(Reportajen Kontributor Media ONE Timor-Agostu Sarmento)
Kuala Lumpur (www.mediaonetimor.co) – Iha anúnsiu importante ida iha Simeira ASEAN ba dala 46 ne’ebé hala’o iha Kuala Lumpur kona-ba Timor-Leste sei hetan adezaun tomak iha ASEAN iha simeira ba dala 47.
Lee Notísia Relevante: “Matadalan Foun Ba ASEAN, PM Xanana Aprezenta”
Primeiru Ministru Malázia nian, Dato’ Seri Anwar Ibrahim, ofisialmente deklara katak Timor-Leste sei hetan adezaun tomak iha ASEAN iha Simeira ASEAN ba dala 47 ne’ebé sei mai, iha fulan Outubru tinan 2025 iha Kuala Lumpur, iha nia diskursu ne’ebé hala’o iha loron Segunda, (26/05/2025).
Lee Notísia Relevante: “Partisipa Simeira ASEAN, Malázia Simu PM Xanana Ho Guarda de Onra”
Primeiru-Ministru hato’o nia apresiasaun, gratidaun, no rekoñesimentu kle’an liu ba parte hotu-hotu, tantu iha ASEAN nia laran no liután, ne’ebé maka kontribui mak’as ba marku signifikativu ida ne’e.
Nia elojia sira nia dedikasaun, kooperasaun, no kompromisu metin ba solidariedade no inkluzividade rejionál.
“Ida ne’e marka momentu istóriku ida la’ós de’it ba Timor-Leste, maibé ba família ASEAN tomak. Viajen Timor-Leste nian ba adezaun tomak reflete ita-nia vizaun koletiva ba ASEAN ida ne’ebé unidu, koezivu, no haree ba oin,” Primeiru-Ministru Anwar afirma. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.