(Reportajem Estajiadu Mario Pereira/Editor Marcelino Tomae)
Dili (Media ONE Timor) – Tama ba Kampañia eleisaun Parlamentár (elpar) tinan 2023, Komisaun Nasionál Eleisaun (CNE Sigla Portugues) servisu hamutuk ho Polísia Nasionál Timor-Leste (PNTL) sei garantia seguransa hodi asegura elpar la’o ho hakmatek no dame nia laran.
Informasaun ne’e hato’o husi Prezidente CNE José Agostinho da Costa Belo no Komandante Operasaun Nasional PNTL, Superintedente Xefe José Soares ba Jornalista, foin lalais ne’e, iha Fulan Abril 2023.
Tuir Prezidente CNE José Agostinho da Costa Belo, partidu politiku sira, tenke kumpri kalendariu ne’ebé maka fó sai ona. Partidu ida-idak halo kampaña tenki tuir nia data, oras no fatin iha munisipiu no moos iha postu administrativu sira.
“Ita halo ona kooperasaun ho PNTL, hodi Garantia estabilidade iha kampañia eleisaun parlamentár tinan 2023 ida ne’e nia laran atu lao hakmatek no dame”, hatete Prezidente CNE José Belo hodi husu komunidade hotu-hotu nia kontribuisaun.
Aliende kalendariu Kampañia Parlamentar ne’ebé desidi ona tuir Prezidente CNE José Belo informa, Parpol ne’ebé maka hatama uluk, nia iha direitu ba kampu ne’ebé sira hili no sei koordena ho parte PNTL.
Iha biban ne’e mós Prezidenten CNE informa, lei espesiál ba kampañia CNE maka sai supervizaun, akompañia ho seguransa hodi haree partidu politiku sira. Sei Parpol sira hala’o kampañia tenke tuir oras determinadu.
“Kuandu liu oras determinadu, CNE sei komunika direita ba Parpol no parte seguransa atu respeita regulamentu ne’ebé maka iha. Parpol la kumpri dala rua ka tolu, CNE sei foti medida emidiatamente”, Jose hatete.
Aliende kontra oras kampaña ne’ebé liu ona katak José, PNTL moos sei la-tolera kuandu akontese krime ruma. Polisia sei halo kapturasaun ba kriminozu sira para asegura eleisaun ne’ebé maka sei realiza iha loron 21 Maiu 2023.
Perkupasaun hanesan hato’o husi Komandante operasaun nasionál PNTL, Superentendente Xefe José Soares. Nia hatete, partidu polítiku tenke respeteita lei kampañia ne’ebé maka anunsia tiha ona.
Ita hakarak kampaña ne’e la’o ho estabilidade to’o remata. See maka la kumpri, Seguransa sei foti medida, hanesan ohin Prezidente CNE hatete tiha ona”, dehan komandate operasaun ne’e.
Katak Xefe José, lei krime eleitorál mensiona ona iha artigu 289, 241 no artigu 242. No respeitu moos lei kona-ba tranzitu siguransa, lei kona-ba artimarsiais no sasan kroat uza iha durante kampaña ba elpar.
Komandante operasaun ne’e moos, husu ba partidu politiku sira atu hanorin sira nia militante no simpatezante sira ba lei ne’ebé maka fó sai ona. No militante ida-idak sai rasik ba nia partidu. No Ita hotu sai na’in, responsabilidade ba prosesu kampañia ne’e la’o.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.