juñu 2023, kargu PM asumi hosi Taur Matan Ruak.
- No iha loron 01 Juñu 2023 Xanana Gusmão fila fali mai asumi kargu PM.
Maka iha nia kargu ba dala tolu, PM Xanana iha loron Segunda, (03/07/2023), Kay Rala Xanana Gusmão ho nia eskoltu no akompaña husi Polísia tranzitu tama iha Palásiu Governu maizu menus tuku 08:15.
Prezensa Xanana Gusmão nian iha edifísiu órgaun ezekutivu nian ne’e ho karreta Estadu nian matrikula PM (Primeiru-Ministru) no hetan seguransa hosi korpu seguransa pesoál (CSP) ne’ebé durante ne’e koloka bá Xanana.
Hanesan baibain no toman ida bá Xanana bainhira tuun hosi karreta dada uluk sigarru lolon ida no hi’it rasik nia pasta koor metan dia la’o ho kalma tama oda-matan boot Palásiu Governu no hakat bá eskada liu bá Gabinete Primeiru-Ministru nian.
Hanesan baibain no toman ida bá Xanana bainhira tuun hosi karreta dada uluk sigarru lolon ida no hi’it rasik nia pasta koor metan la’o ho kalma tama oda-matan boot Palásiu Governu no hakat bá eskada liu bá Gabinete Primeiru-Ministru nian.
Jornalista sira ne’ebé halo hela gravasaun dokumentasaun imajen no video, la’o akompaña PM Xanana Gusmão to’o iha ninia sala servisu nian. To’o iha laran, Xanana loke janela ne’ebé iha no dada kurtiña odamatan nian.
“To’o ona. To’o ona, fila imi fila ona,” PM Xanana Gusmão hateten bá jornalista sira atu hapara ona hasai filmajen ka foto sira.
Tuir observasaun www.mediaonetikmor nian nota katak, molok Primeiru-Ministru Governu da-IX nian ne’e hakat bá servisu fatin, funsionáriu sira ne’ebé durante servisu iha edifísiu órgaun soberanu da-haat ne’e prepara tiha ona, no hein hela atu simu Xanana tanba foin atu hahú funsaun estadu nian, hanesan xefe ezekutiva bá mandatu 2023-2028.
Iha Sábadu, 01 fulan-Jullu 2023, tuku 16:00 lorokraik Otl, Primeiru-Ministru eleitu, Xanana Gusmão, hamutuk ho nia membru Governu sira na’in-46, simu posse hosi Prezidente Repúblika (PR), José Ramos-Horta, iha Palásiu Prezidente Nicolau Lobato.
Palásiu Governu la’ós fatin ne’ebé foun bá Xanana, maibé, hahú kedan iha IV no V Governu Konstitusionál, Xanana servisu tiha ona iha fatin ne’e, no ho kualidade nu’udár xefe governu ka xefe ezekutivu, durante ninia governasaun sira iha tinan lubun bá kotuk.
Ohin, Kay Rala Xanana Gusmão asume hikas kna’ar ne’e, tanba konfiansa povu Timor-Leste nian. Tán ne’e, povu hein hela mudansa sira bá povu nia moris di’ak no nasaun nia progresu ho filozofia Governu da-IX nian, ba Tempu bá Mudansa. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.