MEDIAONETIMOR– Ukun hó fuan, lidera hó matenek para povu hatene liutan programa partidu politikus nian maka Komisaun Nasional Eleisaun (CNE) servisu hamutuk hó Provedor Direitus Humanu no Justisa (PDHJ), Komisaun Anti Korupsaun CAC, Konsellu Imprensa (CI), RTTL,E.P, Ifes, no UNDP realiza debate ba Partidus Politikus (Parpol) konkorentes Elesaun Parlamentar (Elpar) iha Salaun CNE, 17 no 18 Julllu 2017.
Debate hó tema jeral “determina futuru lideransa” ne’ebé loke husi Prezidente Repúblika, Francisco Guterres Lu-Olo iha nia deskursu hateten, Presidente Repúblika, Francisco Guterres Lu-Olo hateten eleisaun lejislativa tuir mai sei justu no livre ba eleitor sira, bainhira ezerse sira nia direitu no poder politiku, iha 22 Jullu 2017.
“Hau fiar katak sira nia kna’ar hotu-hotu sei la’o ho susesu, atu ita ida-idak bele hili, liu hosi votu sekretu partidu ka koligasaun partidu sira nian atu ba tu’ur iha Parlamentu Nasional no, ikus mai hatu’ur Governu ba tinan lima tuir mai, tuir konstituisaun Timor-Leste haruka,” hateten Lu-Olo.
Nia hateten, haksesuk malu ne’ebe hala’o ne’e para atu lori konfiansa povu nian ba tu’ur iha orgaun lejislador Parlamentu Nasional no kaer governu tinan lima oin mai.
liu husi debate politiku ida ne’e, ita bo’ot sira sei koalia klean no klaru liu tan ho matenek no laran mo’os no hakmatek, ba povu tomak no ba votantes sira, atu ida-idak hili partidu ka koligasaun ida ne’ebe hatudu programa ukun diak liu, atu hamenus kiak iha tinan lima oin mai no hala’o dezenvolvimentuba ita nia rain.
Nune’e katak Lu-Olo, iha loron hat ikus kampañia ida ne’e nian, biar ema balun sei laran manas liu tan no sei haklalak liu tan iha luron, hau fiar katak sira sei halo ho disiplina no respeitu ba orden publika.
Haktuir Lu-Olo, Futuru ita ida-idak nian, familia ida-idak nian, povu tomak nian, bele hadia liu tan maibe ida ne’e depende hosi ita ida-idak ninia votu sekretu, iha 22 Jullu, ita ida-idak iha kbiit atu hili ukun nain sira, liu hosi partidu politiku, tuir Konstituisaun Republika haruka, kbiit ida ne’e bo’ot no espesial teb-tebes iha rai barak povu sira seluk laiha kbiit ida ne’e tanba sira nia sistema la fo dalan ba sira.
Ne’e duni tenik Lu-Olo, ida-idak sei uja ho laran kmanek nia direitu atu hili ukun nain sira. Direitu ne’ebe manan bainhira hahu organiza-an, nu’udar estadu atu ukun rasik-a’an tuir ita nia hakarak rasik.
“Hau fiar katak votante ida-idak iha matenek atu sukat didiak partidu sira nia programa molok hili ida. Hau fiar mos katak ita ida-idak sei vota ba partidu ida ho konsiensia katak partidu ne’e sei hadia ita nia moris iha tinan lima tuir mai,” dehan Lu-Olo.
Iha deskursu ne’e Prezidente Lu-Olo husu ba ida-idak atu vota iha 22 Jullu 2017. Tanba votu ne’e importante ba hotu-hotu ba tinan lima tuir mai ho imi nia votu. Habelar demokrasia liu tan no it abele hala’o dezenvolvimentu tuir programa ne’ebe pertidu ida ne’ebe manan.
Hato’o ba ita fo liman ba malu, ita sei hametin pas no estabilidade, iha ita nia rain Timor-Leste, ida ne’ebe sei furak no hetan fiar maka’as hosi rai sira seluk, ita hotu sei tulun malu, sei servisu hamutuk ho vontade tomak atu haa’o dezenvolvimentu integradu no sustentavel iha ita nia rain doben Timor-Leste no ba ita nia jerasaun tuir mai.
Entertantu Presidente Conselho Nasional Eleisaun (CNE), Alcino Barris mos salienta katak hahu partidu politiku sira halo propaganda oituan ho maneira politiku hodi konkilista hetan simpatia kobre teritorio rai doben ida ne’e fila hikas mai Salaun Lalini Larigutu ho fatin ida ne’ebe hanaran uma laran nanis abut ba demokrasia hodi esklarese no argumentu interna wainhira partidus politikus e bloku partidaria, ne’e mak fiar povu liu hosi votasaun sai deputadu ema hotu laliga.
Hateten Alcino, komprimisiu prioridade politiku saida los mak sei haklaken lori fo kontinuasaun ba dezenvolvimentu iha doben Republika Dempkratika Timor-Leste ida ne’e ba periodu tinan lima mai.
Katak Alcino Objetivu debate ida ne’e hetan forsa hosi Konstituisaun RDTL artigu 146 no Lei Numeru 7 / 2017 katak Orgaun Independente tau matan ba struturais saida deit no promove partisipasaun nudar dekretu Lei haruka.
Iha debate ne’e fahe ba seksaun hat konkorentes partidus politikus no bloku partidaria sira rasik mak dada sorteiu iha dia 10 de Jullu 2017 iha fatin ida ne’e duni hodi determina sira halo parte iha grupu ida ne’e.
Hamutuk perguntas 400 maka haruka liu husi mensajem telemovel no email ba CNE hodi kontamila hamutuk sai pergunta badak hodi dada sorteia ba pergunta tuir asuntu importante durante debate loron rua ne’e. Ba perguntas restu seluk sei hatama ba governu hodi sai hanesan debate.(Reportajem Deonisio da Cruz)
Ita nia komentariu konaba post ne'e.