Dili (www.mediaonetimor.co) –Bis andar kompletu ho Ac, Babadok Express ne’ebé lansa husi Governu Timor-Leste (TL) hodi halo nia operasaun dahuluk iha loron 30 Marsu 2023 hodi fasilita viajen ba no mai Dili, Timor-Leste ba Kupaun, Indonezia, deskonfia tanba serkuita. Nune’e ahi han mutuk iha dalan area Kiupukan antes tama Distritu Kefa, Provinsia Kupaun, Indonezia.
Tuir informasaun ne’ebé fó sai husi netizen sira iha media sosiál katak, bis babadok ne’ebé maneja husi Associação Empresarial das Mulheres de Timor-Leste (AEMTL) ne’e tula pasajeirus hamutuk na’in 15, husi Kupaung atu mai Dili.
Maibé to’o iha dalan area Kiupukan antes tama Distritu Kefa, pasajeirus sira sente dois hosi fiu konslet ho potensia hanesan ahi atu han kareta. Nune’e pasajeirus sira haruka kondutor para kareta hodi sira hala’i tun hotu husi kareta laran.
Hafoin liu minutu maizu menus tolu, ahi rabenta sai husi kareta laran. Ahi suar metan kumesa sai husi transporte públiku ne’ebé bele tula pasajeirus, inklui ho kondutor hamutuk na’in 33 kompletu ho fasilidade hanesan kareta públiku iha Nasaun Europa.
Hanesan públika iha Media Kompas.com hatete, bis rute entre nasaun Timor-Leste ho Indonezia ne’e ahi han iha loron, Tersa, (24/09/2024) meudia, iha Ekafalo, Suku Oinbit, Postu Insana, Distritu Timor Tengah Utara (TTU), Propinsia NTT, Indonezia.
“Bis ne’e ahi han iha maizu menus tuku 12.50 Wita. Ahi han bainhira viajen husi Kupaun ba Dili,” hatete Xefi Unidade Tránzitu Polísia TTU Resort, Primeiro Inspector Polícia (Iptu) Rahmat Agus Ibrahim ba Kompas.com.
Rahmat esplika, akontesementu ne’e akontese haú husi bus Babadok ho nomeru A 39001 TL, lori pasajeiru hamutuk na’in sia, tuir manifest iha Terminal Internasional Distritu TTU. To’o notísia ne’e públika Media ONE Timor tenta kontatu responsavel AEMTL via telemovel, maibé laiha resposta.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.