MEDIAONETIMOR– Hafoin simu posse sai Ministru Deveza no Ministru Interior VII Governu Koligasaun Minotária Sesta semana kotuk, Falintil-Forsa Devesa Timor-Leste (F-FDTL) simu Jose Agostinho Sequeira Somotxo ho formatura militar iha Quartel Jeral, Fatuhada.
“Ohin ami simu ministru foun iha ministeiru ne’e hodi fo koñese instituisaun Devesa. Normalmente hanesan formal ida aprezenta Direktor sira iha ne’e. Ba ministru foun direktor sira fo briefing kona-ba lalaok servisu iha ne’e.”
Liafuan hirak ne’e hato’o husi Eis Ministru Defeza, Cirilio Cristovão ne’ebé akompaña hosi Ministru Defeza Foun, Jose Agostinho Sequeira Somotxo ba Jornalista iha Kuartel Jeral, Fatuhada, Segunda, (18/09/2017) hafoin remata serimonia ofisial intrega relatoriu.
Serimonia transformasaun mandatu Ministru Devesa tuan no foun ne’e hala’o ho intrega relatoriu servisu durante mandatu Ministru Devesa Cirilio nian desde VI Gogernu ne’ebé hahu iha loron 16 Fevereiru 2015 to’o 15 Setembru 2017.
Cirilio hameno, Ministru Defeza ne’e bo’ot. Ministru foun mai presiza dezemvolve hodi fo kapasitasaun diak liutan ba F-FDTL para sai forsa professional no modernu. Hotu-hotu tenki tahu matan ba rekursu humanu forsa nian para eleva diak liu tan, servisu ho kualidade no kualidade dezempañu iha Ministeiru Devesa laran.
Remata simu Ministru Devesa foun Samotxo ho formatura militar, Ministru Devesa tuan Cirilio intrega relatori servisu ne’ebé desde tinan 2015 to’o 2017 hodi sai hanesan mata dalan ba servisu iha futuru.
“Ne’e relatoriu servisu ne’ebé mak hau halo iha instituisaun devesa durante asumi pasta hanesan Ministru Defeza. Iha servisu balun halo ona. Balun hein dezemvolve diak liutan. Balun seluk maka seidauk realiza presiza halo diak liutan,” katak Cirilio.
Iha parte seluk Ministru Defeza foun, Somotxo promete, sei kontinua obra ne’ebé desde lidera hosi Roke, Julio Pinto no Dr. Cirilio ho obra ne’ebe nia husik hela. Ministru Defesa nia hahu tuir konstitusional.
Katak Samtxo, antes seidauk sai ministru nia kontente dezenvolve institusaun ne’e liu hosi relasaun nu’udar veteranus ho komandante sira. durante loron 100 iha hahu nia servisu sei konvida diretur sira hotu para halo konferensia ida kona ba programa iha tempu badak
Somotxo dehan, kooperasaun ho nasaun seluk ne’ebé durante ne’e kria ona sei mantein. Tanba, evolusan ka dezenvolvimentu Ministru Defeza ninian ho Forsa Armadas liu husi koperasaun.
“Lori kargu hanesan Ministru Devesa no Ministru Minstru Interior ba hau difisil. Maibe, hau iha klaran mos hau fiar katak ne’e instituisaun nian funsionamentu. Hau lapresija iha ne’e mos funsiona hanesan bain-bain,” dehan Samtxo.
Maske rekuñese perkupasaun públiku ba posisaun rua tuir Samtxo, kaer pasta posisaun rua ne’e hodi responde situasaun divolusaun politika nian. Institusaun rua ne’e konstitusaun fo ida-idak nia fontes ho forsas armadas.
Samotxo dehan, kompetensia forsas armadas TL atu garante soberania ho indepedensia. Integredade rai ninian hanesan institusaun demokratika nia funsionamentu. Tuir artigu 146; kompetensia ne’ebe estadu fo ne’e laos kmaan. No agora institusaun ne’e komesa dezenvolve ona. Maibe presisija dezenvolvidade.
Samotxo hatutan, soberania influensia atu garantia soberania. Presija dezenvolvimentu forsas armadas. Modernijasaun forsas armadas. Balun ne’ebe lanesesariamente tenke liu husi komunikasaun sosial.
Balun seluk hatutan Samotxo, aban bainrua Eis Ministru sai ona ho buat balun ne’ebe mak imi jornalista sira lapresija hatene. Daet ba seguransa Militar, hanesan segredu Militar ho segredu nasaun ninia.
“Hau brani asumi tanba realidade. Laos permanente. Maibe imi sei akompaña dezenvolvimentu politiku aktual. Fiar katak iha tempu badak nia laran halo imi sei hare institusaun rua ne’e nafatin ka ida-idak iha ninia fatin. Ita hotu hein,” tenik Samotxo.(Estájiada Dulce ximenes /Nofiana da costa)
Ita nia komentariu konaba post ne'e.